khro bo rnam par rgyal ba'i rtog pa gsang ba'i rgyud/
当前为德格木刻版 8b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 8b
- 可引用原文
- 7 行
- 全文规模
- 全经 738 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 2 函第 91 函 · 德格 8b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ལེགས་པར་འོངས་ཞེས་སྨྲ་བར་བྱ། །དེ་ནས་གནས་སྐྱོང་བསྒྲུབ་པའི་ཕྱིར། །དེ་ནས་ཨཉྫ་ན་དག་དང་། །རྫས་ནི་གང་རྣམས་འདོད་པ་དེ། །ཤ་ཡིས་རབ་ཏུ་སྦྱིན་བྱོས་ཞེས། །སྒྲུབ་པ་པོས་ཀྱང་སྨྲ་བར་བྱ། །སྒྲུབ་པ་པོས་ཀྱང་གཞན་མི་སྨྲ། །སེམས་ནི་དཔའ་བར་ཤེས་ནས་སུ། །སྦྱིན་པར་བྱད་ཀྱིས་གཞན་ལ་མིན། །དེ་ནས་གཞན་ཡང་འདི་ཡི་ལས། །དཔུང་རྣམས་མནན་པར་བྱ་བ་གང་། །ཁྲོ་བོ་མཆོག་གིས་གསུངས་པ་ནི། །དེ་དག་འདིར་ནི་བཤད་པར་བྱ། །མི་རོའི་གོས་ལས་བྱས་པ་ཡི། །བ་དན་ཤིན་ཏུ་བཟང་པོ་བྱ། །དེ་ནས་མཐོན་
ཀ་ལས་བྱའོ། །སོར་བཅུ་དྲུག་གི་ཚད་དུ་བྱ། །སྨྱུག་མའི་ཡུ་བ་སྡུ་གུ་དག །ཁྲུ་གང་ཚད་དུ་བྱས་པ་ལ། །བཏགས་ཏེ་དེ་ནས་བསྒྲེང་ནས་སུ། །དུར་ཁྲོད་དུ་ནི་མཚན་མོ་བསྒྲུབ། །དཀྱིལ་འཁོར་རྒྱ་ཆེན་བྲིས་ནས་ཀྱང་། །དེར་ནི་ཙོག་པུར་གནས་ནས་སུ། །བ་དན་ལག་ན་ཐོགས་ནས་ནི། །མཚན་མོ་ཐོག་ཐག་བཟླས་པར་བྱ། །དེ་ནས་ནམ་ནི་ལངས་པ་ན། །དེ་ཡི་ལག་ན་ཐོགས་པ་ཡི། །དེ་ཚེ་དགྲ་ཡི་དཔུང་འཁྲུག་པ། །ཐེ་ཚོམ་མེད་པར་གནས་པར་འགྱུར། །ལག་ན་ཐོགས་པ་གཞན་དག་ཀྱང་། །སྒྲུབ་པ་པོས་ནི་མཐོང་བ་ཡི། །དེ་དག་
ཐམས་ཅད་མཐོང་མ་ཐག །མནན་ཏེ་རི་བཞིན་མི་གཡོར་འགྱུར། །གླང་པོ་རྒྱལ་པོ་མྱོས་པ་དང་། །ཤིང་རྟ་རྟ་དང་གླང་པོར་བཅས། །རྐང་ཐང་འཁྲུགས་པ་མང་བཅས་པའི། །དགྲ་ཡི་དཔུང་རྣམས་ངེས་པར་ནི། །མཐོང་བ་ཙམ་ནི་ཉིད་ཀྱིས་སུ། །མནན་པ་བཞིན་དུ་སྣང་བར་འགྱུར། །དེ་ནས་གཞན་ཡང་དུར་ཁྲོད་ཀྱི། །སྦྱོར་བ་བཀྲ་ཤིས་དགེ་བ་དང་། །ཁྲོ་བོ་མཆོག་གིས་གསུངས་པ་དེ། །དེ་ནི་ངེས་པར་བཤད་པར་བྱ། །དེས་ནི་མི་རོ་བསྲེགས་པ་ཡི། །མཚན་མོ་མེ་འབར་བལྟས་ནས་སུ། །སྐྲ་བཤིག་གོས་ཀྱང་མེད་བྱས་ལ། །བཟླས་པ་དག་ཀྱང་
བསྐོར་ཞིང་བྱ། །དེ་ནས་དེར་ནི་སྔགས་པ་ཡིས། །ལན་གཅིག་ཐལ་བ་སྤར་བ་གང་། །ལག་པ་གཡོན་པས་བླངས་ནས་སུ། །མཁས་པས་ཁྱིམ་དུ་འགྲོ་བར་འགྱུར། །ཡང་ན་ལྷ་ཁང་སྟོང་པར་འགྲོ། །ཕྱིར་ཡང་ལྟ་བར་ཡོང་མི་བྱ། །དེ་ནས་དེར་ཡང་ཐལ་བ་དེ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D604
- 德格版页
- 8b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0598 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。