完整藏文原文 · 德格版页 当前仅加载第 91 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཟ་བར་མྱུར་དུ་འགྲུབ། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་རྒྱུད་ཆེན་པོ་ཐམས་ཅད་ཀྱི་ཕྱི་མའི་ཡང་ཕྱི་མ་ལས་བཅོམ་ལྡན་འདས་འཇམ་དཔལ་གཤིན་རྗེའི་གཤེད་ཀྱི་གསལ་ཤིང་ཁྲོ་བོ་རྣམ་པར་རྒྱལ་བའི་ཆོ་ག་ཞིབ་མོ་ཕྱི་མའི་ཡང་ཕྱི་མ་གསང་བ་གསལ་
D604.091.0023b01.01ཤིང་རྒྱུད་དེ་རིམ་པར་ཕྱེ་བ་བཅུ་བདུན་པའོ།། །།ཨོྃ་ཨཱ་ཀྲོ་དྷེ་ཀ་ཡ་མཱནྟ་ཀ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། འདི་ཡང་བཅོམ་ལྡན་འདས་ཀྱི་སྔགས་གཞན་ནོ། །ཨོྃ་ཨཱཿཧཱུྃ་འདི་ཡང་དེ་བཞིན་ནོ། །ཡི་གེ་བཅུ་གཅིག་རྒྱལ་པོ་ཡི། །དེ་ཉིད་བཟླས་པས་གྲུབ་པར་འགྱུར། །ཁྲོ་བོ་
D604.091.0023b02.01རྣམ་པར་རྒྱལ་བ་ཡི། །རྩ་བ་དང་ནི་ཕྱི་མ་དང་། །དེ་བཞིན་ཕྱི་མའི་ཕྱི་མ་འདི། །རྟོག་པ་མ་ལུས་རྒྱས་པ་དག །ལྷ་དེ་རྣམས་ཀྱིས་ལེགས་ཐོས་ནས། །འཇིག་རྟེན་འཇིག་རྟེན་འདས་པ་ཀུན། །ཐལ་མོ་རབ་ཏུ་སྦྱར་ནས་སུ། །ཁྲོ་བོ་རྣམ་པར་རྒྱལ་བ་ནི། །གཤིན་རྗེའི་གཤེད་
D604.091.0023b03.01ལ་འདི་སྐད་སྨྲས། །བཅོམ་ལྡན་ཁྱོད་ཀྱིས་རྟོག་པ་འདི། །བསྒྲུབ་པ་རྣམས་ལ་ཕན་པའི་ཕྱིར། །རབ་ཏུ་ངོ་མཚར་བཤད་ལགས་ཏེ། །བཟླས་དང་ཧོམ་དང་མཆོད་ལ་སོགས། །ཁྲོ་བོ་ཆེན་པོའི་བརྟུལ་ཞུགས་དང་། །དེ་བཞིན་དཀའ་ཐུབ་དྲག་པོ་དང་། །ཇི་སྐད་གསུངས་པའི་སྨྱུང་
D604.091.0023b04.01བ་ཡིས། །ཁྲོ་བོ་ཀཱི་ལི་ཀཱི་ལ་ལས། །སོགས་པའང་དུས་ལ་བབ་ན་ནི། །སྔགས་ཟློས་པ་ལ་དངོས་གྲུབ་སྟེར། །བཅོམ་ལྡན་འདས་ཀྱིས་རྟོག་པ་དང་། །ཁྱད་པར་གྱུར་པ་ཅི་ཞིག་མཆིས། །དེ་བས་བཟླས་དང་སྦྱིན་སྲེག་དང་། །སྨྱུང་དང་བརྟུལ་ཞུགས་དཀའ་ཐུབ་དང་། །
D604.091.0023b05.01མེད་པར་རང་དབང་ཉིད་དུ་ནི། །དངོས་གྲུབ་དམ་པ་ཁྱོད་ཀྱིས་གསུངས། །ལྷ་མཆོག་དེ་དག་ཐམས་ཅད་ཀྱིས། །ཕྱག་འཚལ་དེ་སྐད་སྨྲས་པ་དང་། །ཁྲོ་བོ་དྲག་ཏུ་བཞད་པ་ཡིས། །རབ་ཏུ་དྲག་པའི་ཚིག་ཏུ་གསུངས། །དྲག་ཏུ་བཞད་པའི་ཞལ་འཛུམ་པས། །ལྷ་ཡི་ཚོགས་རྣམས་
D604.091.0023b06.01འཇིགས་རྨོངས་ལ། །མ་འཇིགས་མ་འཇིགས་ཞེས་གསུངས་པའི། །ཕན་པའི་ཚིག་གིས་དབུགས་ཕྱུངས་ནས། །ཁྱེད་རྣམས་ཀྱིས་ནི་གང་སྨྲས་པ། །སྒྲུབ་པ་བདག་ནི་མེད་པར་ཡང་། །སྦྱོར་བ་ཤེས་པས་གྲུབ་འགྱུར་བ། །ལྷ་རྣམས་ཀུན་གྱིས་མཉན་པར་གྱིས། །བདེ་གཤེགས་
D604.091.0023b07.01