完整藏文原文 · 德格版页 当前仅加载第 91 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
གནོན་པ་དང་། །སྐྱེ་བོ་དག་ཀྱང་འགུགས་པ་དང་། །ཡུན་དུ་འཚེ་ཞིང་འཇིགས་པ་དང་། །འཁྲུག་པ་འཐབ་མོ་སེར་བ་དང་། །བྲུ་བ་གཉིད་ཀྱིས་མྱོས་པ་དང་། །གང་ཡང་གཞན་དག་དེ་འདོད་པ། །སྔགས་པས་གཤིན་རྗེའི་གཤེད་དྲན་པས། །དེ་དག་ཐམས་ཅད་བྱེད་པར་འགྱུར། །
D604.091.0022b01.01དེ་ནས་ཆོ་ག་ཕྱི་མ་འདི། །ཇི་ལྟར་ཡིན་པ་དེ་བཤད་དོ། །ལྷ་མ་ཡིན་གྱི་ཕུག་སྒོར་སོང་། །མཁས་པས་རི་མོ་བཀྲམ་ནས་སུ། །ཁ་ཟས་མི་ཟ་སྟན་གཅིག་འདུག །ཁྲི་ཡི་གྲངས་ཚད་བཟླས་བྱས་ནས། །དེ་ནས་བུད་མེད་གཟུགས་མཆོག་ལྡན། །བཟང་པོ་རྣམས་ནི་སྒོར་ཕྱུང་ནས། །
D604.091.0022b02.01སྒྲུབ་པ་དེ་ཡི་མདུན་དུ་ནི། །ནང་དུ་གཤེགས་ཞེས་དགའ་བར་བྱེད། །དེ་ནས་གྲོགས་པོ་ཡིད་གཅུགས་དང་། །སྒྲུབ་པ་པོ་ནི་ལྷན་ཅིག་ཏུ། །ངེས་པར་དམ་ཚིག་དག་གིས་ནི། །དེ་ཡི་གནས་སུ་འཇུག་པར་བྱ། །དེ་བཞིན་ཇི་ལྟར་འདོད་པ་རུ། །གནོད་སྦྱིན་མ་ཡི་མིང་རྣམས་
D604.091.0022b03.01དང་། །ཤ་ཟ་མོ་འམ་དྲི་ཟ་མོ། །ཡང་ན་གང་འདོད་པ་ཡི་ལྷའི། །མིང་བྲིས་དེ་ཡི་མདུན་བཞག་ནས། །རི་མོ་ལ་ནི་ཉིན་རེ་ཞིང་། །དེ་ཡི་ཚིག་ནི་མཐར་སྦྱར་ནས། །མ་སྐྱོ་བར་ནི་འབུམ་བཟླས་ན། །སྒྲུབ་པ་པོ་དེས་འཇིགས་གྱུར་ནས། །དེ་དག་ཐམས་ཅད་འོང་བར་འགྱུར། །སྒྲུབ་
D604.091.0022b04.01པོ་ཅི་སྲིད་འདོད་པར་ནི། །འདི་རུ་ལས་རྣམས་བྱེད་པར་འགྱུར། །ལྷ་རྣམས་དག་ནི་ཐམས་ཅད་ཀྱང་། །གནོད་སྦྱིན་ལ་སོགས་བསྒྲུབ་བཤད་ཟིན། །འདི་ཡི་ཆོ་ག་ཕྱི་མ་ཡི། །ཕྱི་མ་དག་ཀྱང་བཤད་པར་བྱ། །རི་མཆོག་དག་གི་རྩེ་མོ་ལ། །{ཡི་དགས་,ཡི་དྭགས་}མང་པོའི་དཀྱིལ་འཁོར་བྲི། །
D604.091.0022b05.01{ཡི་དགས་,ཡི་དྭགས་}དཀྱིལ་འཁོར་བྲིས་ནས་ཀྱང་། །ཀུན་ལ་ཤ་ཡི་གཏོར་མ་བྱ། །གྲོགས་པོ་སེམས་ནི་དཔའ་བ་དང་། །ཡོན་ཏན་ལྡན་ཞིང་གཟོ་བ་དང་། །མི་རོའི་གོས་ལ་བྲིས་པ་ཡི། །རི་མོ་བཞག་ལ་དེ་ནས་སུ། །བདག་གི་ཡན་ལག་ཐམས་ཅད་ལས། །རུས་པ་དག་གིས་ཁྲག་ཕྱུང་སྟེ། །
D604.091.0022b06.01མི་ཡི་ཐོད་པའི་ནང་དུ་གཞག །ལུས་ལ་ཁྲག་ནི་ཅི་ཕྱིན་པ། །མི་རོའི་སྐྲ་ཡི་པིར་དག་གིས། །དེ་ནས་དེ་ཡི་ལུས་དག་དང་། །མིག་ཀྱང་རབ་ཏུ་གསལ་བར་བྱ། །དེ་ལ་བགེགས་ཀྱང་མང་དུ་འགྱུར། །དེ་ནས་དཔའ་བོས་བཤད་པར་གསུངས། །དཔའ་བོ་དག་གིས་ལས་ཀྱང་བྱ། །
D604.091.0022b07.01