完整藏文原文 · 德格版页 当前仅加载第 59 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་ལ་གནས་པ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ལམ་ངན་པ་ལས་ལམ་ཡོངས་སུ་ཚོལ་བར་བྱེད། འཇམ་དཔལ་གྱིས་སྨྲས་པ། ལྷའི་བུ་ལམ་ངན་པ་ཞེས་བྱ་བ་ནི་འཁོར་བ་སྟེ། བྱང་ཆུབ་སེམས་དཔའ་ནི་དེ་ལ་གནས་ནས། སེམས་
D161.059.0124b01.01ཅན་ངེས་པར་འབྱུང་བའི་ཕྱིར་ལམ་ཡོངས་སུ་ཚོལ་བར་བྱེད་ཀྱི། བདག་ཉིད་ངེས་པར་འབྱུང་བའི་ཕྱིར་ནི་མ་ཡིན་ནོ། །ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའི་སྤྱོད་པ་ནི་འཇིག་རྟེན་ཐམས་ཅད་དང་མི་འཐུན་པ་ཡིན་ནོ། །འཇམ་དཔལ་གྱིས་སྨྲས་པ། ལྷའི་བུ་འདི་ལྟར་
D161.059.0124b02.01བྱང་ཆུབ་སེམས་དཔའ་རྣམས་ནི་འཇིག་རྟེན་ན་སྤྱོད་ཀྱང་། འཇིག་རྟེན་གྱི་ཆོས་རྣམས་ཀྱིས་མི་གོས་པ་དང་། ཉོན་མོངས་པ་མེད་པ་སྟོན་པར་བྱེད་ཀྱང་། ཉོན་མོངས་པ་མེད་པ་ཉིད་དུ་མི་ལྟུང་བ་དང་། རྒ་བ་དང་། འཆི་བ་སྟོན་པར་བྱེད་ཀྱང་། ཆོས་ཐམས་ཅད་སྐྱེ་བ་མེད་པ་དང་འབྱུང་
D161.059.0124b03.01བ་མེད་པར་ཤེས་ཤིང་། སྐྱོན་མེད་པ་མངོན་དུ་མི་བྱེད་པ་དང་། ཕུང་པོ་དང་། ཁམས་དང་། སྐྱེ་མཆེད་ལ་ཡོངས་སུ་སྤྱོད་པར་བྱེད་ཀྱང་། ཕུང་པོ་དང་། ཁམས་དང་། སྐྱེ་མཆེད་དོན་དུ་མི་གཉེར་བ་དང་། ཕུང་པོ་དང་། ཁམས་དང་། སྐྱེ་མཆེད་ཡོངས་སུ་ཤེས་པར་བྱ་
D161.059.0124b04.01བའི་ཕྱིར། སེམས་ཅན་རྣམས་ལ་ཆོས་སྟོན་ཀྱང་། ཡོངས་སུ་ཤེས་པ་དེ་དག་ཡོངས་སུ་ཤེས་པར་མི་བྱེད་པ་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། མངོན་པར་སྒྲུབ་པར་བྱེད་ཅིང་། སེམས་རྣམ་པར་
D161.059.0124b05.01གཡེངས་པ་རྣམས་ཉེ་བར་འཇོག་པར་བྱེད་ཀྱང་། ཉེ་བར་འཇོག་པ་ལ་འབྱུང་བར་མི་བྱེད་པ་དང་། བདུད་ཀྱི་ཡུལ་ཉེ་བར་སྟོན་པར་བྱེད་ཀྱང་། བདུད་ཀྱི་ལས་རྣམས་ཀྱིས་མི་འཕྲོགས་པ་དང་། སངས་རྒྱས་ཀྱི་ཡུལ་སྤོང་བར་མི་བྱེད་པ་དང་། བདུད་ཀྱི་ཡུལ་གྱི་རྗེས་སུ་མི་འཇུག་
D161.059.0124b06.01པ་དང་། ཆོས་ཀྱི་དབྱིངས་ཀྱི་ཡུལ་ལས་ལྡོག་པར་མི་བྱེད་པ་དང་། སེམས་ཅན་གྱི་ཁམས་ཀྱི་ཡུལ་ཉེ་བར་ལེན་པར་བྱེད་པས་ན། དེའི་ཕྱིར་སེམས་ཅན་ཆེན་པོ་དེ་དག་གི་སྤྱོད་པ་ནི་འཇིག་རྟེན་ཐམས་ཅད་དང་མི་འཐུན་པ་ཡིན་ནོ། །ལྷའི་བུས་སྨྲས་པ། འཇམ་དཔལ་ཁྱོད་བྱང་ཆུབ་
D161.059.0124b07.01