完整藏文原文 · 德格版页 当前仅加载第 91 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་ལངས་བར་དུ་བཟླས་པར་བྱ། །ནམ་ནི་ལངས་པར་གྱུར་པ་ནི། །ཐལ་བ་དེ་ནི་བསྲུངས་ནས་སུ། །སར་པའི་སྣོད་དུ་གཞག་བྱ་ཞིང་། །ས་ལ་གཞག་པར་ཡོང་མི་བྱ། །དགྲ་ཡི་དཔུང་དག་མནན་པའི་ཕྱིར། །ཐལ་བ་དེ་ནི་གཏོར་བྱས་ན། །ཤིང་རྟ་དང་ནི་
D604.091.0009a01.01གླང་པོ་དང་། །མཚོན་ཆ་ཐམས་ཅད་འཁྲུག་པ་དང་། །སྐྱེ་བོ་མང་པོར་ལྡན་པའི་ཡུལ། །ཐལ་བེ་དེ་ཡིས་ཐམས་ཅད་དུ། །ལན་ཅིག་གཏོར་བ་ཙམ་གྱིས་ཀྱང་། །ལུས་རྣམས་མི་འགུལ་གདོན་མི་ཟ། །འདི་ནི་མཚོན་རྣམས་གནོན་པ་དང་། །དཔུང་ཡང་གནོན་བྱེད་དགེ་
D604.091.0009a02.01བའོ། །དེ་བཞིན་གཉིད་ཀྱིས་ལོག་བྱ་དང་། །མྱོས་པར་བྱེད་པར་སྦྱོར་བ་ཡང་། །རླུང་ཕྱོགས་དག་ཏུ་སོང་བའམ། །ཡང་ན་བསྙེན་ཏེ་བྱས་ནའང་རུང་། །བགྲོད་དཀའི་དགྲ་ནི་མཚོན་འཁྲུགས་ལ། །བྱས་ནས་འགྲོ་བ་མི་འགུལ་འགྱུར། །དུར་ཁྲོད་དག་གིས་སྦྱོར་བ་ཡིས། །དཔུང་
D604.091.0009a03.01མནན་དེ་ལྟར་བཤད་ཟིན་ཏོ། །འགྲོ་བ་དབང་བྱེད་སྦྱོར་བ་ནི། །རྣམ་པ་གཞན་དག་བཤད་པར་བྱ། །དུར་ཁྲོད་དག་ཏུ་དཀྱིལ་འཁོར་བྲི། །མཆོད་པ་སྔ་མ་བཞིན་དུ་བྱ། །གཏོར་མ་རྒྱ་ཆེན་བྱས་ནས་ནི། །མི་ཡི་ཚིལ་གྱི་སྣུམ་དག་ལས། །མར་མེ་འབར་བ་བྱས་ནས་སུ། །
D604.091.0009a04.01དེ་ནས་ཐོད་པ་བཟང་པོ་ལ། །མཁས་པ་དག་གིས་སྣག་ཙ་སྦྱར། །དུ་བའི་སྣག་ཙ་སྦྱར་ནས་ཀྱང་། །ནམ་ལངས་བར་དུ་བསླབ་པར་བྱ། །དེ་ནས་ནང་བར་ནམ་ལངས་ཏེ། །དུ་བའི་སྣག་ཙས་མིག་བསྐུས་ན། །གང་མཐོང་དེ་ཡི་དབང་དུ་འགྱུར། །དེ་ལྟར་འགྲོ་བ་དབང་བྱེད་
D604.091.0009a05.01པའི། །སྦྱོར་བ་དེ་ནི་བསྒྲགས་པ་ཡིན། །བཙག་གི་སྦྱོར་བའི་དངོས་གྲུབ་ཀྱང་། །དགེ་བདག་ནི་ད་བཤད་དོ། །ཡུག་སྣམ་བཙག་ནི་དགེ་བ་དག །མི་རོའི་ཁར་ནི་བཅུག་ནས་སུ། །དེ་ནས་དེ་ཕྱེད་ཚིག་ནས་ནི། །གྲོགས་མེད་པར་ནི་མཚན་མོ་བླང་། །བླངས་ནས་ལྷ་ཡི་ཁང་
D604.091.0009a06.01སྟོང་དུ། །མཁས་པ་དག་གིས་བཟླས་པ་བྱ། །བགེགས་ཀྱང་རྣམ་པ་སྣ་ཚོགས་འབྱུང་། །ཅི་སྲིད་ནམ་ལངས་བར་དུ་ནི། །དེ་ན་འདུག་ཅིང་དེ་ལ་བཟླས། །དེ་ནས་ནམ་ལངས་གྱུར་པ་དང་། །རས་ནི་དམར་པོས་དཀྲིས་ནས་ནི། །མཆོད་ཅིང་བསྲུངས་ནས་གཞག་པར་བྱ། །
D604.091.0009a07.01