完整藏文原文 · 德格版页 当前仅加载第 91 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
མོར་གྱུར་ཅིག་ཅེས་སྨྲས་ནས། །མཚན་མོ་ལྡིང་ཁང་མཆོག་རྣམས་དང་། །ཡིད་དུ་འོང་བ་གཞན་རྣམས་ཀྱང་། །བདག་ཉིད་དགའ་བ་སྟོན་པར་བྱེད། །མྱུར་དུ་ཆུང་མ་སྡུག་པ་དག །དཔག་ཚད་བརྒྱ་ནས་ཁྲིད་དེ་འོང་། །གཞན་ཡང་སྒྲུབ་པ་པོ་དེ་ལ། །དེས་ཤིང་འདོད་དང་
D604.091.0007b01.01དགའ་བ་སྟེར། །དེ་སྟེ་དེ་ལ་ཆུང་མར་སྨྲས། །འདོད་པའི་གཟུགས་ཅན་རྣམ་པར་མཛེས། །དབང་ཕྱུག་ལོངས་སྤྱོད་ཐམས་ཅད་ཀྱིས། །གྲུབ་པ་དེ་ནི་དགའ་བར་བྱེད། །དེས་ཤིང་འདོད་པ་དགའ་བ་སྟེར། །འཛུམ་ཞིང་སྲི་ཞུ་འཇོ་མ་དང་། །དབང་ཕྱུག་ལོངས་སྤྱོད་ཐམས་ཅད་
D604.091.0007b02.01ནི། །སྒྲུབ་པ་ཅི་སྲིད་འདོད་པ་སྤྱོད། །གལ་ཏེ་མངལ་ནས་སྐྱེས་པ་ཡི། །ཤ་ཟ་མོ་དག་བསྒྲུབ་འདོད་ན། །སྒྲུབ་པ་པོ་ལ་དེ་ཡི་ལས། །དེ་དག་འདི་ནི་བཤད་པར་བྱ། །ཤླེ་ཤྨ་ཀ་ཏའི་ཤིང་དྲུང་ནི། །གཙང་མར་དཀྱིལ་འཁོར་བྲི་བར་བྱ། །མཆོད་པ་ཆེན་པོ་བྱས་ནས་སུ། །
D604.091.0007b03.01གཏོར་མའི་ལས་ཀྱང་སྔོན་བཞིན་བྱ། །དེར་ནི་དུར་ཁྲོད་ཤིང་དག་གིས། །སྔགས་པས་མེ་ནི་རབ་སྦར་ནས། །གོས་མེད་སྐྲ་ཡང་ཧག་བྱས་ཏེ། །དེ་ནས་མེ་ཡང་འབར་བ་ལ། །དེར་ནི་གཟེགས་མའི་སྦྱིན་སྲེག་རྣམས། །སྔགས་ཀྱིས་སྟོང་རྩ་བརྒྱད་བསྲེག་ན། །དེ་ཚེ་གདོན་མི་ཟ་བར་
D604.091.0007b04.01ཡང་། །ཤ་ཟ་མོ་ནི་འབར་བའི་གདོང་། །འོང་བར་འགྱུར་ཏེ་དེ་ཡི་ཚེ། །སེམས་ནི་དཔའ་བར་བྱས་ནས་སུ། །མི་འཇིགས་མདུན་དུ་མཆོད་ཡོན་དབུལ། །དེ་ཡི་འོག་ཏུ་དེ་ལ་ནི། །བདག་ཉིད་གཟུགས་ནི་བཟང་པོར་སྟོན། །དེ་ཡི་མིང་ནི་ཀང་རང་གི། །རང་མིང་སྔགས་ཀྱིས་
D604.091.0007b05.01སྦྱིན་སྲེག་བྱ། །གང་བསམ་པ་ཡི་ནོར་དེ་རྣམས། །འོངས་ནས་རིང་པོར་མི་ཐོགས་པར། །གདོན་མི་ཟ་བར་རབ་ཏུ་དབུལ། །ཀང་རང་གི་ནི་ཞེས་བྱ་བ། །ཤ་ཟ་མོ་ནི་ཀུན་གྱི་མཆོག །སྒྲུབ་པ་པོ་ནི་སེམས་དཔའ་ཞིང་། །གཟི་ཡང་རབ་ཏུ་ཆེ་བ་ལ། །གདོན་རྣམས་ཐམས་
D604.091.0007b06.01ཅད་རབ་ཏུ་བསྒྲུབ། །དེ་ལྟར་མིན་ན་མྱུར་བར་ནི། །སྒྲུབ་པོ་ཡང་ནི་གསོད་བར་བྱེད། །དེ་སྟེ་ཀླུ་ཡི་བུ་མོ་དག །དེ་ལ་རིག་འཛིན་དཔལ་ལྡན་པས། །བསྒྲུབ་པ་དག་ཏུ་འདོད་པ་ལ། །དེ་ཡི་ཆོ་གར་འདི་བཤད་དོ། །པདྨོ་དཀར་པོའི་མཚོ་འགྲམ་དུ། །སོང་ནས་ཆོ་ག་སྔ་མ་བཞིན། །
D604.091.0007b07.01