完整藏文原文 · 德格版页 当前仅加载第 91 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
ས་ལ་ལྟུང་། །ཞག་བདུན་ལོན་ནས་འཆི་བར་འགྱུར། །མ་མོའི་གནས་སུ་སོང་ནས་སུ། །ལག་པས་བེ་ཅོན་ཕྱག་རྒྱ་བཅིང་། །ལག་པ་གཡོན་པའི་མཛུབ་མོ་ཡིས། །བསྡིགས་ཤིང་ཉི་མ་ནུབ་ནས་སུ། །ཁྲོས་ཤིང་དགྲ་ཡི་མིང་སྨོས་བཟླས། །དེ་ནས་དགྲ་བོ་མོ་གདོན་གྱིས། །ཟིན་ནས་
D604.091.0030b01.01སྤྱོད་པ་སྣ་ཚོགས་པས། །འཆི་བར་གྱུར་བ་དག་ནི་བྱེད། །དེ་ནས་སྒྲུབ་པོས་ཞི་བ་ཡི། །ཆོ་གས་དེ་ལས་ཞི་བར་བྱ། །མ་མོ་རྣམས་ཀྱི་མདུན་འདུག་ནས། །ཞི་བའི་ཆོ་ག་མཁས་པ་ཡིས། །དབང་པོ་བསྡམས་ཤིང་ཡིད་བདེ་བས། །ཉིན་ཞག་གསུམ་དུ་བཟླས་བྱས་ནས། །དེ་ནས་
D604.091.0030b02.01དེ་ལ་ལས་དེ་ཡི། །ཞི་བར་འགྱུར་བ་གདོན་མི་ཟ། །ཉི་མ་ལ་ནི་མངོན་ཕྱོགས་ནས། །ལག་པས་དགྲ་བོའི་མགོ་བྱུག་ཅིང་། །དགྲ་ཡི་མིང་སྨོས་མནན་ནས་སུ། །ཉི་མ་ནུབ་ཏུ་བཟླས་བྱས་ན། །དེ་ཡི་ཀླད་པ་ན་འགྱུར་བ། །ཚབས་ཆེན་ཤི་ལ་ཐུག་པར་འགྱུར། །དེ་ནས་ཐལ་མོ་སྦྱར་
D604.091.0030b03.01ནས་སུ། །ཉིན་པར་ཟློས་ཤིང་ཞི་བར་བྱ། །ས་སྟེང་རྐང་པ་གཅིག་གིས་འདུག །ཉིན་པར་ལག་པ་གྱེན་དུ་བརྐྱང་། །མི་དགའ་ཁྲོས་ཤིང་བཟླས་བྱས་པ། །དགྲ་ཡི་མིང་སྨོས་ཅི་འདོད་པར། །ཉི་མ་ནུབ་ཀར་དེ་ནས་དགྲ །མི་དགའ་བ་དང་མྱོས་འགྱུར་ཏེ། །གཉེན་དང་མཛའ་བོ་
D604.091.0030b04.01རྣམས་བོར་ཏེ། །དེ་ནས་གཞན་གྱི་གནས་སུ་འགྲོ། །དེ་ལ་འདིར་ནི་ཞི་བའམ། །འོན་ཏེ་རྒྱས་པར་བྱ་འདོད་ན། །གཙང་སྦྲ་བྱས་ཏེ་གོས་དཀར་བགོས། །བདེ་ཞིང་བརྟན་པར་མ་གཡོས་པར། །མཆོད་པ་བཟང་པོ་བྱས་ནས་སུ། །དེ་བཞིན་གཤེགས་ལ་ཕྱག་འཚལ་ནས། །འོ་མ་
D604.091.0030b05.01བཏུང་ཞིང་བཟླས་བྱས་པ། །ཞི་བར་འགྱུར་གྱིས་བར་དུའོ། །དེ་ལྟར་འདི་ནི་སྣ་ཚོགས་པ། །སྦྱོར་བཅས་རྒྱས་པར་བཤད་པ་ཡིན། །རྟོག་པའི་ཆོ་ག་བཞིན་དུ་ནི། །མ་གསུངས་པ་ཡང་ལེགས་པར་བསྒྲུབ། །ཁྲོ་བོ་རྣམ་པར་རྒྱལ་བ་འཇམ་དཔལ་གྱི་རྩ་བའི་རྟོག་པ་གསང་བའི་རྟོག་
D604.091.0030b06.01པར་གཏོགས་པ་སྟེ་གསུམ་པའོ།། །།དེ་ནས་གཞན་ཡང་བཟང་པོ་འདི། །ཧེ་ལའི་དཀྱིལ་འཁོར་རྒྱས་པ་ནི། །དེ་ལས་བཟང་པོ་གཞན་མེད་པ། །ཇི་ལྟར་རིགས་པ་བཤད་པར་བྱ། །དང་པོར་ཧེ་ཞེས་གང་གསུངས་པ། །བསྐུལ་བའི་ས་བོན་ཐམས་ཅད་པའོ། །དེ་ནི་ལེན་དང་
D604.091.0030b07.01