完整藏文原文 · 德格版页 当前仅加载第 91 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་འཕེལ་བར་འགྱུར། །རྒྱལ་པོའང་དེ་ཡི་དབང་དུ་འགྱུར། །གང་ཞིག་རྟག་པར་ཆོ་ག་འདིས། །གཤིན་རྗེའི་གཤེད་ནི་ཟློས་བྱེད་ན། །དེ་ལས་དེ་ཡི་དབང་པོ་དང་། །གཡོ་དང་མི་གཡོ་འཇིག་རྟེན་རྣམས། །བྱང་ཆུབ་སེམས་ལྡན་དེ་ཡི་ནི། །དབང་
D604.091.0018a01.01དུ་འགྱུར་བ་གདོན་མི་ཟ། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་གཤིན་རྗེ་རབ་ཏུ་འཇོམས་པའི་ཡི་གེ་འབྲུ་གཅིག་པའི་བརྟུལ་ཞུགས་རིམ་པར་ཕྱེ་བ་སྟེ་བཅུ་གསུམ་པའོ།། །།དེ་ནས་གཞན་ཡང་བརྟུལ་ཞུགས་ཀྱིས། །
D604.091.0018a02.01བསྒྲུབ་པའི་ལས་རྣམས་བཤད་པར་བྱ། །དངོས་གྲུབ་མཆོག་རྣམས་ཐམས་ཅད་ནི། །གཤིན་རྗེ་རབ་ཏུ་འཇོམས་པ་འདི། །བརྟུལ་ཞུགས་དག་ནི་འདི་ཉིད་ཀྱིས། །རྣམ་པ་ཀུན་ཏུ་བསྒྲུབ་པར་བྱ། །ཕལ་ཆེར་དངོས་གྲུབ་མཆོག་རྣམས་ནི། །བརྟུལ་ཞུགས་མེད་པས་མི་འགྲུབ་
D604.091.0018a03.01སྟེ། །དེ་བས་གཤིན་རྗེ་འཇོམས་པ་ཡི། །བརྟུལ་ཞུགས་སྤྱད་པ་བྱས་ནས་སུ། །དངོས་གྲུབ་མཆོག་རྣམས་ལེགས་པར་བསྒྲུབ། །མཁས་པས་གཞན་ལ་མ་ཡིན་ནོ། །ཇི་སྐད་བསྟན་པའི་མཚོན་ཆ་རྣམས། །རྩ་བའི་རྟོག་པའི་ཆོ་ག་བཞིན། །སྔགས་རིག་སྦྱོར་
D604.091.0018a04.01བ་སྔ་མ་བཞིན། །དེ་དག་རྟག་ཏུ་ལེགས་པར་བསྒྲུབ། །དེ་ལ་འདིར་ནི་རྟོག་པ་རུ། །དུར་ཁྲོད་གནས་པའི་དཀྱིལ་འཁོར་ནི། །དངོས་གྲུབ་ཐམས་ཅད་རབ་སྦྱིན་པ། །བྱེ་བྲག་ཏུ་ནི་ལོགས་ཤིག་གསུངས། །རལ་གྲི་ས་འོག་རོ་ལངས་དང་། །མིག་འཕྲུལ་ཨཉྫ་གིའུ་
D604.091.0018a05.01ཝང་དང་། །ཡུངས་ཀར་བ་བླ་བཙག་རྣམས་དང་། །གཞན་ཡང་ལས་དག་ཅི་འདོད་དང་། །མི་སྣང་བ་དང་རྐང་མགྱོགས་དང་། །གསེར་འགྱུར་རྩི་དང་བཅུད་ཀྱིས་ལེན། །གནོད་སྦྱིན་མོ་རྣམས་བསྒྲུབ་པ་དང་། །ཀླུ་ཡི་བུ་མོ་ལ་སོགས་བསྒྲུབ། །དགུག་པའི་ཆོ་ག་
D604.091.0018a06.01དམ་པ་ཡི། །བུད་མེད་དམ་པ་སྤྱད་བསྒྲུབ་པ། །རྩ་བའི་རྟོག་པའི་ཆོ་ག་ཡིས། །ཚུལ་བཞིན་གནས་ནས་བསྒྲུབ་པ་བྱ། །དེ་ལས་འདི་ནི་ཁྲོ་བོ་འདི། །ཡི་གེ་འབྲུ་གཅིག་ཁྱད་པར་བཤད། །དེ་ནས་ཇི་སྐད་གསུངས་བསྟན་ཀུན། །མ་སྨོས་པ་ཡང་བསྒྲུབ་པར་
D604.091.0018a07.01