完整藏文原文 · 德格版页 当前仅加载第 91 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བརྩོན་ཞིང་དད་པའི་བདག །ལན་གྲངས་བཅུ་གཉིས་གང་བསྙེན་པ། །རྟོག་ལས་གསུངས་པའི་ལས་རྣམས་བྱེད། །རབ་ཏུ་ཡ་མཚན་སྟོན་པའོ། །ཧེ་ལའི་འཁོར་ལོ་ཚུལ་ཤེས་པས། །རིང་པོར་མི་ཐོགས་བདེ་བ་ནི། །ཁྲོ་བོར་བསྒོམ་པ་དང་ལྡན་ཞིང་། །ཧེ་ལའི་འཁོར་
D604.091.0032b01.01ལོ་གནས་འདུག་ན། །ཁམས་གསུམ་དག་ཀྱང་ལན་ཅིག་གིས། །ཐོགས་མེད་མྱུར་དུ་གཡོས་པར་བྱེད། །དེ་བས་རབ་ཏུ་བསྒྲིམས་ནས་སུ། །ཁྲོ་བོ་བསྒོམ་པ་གོམས་བྱས་ཏེ། །ཧེ་ལའི་འཁོར་ལོ་ལས་འབྱུང་སྔགས། །སྦྱོར་བ་དག་གིས་གོམས་པར་བྱ། །ཁྲོ་བོ་རྣམ་
D604.091.0032b02.01པར་རྒྱལ་བ་ཡི། །རྟོག་པ་དང་པོར་གང་བསྒྲགས་པ། །དེ་ཡི་རྟོག་པ་གསང་བཤད་པ། །ཆོ་ག་འདི་ནི་གསང་བའི་མཆོག །ཁྲོ་བོའི་འཁོར་ལོ་བསྒྲགས་པ་འདི། །ཆོ་ག་དེ་བས་ཤིན་དུ་གསང་། །ཁྲོ་བོའི་འཁོར་ལོ་གསང་བཤད་པ། །རབ་ཏུ་སྣང་བྱེད་དེ་བས་ཀྱང་། །
D604.091.0032b03.01ཧེ་ལའི་འཁོར་ལོ་བསྒྲགས་པ་འདི། །རབ་ཏུ་གསང་བའི་མཆོག་ཡིན་ཏེ། །རྟོག་པ་འདི་དག་ཐམས་ཅད་ཀྱིས། །རབ་ཏུ་གསང་བ་བཤད་པ་ཡིན། །རྟོག་པ་རབ་ཏུ་གསང་བ་ནི། །འདི་དག་རྣམ་པ་ཀུན་ལ་ཡང་། །ཧེ་ལའི་འཁོར་ལོ་འདྲ་བ་ཡི། །འཁོར་ལོ་མ་བྱུང་ཕྱིས་མི་འབྱུང་། །གང་
D604.091.0032b04.01ཞིག་འདི་ཡི་དོན་ཐོས་ནས། །ཁྲོ་བོའི་གྲུབ་པ་སྒོམ་བྱེད་ན། །དེ་ཡིས་འབད་པ་མ་བྱས་ཀྱང་། །འཇིག་རྟེན་ན་ནི་བསྒྲུབ་དཀའ་མེད། །ཧེ་ལའི་འཁོར་ལོའི་གནས་ལ་ནི། །ཇི་ལྟར་འདོད་པར་གནས་ནས་སུ། །ཁྲོ་བོ་བསྒོམ་དང་རབ་ལྡན་པས། །ཁྲོ་བོའི་གཟུགས་སུ་གནས་ནས་ནི། །རྩེ་
D604.091.0032b05.01གཅིག་ཏུ་ཡང་ཚིག་གི་མཆོག །བསྒྲུབ་པ་མཆོག་ནི་སྦྱིན་པར་བྱེད། །ཐོགས་པ་མེད་པར་འཇམ་དཔལ་མཐོང་། །ཇི་ལྟར་རིག་པའི་དོན་བཞིན་དུའོ། །ཁྲོ་བོ་རྣམ་པར་རྒྱལ་བ་འཇམ་དཔལ་གྱི་རྩ་བའི་རྟོག་པ་ལས་གསང་བའི་རྟོག་པར་གཏོགས་པ་སྟེ་བཞི་པའོ།། །།ཁྲོ་བོ་ཆེན་
D604.091.0032b06.01པོའི་ཚིག་གི་མཐར། །བསྐུལ་ཅིག་ཅེས་པའི་ཚིག་གཉིས་གཞག །བསྐུལ་ཅིག་ཅེས་པའི་ཚིག་གཉིས་མཐར། །ཁྲོ་བོ་བདུད་རྩི་འཁྱིལ་པའོ། །ཁྲོ་བོ་ཆེན་པོ་ཕྲེང་བ་དང་། །བདུད་རྩི་འཁྱིལ་བ་འདི་ཡི་མཐར། །ཀུན་ཏུ་དང་པོ་གཡོ་བ་དང་། །སྔགས་ཤེས་ཚམ་ངམ་
D604.091.0032b07.01