完整藏文原文 · 德格版页 当前仅加载第 91 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
འབེབ་པར་བྱེད་དེ་ཐེ་ཚོམ་མེད། །གནམ་ལྕགས་དང་ནི་སེར་བ་དག །གློ་བུར་དག་ཏུ་འབབ་པར་བྱེད། །ས་གཡོ་བདག་སྤྲིན་བསྡུ་ལ། །རིག་པ་འཛིན་པས་སྦྱར་བྱས་ནས། །གློ་བུར་དུ་ཡང་ཐོགས་མེད་འགྱུར། །མཚོ་དང་རྒྱ་མཚོ་གཡོ་བ་དང་། །ཤིང་
D604.091.0010a01.01རྣམས་རབ་ཏུ་ལྡེག་པ་དང་། །ས་ཡི་འོག་ཀྱང་གཡོ་བྱེད་ཀྱང་། །དེ་བཞིན་ཀླུ་རྣམས་བསྡིགས་པ་དང་། །མཚོ་ཆེན་དང་ནི་ལྡེང་ཀ་དང་། །ཀླུ་རྣམས་ཚར་གཅད་བྱ་བ་དང་། །གཞན་ཡང་གང་འདོད་བྱ་བ་ཡི། །ལས་ནི་རྣམ་པ་སྣ་ཚོགས་པ། །གསུངས་པ་དང་ནི་མ་གསུངས་པ། །
D604.091.0010a02.01མཁས་པས་རང་བཞིན་བློས་བརྟགས་ལ། །ཡུངས་ཀར་གྲུབ་པས་གཏོར་ཙམ་གྱིས། །ཐོགས་པ་མེད་པར་བྱེད་པར་འགྱུར། །ཡུངས་ཀར་དངོས་གྲུབ་ཀུན་སྦྱིན་པའི། །སྒྲུབ་པ་དག་ནི་བསྒྲུབས་ཟིན་ཏོ། །དཔའ་བོའི་བརྟུལ་ཞུགས་སྤྱོད་པ་ཡིས། །དེ་དག་ལ་སོགས་སྣ་ཚོགས་དང་། །
D604.091.0010a03.01སྔ་མ་བཞིན་དུ་སྣ་ཚོགས་དང་། །འབྲིང་རྣམས་ལ་སོགས་བསྒྲུབ་པར་བྱ། །ཁྲོ་བོ་མཆོག་གི་ཆོ་ག་འདི། །ལས་ནི་གང་དག་བཤད་པ་རྣམས། །དེ་དག་ཀུན་ལ་བརྟུལ་ཞུགས་ནི། །མེད་པར་བྱས་ན་འབྲས་བུ་མེད། །ཕྱག་རྒྱ་གཉིས་ཀྱི་ལས་རྣམས་ནི། །གང་དག་འདིར་ནི་
D604.091.0010a04.01བཤད་པ་རྣམས། །བརྟུལ་ཞུགས་བྱེད་ནི་མ་ནུས་ན། །དེ་ལྟར་ཁྲོ་བོ་མཆོག་འདི་ལ། །སྔོན་བཞིན་མཆོད་པ་བྱེད་པ་དང་། །ཇི་སྐད་བཤད་ཟིན་བཟླས་བྱས་པས། །ལས་རྣམས་ཇི་སྐད་བསྟན་པ་དང་། །དངོས་གྲུབ་ཇི་སྐད་བསྟན་པ་ཐོབ། །རྟག་ཏུ་བདེ་གཤེགས་སེམས་
D604.091.0010a05.01པ་དེས། །བརྟུལ་ཞུགས་རྟག་ཏུ་མི་རུང་ནའང་། །ཉིན་གཅིག་བཞིན་དུ་བཟླས་བརྗོད་ལ། །སྦྱོར་བས་འདོད་པས་དོན་རྣམས་འཐོབ། །དེ་ལྟར་བརྟུལ་ཞུགས་ཀྱིས་བསྒྲུབས་དང་། །སྒྲུབ་པ་སྣ་ཚོགས་ཆོ་ག་འདིར། །ཁྲོ་བོ་མཆོག་གིས་ཅི་གསུངས་པ། །མ་ལུས་
D604.091.0010a06.01པར་ནི་བཤད་པ་ཡིན། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས་ཁྲོ་བོ་གཤིན་རྗེའི་གཤེད་ཀྱི་རྩ་བའི་ཆོ་ག་ཞིབ་མོ་རིམ་པར་ཕྱེ་བ་སྟེ་བརྒྱད་པའོ།། །།དེ་ནས་ཆོ་ག་ཕྱི་མར་ནི། །ཇི་ལྟར་བརྟུལ་ཞུགས་མེད་ཀྱང་རུང་། །དེ་ཕྱིར་
D604.091.0010a07.01