完整藏文原文 · 德格版页 当前仅加载第 59 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་པའི་ཡིད་ཀྱིས་འདོམས་པར་བགྱིད་པ་དང་། རྗེས་སུ་སྟོན་པར་བགྱིད་པ་དང་། འདི་ལ་ནན་ཏན་གྱིས་སྒྲུབ་པར་བགྱིད་པ་དང་། གཞན་དག་ཀྱང་ནན་ཏན་གྱིས་སྒྲུབ་ཏུ་སྩོལ་བ་དང་། ཉམས་པར་མི་བགྱིད་པ་དེ་དག་ནི་སེམས་ཅན་དམ་པ་དང་། སེམས་ཅན་ཆེན་པོ་
D161.059.0137b01.01དང་། དགེ་བའི་རྩ་བ་བསྲུངས་པ་དང་། སངས་རྒྱས་མང་པོ་ལ་བསྙེན་བཀུར་བགྱིས་པ་དང་། གཏིང་རྙེད་པ་དང་། ལོག་པར་ལྟུང་བའི་རྒྱུན་བཀུམ་པ་དང་། ངན་སོང་དང་ངན་འགྲོའི་སྒོ་བཀུམ་པ་དང་། དགེ་བའི་བཤེས་གཉེན་གྱིས་ཡོངས་སུ་ཟིན་པ་དང་། དགེ་བའི་བཤེས་
D161.059.0137b02.01གཉེན་རྣམས་ལ་ཤིན་ཏུ་གུས་པ་དང་། དགེ་བའི་བཤེས་གཉེན་རྣམས་ལ་བགྱིས་པ་གཟོ་ཞིང་བགྱིས་པ་ཚོར་བ་ལགས་ཤིང་། དེ་དག་ནི་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་དམ་པའི་ཆོས་ཡོངས་སུ་གཟུང་བའི་སླད་དུ་
D161.059.0137b03.01ཞུགས་པ་ལགས་ཏེ། སྐྱེས་བུ་དམ་པ་དེ་དག་ལ་ནི་སངས་རྒྱས་འབྱུང་བ་ཡང་མཆིས་ལགས་སོ། །དེ་དག་ལ་ནི་ཆོས་ཀྱི་འཁོར་ལོ་བསྐོར་བ་ཡང་མཆིས་ལགས་སོ། །དེ་དག་ལ་ནི་འབྲས་བུ་མཆིས་པ་དང་། ཁོམ་པ་དང་ལྡན་པ་ལགས་སོ་ཞེས་ཀྱང་གསོལ་ཏོ། །
D161.059.0137b04.01དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་དེ་དག་ལ་ལེགས་སོ་ཞེས་བྱ་བ་བྱིན་ནས་བྱང་ཆུབ་སེམས་དཔའ་བྱམས་པ་ལ་བཀའ་སྩལ་པ། བྱམས་པ་ཆོས་ཀྱི་རྣམ་གྲངས་འདི་བཤད་པ་ན། ལྷ་དང་མི་རྣམས་ཀྱི་སྐྱེ་དགུ་ལས་སྲོག་ཆགས་ཉི་ཁྲི་ཉིས་
D161.059.0137b05.01སྟོང་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །ལྷ་དང་མི་རྣམས་ཀྱི་སྐྱེ་དགུ་ལས་སྲོག་ཆགས་འབུམ་ཕྲག་བརྒྱད་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་།
D161.059.0137b06.01ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ས་ཡ་ཕྲག་གཉིས་ཀྱིས་ནི་བྱང་ཆུབ་ཏུ་སེམས་བསྐྱེད་དོ། །འདི་ན་གནས་པ་དང་། འཇིག་རྟེན་གྱི་ཁམས་གཞན་དག་ནས་
D161.059.0137b07.01