完整藏文原文 · 德格版页 当前仅加载第 91 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བའི་རྟོག་པའི་ཆོ་ག་ཡི། །དེ་ནས་ཐམས་ཅད་ལས་གྲུབ་པར། །ཞལ་དྲུག་ཧཱུྃ་ཞེས་བྱ་བ་ཡི། །ཆོ་ག་འདིར་ནི་མདོར་བཤད་པ། །འཇམ་དཔལ་ལས་བྱུང་ཁྲོ་བོ་ནི། །ཧཱུྃ་ཞེས་བྱ་བའི་ཞལ་ཉིད་ཡིན། །གཤིན་རྗེའི་གཤེད་ཅེས་བྱ་བར་གྲགས། །
D604.091.0019a01.01འདི་ལ་དཀའ་བ་ཅི་ཡང་མེད། །ཁྲོ་བོའི་ཞལ་ནས་མདོ་རུ་ནི། །ཆོ་ག་བཟང་པོ་གཅིག་གསུངས་པའི། །ཆོ་ག་དེ་བཞིན་བདག་གིས་བཤད། །ཞལ་དྲུག་ཧཱུྃ་ཞེས་བྱ་བ་འདིས། །ཧཱུྃ་ཞེས་བྱ་བ་དྲུག་དུ་བསྒྲགས། །དེ་བཞིན་གཞན་ཡང་རྟོག་པ་རུ། །ཧཱུྃ་གི་མཐའ་ནི་བསྐུལ་བ་
D604.091.0019a02.01བྱ། །ཧཱུྃ་ཏྲྃ་ཤཱུ་ལའི་ཕྱག་རྒྱར་ལྡན། །རི་རྣམས་ཀུན་ཀྱང་འགས་པར་བྱེད། །ཧཱུྃ་ཏྲི་རབ་ཏུ་སྦྱར་ན་ནི། །མྱུར་དུ་རས་ཀྱང་གས་པར་འགྱུར། །ཧཱུྃ་ཚིག་རིག་སྔགས་ཐམས་ཅད་དང་། །མཚོན་ཆ་རྣམས་ནི་གཅོད་པར་བཤད། །ཤཱུ་ལའི་ཕྱག་རྒྱ་དང་ལྡན་པར། །ཧཱུྃ་ཁ་རྟག་
D604.091.0019a03.01པར་རབ་སྦྱར་ནས། །སྡང་བ་རྣམས་ནི་ཟ་བ་དང་། །དགྲ་ཡི་དཔུང་དག་རབ་ཏུ་འཇིག །ཧཱུྃ་ག་རབ་ཏུ་སྦྱར་ན་ནི། །གླང་པོ་གནོན་པ་རབ་ཏུ་བསྒྲགས། །ཧཱུྃ་ཐ་མཚོན་ཆ་ཀུན་འཕེལ་ཚེ། །ལྷ་དང་ལྷ་མིན་འཇིགས་པར་བྱེད། །ཧཱུྃ་ཧ་དཔུང་རྣམས་འཇིག་པ་དང་། །རྨོངས་པར་བྱེད་
D604.091.0019a04.01པ་ཡོངས་སུ་བསྒྲགས། །ཧཱུྃ་གྲ་རབ་ཏུ་སྦྱར་ན་ནི། །ཕན་ཚུན་མཚོན་ཆ་འཁྲུག་པར་བྱེད། །ཧཱུྃ་ཨ་རབ་ཏུ་སྦྱར་ན་ནི། །སླར་ཡང་ཐར་བར་བྱེད་པ་ཡིན། །ཧཱུྃ་ག་གླང་པོ་སེང་གེ་དང་། །རྟ་དང་མི་དང་བྱ་རྣམས་དང་། །གྲུ་དང་ཤིང་རྟའི་བཞོན་པ་དང་། །འབབ་ཆུ་དག་ཀྱང་མྱུར་བར་
D604.091.0019a05.01འདིར། །ཤཱུ་ལའི་ཕྱག་རྒྱར་ལྡན་བྱས་ན། །གནོད་པར་བྱེད་པའི་མཆོག་ཡིན་ནོ། །ཧཱུྃ་བ་རབ་ཏུ་སྦྱར་ན་ནི། །མནན་པ་རྟག་ཏུ་ཐར་བར་བྱེད། །ཧཱུྃ་དྷྃ་རབ་ཏུ་སྦྱར་ན་ནི། །ལྷ་དང་ལྷ་མིན་གཞན་ཡང་འགྲུབ། །དངོས་གྲུབ་ཕྲ་མོ་ཐམས་ཅད་ལ། །བསྐུལ་ན་དེ་ཡི་འབྲས་བུར་
D604.091.0019a06.01འགྱུར། །ཧཱུྃ་བྃ་ཀུན་ཏུ་དབང་བྱེད་པ། །ཐ་མར་ར་བཞག་དབྱེ་བར་བྱེད། །ཏ་དང་སྦྱར་ན་སྡང་བར་བྱེད། །མ་དང་སྦྱར་བ་གསོད་པར་བྱེད། །ཡ་དང་སྦྱར་ན་དེ་བཞིན་གསོད། །ལ་དང་སྦྱར་ན་མིག་འཕྲུལ་བྱེད། །ཞི་དང་རྒྱས་ལ་འབའ་ཞིག་གོ། །དེ་ལ་སོགས་པ་གཞན་རྣམས་
D604.091.0019a07.01