完整藏文原文 · 德格版页 当前仅加载第 59 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་དང་ཡུལ་གཟུང་བའི་ཕྱིར་གྲོགས་བྱེད་པར་འགྱུར་རོ། །དེ་ཅིའི་ཕྱིར་ཞེ་ན། དེ་དང་ཁྱོད་སྔོན་སྨོན་ལམ་ལྷན་ཅིག་ཏུ་བཏབ་པའི་ཕྱིར་ཏེ། ཨ་ཀུན་ཞེས་བྱ་བའི་མི་དེ་ནི་སྔོན་རྒྱལ་པོར་གྱུར་ཏེ། མི་རྒོད་རྣམས་ཀྱིས་ཆུང་མ་བརྐུས་ཏེ། ཕྱིར་མ་རྙེད་པ་ཡིན་ནོ། །ཁྱོད་ནི་རྒྱལ་པོའི་
D168.059.0258a01.01བློན་པོ་ཆེན་པོ་ཡིན་ཏེ། དགའ་བྱེད་ཀྱི་ཕར་གྱུར་པ་ཡིན་ནོ། །དེ་ནས་དེའི་ཚེ་སངས་རྒྱས་བཅོམ་ལྡན་འདས་ཀྱིས་གཞོན་ནུ་རྡོ་རྗེ་སྡེ་ལ་འདི་སྐད་ཅེས་བཀའ་སྩལ་ཏོ། །གཞོན་ནུ་རྡོ་རྗེ་སྡེ་ཁྱོད་ནི་ལི་ཡུལ་འཁོར་དུ་རྣམ་པར་རྒྱལ་བའི་གོ་ཆ་ཞེས་བྱ་བའི་རྒྱལ་པོར་གྱུར་ཏེ། ལོ་སུམ་ཅུའི་བར་དུ་རྒྱལ་
D168.059.0258a02.01སྲིད་འཛིན་པར་འགྱུར་ལ། དགེ་བསྙེན་དུ་གྱུར་ནས་ལི་ཡུལ་གྱི་ཕྱིར་ལུས་ཡོངས་སུ་གཏོང་བའི་འབྲས་བུ་འཐོབ་པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ལྷ་མོ་དྲི་མ་མེད་པའི་འོད་ལ་འདི་སྐད་ཅེས་བཀའ་སྩལ་ཏོ། །ཁྱོད་ལི་ཡུལ་དུ་རབ་ངེས་ཞེས་བྱ་བར་གྱུར་པའི་ཚེ་མདོ་འདི་
D168.059.0258a03.01ཟུང་ཤིག །འདི་ལ་འཇུག་པར་གྱིས་ཤིག །རྒྱས་པར་གྱིས་ཤིག །སྐར་རྡོའི་ཡུལ་དུ་ཡང་མིང་པོ་ལ་སྐུར་ཅིག་དང་། ཁྱོད་ཀྱི་སྟེང་དུ་འོད་ཟེར་རྣམས་གནས་པར་འགྱུར་རོ། །གང་གི་ཚེ་ཁྱོད་ཀྱིས་གཟུངས་སྔགས་རྣམས་རྟོགས་པར་གྱུར་པ་དེའི་ཚེ་ཁྱེད་ལ་སངས་རྒྱས་བཅོམ་ལྡན་
D168.059.0258a04.01འདས་ཉིད་གསུང་བར་འགྱུར་ཞིང་ལྷ་རྣམས་ཀྱང་ཇི་ནས་ཁྱོད་ཀྱི་ལས་བྱེད་ནུས་པར་འགྱུར་བ་དེ་ལྟ་བུ་རྒྱས་པར་སྨྲ་བར་འགྱུར་རོ། །དེ་ནས་དེའི་ཚེ་སངས་རྒྱས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །ནུ་སྡུག་ཇི་ལྟར་བཅོམ་
D168.059.0258a05.01ལྡན་འདས་རིན་ཆེན་སྙིང་པོ་གྲོང་ཁྱེར་དུ་གཤེགས་པའི་ཚེ་འུ་བུ་ཅག་གཉིས་སངས་རྒྱས་ཉིད་དུ་ལུང་བསྟན་པ་ཐོབ་ནས། དེར་དེ་སྐད་དུ་ཕྱོགས་བཅུ་ན་སེམས་ཅན་འཇིགས་ཤིང་སྐྲག་པ་ཇི་སྙེད་ཡོད་པ་དེ་དག་ཐམས་ཅད་བདག་གིས་སྐྱབས་བྱེད་པར་གྱུར་ཅིག །དེ་སྐད་ཅེས་སྨོན་ལམ་བཏབ་པའི་དུས་ལ་
D168.059.0258a06.01དེ་དྲན་པར་གྱིས་ལ། ད་ངའི་ལི་ཡུལ་འདི་དང་། ལྷ་མོ་དྲི་མ་མེད་པའི་འོད་དང་། གཞོན་ནུ་རྡོ་རྗེ་སྡེ་ལ་གཏད་པ་འདི་ཁྱོད་ཀྱིས་ལོང་ཤིག །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་ཏུ་བཟང་པོ་དང་། འཇམ་དཔལ་དང་། ནམ་མཁའི་སྙིང་པོ་དང་། མཐུ་ཆེན་ཐོབ་དང་། སྨན་གྱི་
D168.059.0258a07.01