完整藏文原文 · 德格版页 当前仅加载第 91 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
ཁང་པར་འཇུག་པའི་སྔགས་སོ། །ཨོྃ་ཧཱུྃ་རཀྵ་རཀྵ་མཱྃ་སྭཱ་ཧཱ། གདན་གྱི་སྔགས་སོ། །ཨོྃ་ཧཱུྃ་སི་ཏྱ་དེ་ཧཱུྃ་ཛྲྃ་ཛྲྃ། སྔགས་ཀྱི་ནོར་བུ་བླང་བའི་སྔགས་སོ། །ཨོྃ་ཧཱུྃ་ཀྲོདྷ་ཨ་མྲྀ་ཏ་ཛ་གད་པྲ་བྷ་སྭཱ་ཧཱ། སྔགས་ཀྱི་ནོར་བུ་ལ་གདབ་པའི་སྔགས་སོ། །འཇམ་དཔལ་
D604.091.0017a01.01གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་གཤིན་རྗེ་རབ་ཏུ་འཇོམས་པའི་ཡི་གེ་གཅིག་པའི་རི་མོ་དང་མཆོད་པ་དང་བཟླས་པའི་ཆོ་ག་རིམ་པར་ཕྱེ་བ་སྟེ་བཅུ་གཉིས་པའོ།། །།དེ་ཡི་སྔོན་དུ་བསྙེན་པ་ནི། །བྱེ་བ་གཅིག་ཏུ་ངེས་པར་བཤད། །
D604.091.0017a02.01ཁྲོ་བོ་བརྟུལ་ཞུགས་ཕྱིས་སྤྱད་ན། །དངོས་གྲུབ་མཆོག་ནི་ཐོབ་པར་འགྱུར། །ཤིང་ལས་བྱས་པའི་ཐོད་པ་ནི། །ཉི་ཤུ་རྩ་དྲུག་སོར་ཚད་བྱས། །མཁས་པས་རྩེ་གསུམ་རྣོན་པོ་ནི། །ལག་པ་གཡས་དང་གཡོན་དུ་བཟུང་། །གཟིག་ལྤགས་ཀྱི་ནི་གོས་བགོས་ནས། །ལུས་ནི་
D604.091.0017a03.01ཐལ་བ་དག་གིས་བསྐུ། །རུས་པ་དག་གི་ཕྲེང་བ་ཡིས། །རྒྱན་དུ་བྱས་ནས་བརྟུལ་ཞུགས་སྤྱད། །འཇིག་རྟེན་འཇིག་པར་བྱེད་པ་ཡི། །གད་མོ་སྒྲ་ཆེན་དག་ཀྱང་འབྱིན། །དུར་ཁྲོད་དམ་ནི་ཤིང་གཅིག་གམ། །རི་འམ་ཡང་ན་ཚལ་ཡང་རུང་། །མཁས་པས་ཟླ་བ་དྲུག་ཏུ་
D604.091.0017a04.01ནི། །ལྕི་བ་བཟའ་ཞིང་བརྟུལ་ཞུགས་སྤྱད། །བློ་ལྡན་གྲོང་དུ་ཡོང་མི་འཇུག །མཉམ་པར་བཞག་ཅིང་ཚིག་མི་སྨྲ། །གཙང་ཞིང་ཚངས་པར་སྤྱོད་པ་དུལ། །རྟག་ཏུ་བདེ་གཤེགས་སེམས་དང་ལྡན། །བྱང་ཆུབ་སེམས་དང་ཀུན་ལྡན་ཞིང་། །ཁྲོ་བོའི་བརྟུལ་ཞུགས་གང་སྤྱོད་ཅིང་། །
D604.091.0017a05.01རྟག་ཏུ་བཟླས་ལ་བརྩོན་བྱེད་པ། །དེ་ནི་དངོས་གྲུབ་མཆོག་འཐོབ་འགྱུར། །གཤིན་རྗེ་རབ་ཏུ་འཇོམས་པ་འདི། །དངོས་གྲུབ་གཞན་དུ་ཡོང་མི་འགྱུར། །གང་ཚེ་འདི་ཡི་བརྟུལ་ཞུགས་ནི། །བསྙེན་པར་བྱ་བར་མི་ནུས་ན། །དེ་ཚེ་ལྕི་བ་ཟ་ཞིང་ནི། །ཚུལ་བཞིན་བྱེ་བ་གསུམ་དུ་
D604.091.0017a06.01བཟླས། །བཟླས་པ་བྱས་པའི་ཐ་མར་ཡང་། །མཁས་པས་མཆོད་པ་རྒྱ་ཆེར་བྱ། །དེ་ནས་སྣ་མའི་མེ་ཏོག་སྟོང་། །རི་མོ་དག་ལ་ཕོག་པར་དབུལ། །རིག་པ་འཛིན་པའི་ལེགས་པ་རུ། །དེ་ཡི་ཕོག་བར་ཕུལ་ནས་ནི། །གང་ཚེ་རབ་ཏུ་འབར་གྱུར་པ། །དེ་ཚེ་རི་མོ་
D604.091.0017a07.01