完整藏文原文 · 德格版页 当前仅加载第 59 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་སྐྱེ་བ་དང་འཇིག་པ་དང་བྲལ་བའི་ཕྱིར་བླང་བ་མེད་པ་དང་། དོར་བ་མེད་པ་ཡིན་ནོ། །ཆོས་འདི་ནི་ཆོས་ཀྱི་དབྱིངས་སུ་ཡང་དག་པར་གཞོལ་བའི་ཕྱིར་གནས་པ་མེད་པར་གནས་པ་ཡིན་ནོ། །ཆོས་འདི་ནི་ཡང་དག་པར་མ་བྱུང་བའི་ཕྱིར་དབྱེར་མེད་པ་ཡིན་ནོ། །ཆོས་འདི་ནི་སྤྲོས་པ་དང་བྲལ་བའི་
D161.059.0114b01.01ཕྱིར་རབ་ཏུ་སྤྱོད་པ་མེད་པ་ཡིན་ནོ། །ཆོས་འདི་ནི་རང་བཞིན་གྱིས་ཉེ་བར་ཞི་བའི་ཕྱིར་སྤྲོས་པ་དང་བྲལ་བ་ཡིན་ནོ། །ཆོས་འདི་ནི་རྣམ་པར་རྟོག་པ་ཐམས་ཅད་དང་བྲལ་བའི་ཕྱིར་ཉེ་བར་ཞི་བ་ཡིན་ནོ། །ཆོས་འདི་ནི་ཕས་ཀྱི་རྒོལ་བ་ཐམས་ཅད་ངེས་པར་བཅོམ་པའི་ཕྱིར་རྣམ་པར་རྟག་པ་མེད་པ་ཡིན་
D161.059.0114b02.01ནོ། །ཆོས་འདི་ནི་འདོད་པའི་འདོད་ཆགས་ཀྱི་རྡུལ་དང་བྲལ་བའི་ཕྱིར་ཤིན་ཏུ་འཕགས་པ་ཡིན་ནོ། །ཆོས་འདི་ནི་སྟོང་པ་ཉིད་ཀྱི་ཕྱིར་སྟོང་པ་མེད་པ་ཡིན་ནོ། །ཆོས་འདི་ནི་ངེས་པར་མ་བརྟགས་པའི་ཕྱིར་མཚན་མ་མེད་པ་ཡིན་ནོ། །ཆོས་འདི་ནི་རྣམ་པར་ཤེས་པ་མི་གནས་པའི་ཕྱིར་སྨོན་པ་མེད་
D161.059.0114b03.01པ་ཡིན་ནོ། །ཆོས་འདི་ནི་རྩ་བ་ཡོངས་སུ་ཆད་པའི་ཕྱིར་མི་གནས་པ་ཡིན་ནོ། །ཆོས་འདི་ནི་གྲོགས་མེད་པའི་ཕྱིར་མི་རྟེན་པ་ཡིན་ནོ། །ཆོས་འདི་ནི་མི་རྟེན་པའི་ཕྱིར་མི་གཡོ་བ་ཡིན་ནོ། །ཆོས་འདི་ནི་གཟོད་མ་ནས་རྣམ་པར་དག་པའི་ཕྱིར་བདག་མེད་པ་ཡིན་ནོ། །ཆོས་འདི་ནི་གཏན་
D161.059.0114b04.01མངོན་པར་གྲུབ་པ་མེད་པའི་ཕྱིར་སེམས་ཅན་མེད་པ་ཡིན་ནོ། །ཆོས་འདི་ནི་གཟོད་མ་ནས་མ་བྱུང་བའི་ཕྱིར་རྟག་པ་མེད་པ་ཡིན་ནོ། །ཆོས་འདི་ནི་གཟོད་མ་ནས་མ་སྐྱེས་པའི་ཕྱིར་མ་བྱུང་བ་ཡིན་ནོ། །ཆོས་འདི་ནི་མཚན་ཉིད་དང་བྲལ་བའི་ཕྱིར་མ་སྐྱེས་པ་ཡིན་ནོ། །ཆོས་འདི་ནི་མཚན་
D161.059.0114b05.01ཉིད་ཐམས་ཅད་དང་བྲལ་བའི་ཕྱིར་མཚན་ཉིད་མེད་པ་ཡིན་ནོ། །ཆོས་འདི་ནི་གཟོད་མ་ནས་ཡང་དག་པར་རྒྱུན་ཆད་པའི་ཕྱིར་ཞི་བ་ཡིན་ནོ། །ཆོས་འདི་ནི་གཟོད་མ་ནས་ཉེ་བར་ཞི་བའི་ཕྱིར་ཡང་དག་པར་རྒྱུན་ཆད་པ་མེད་པ་ཡིན་ནོ། །ཆོས་འདི་ནི་མི་ཕྱེད་པ་དང་མི་སྣང་བའི་ཕྱིར་ནམ་མཁའི་
D161.059.0114b06.01མཚན་ཉིད་ལྟ་བུ་ཡིན་ན། ལྷའི་བུ་ཆོས་དེ་ལྟ་བུ་ལ་ཆོས་ཀྱི་དགབ་པ་དེ་ལྟ་བུ་ཞིག་ཡོད། ལྷའི་བུས་སྨྲས་པ། འཇམ་དཔལ་ཆོས་འདིའི་དགབ་པ་ནི་ཀུན་ཏུ་འཕྲོ་བ་མེད་པ་ཡིན་ནོ། །འཇམ་དཔལ་གྱིས་སྨྲས་པ། ལྷའི་བུ་ལེགས་སོ་ལེགས་སོ། །ཇི་སྐད་སྨྲས་པ་དེ་བཞིན་
D161.059.0114b07.01