完整藏文原文 · 德格版页 当前仅加载第 59 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་གསུངས་སོ། །བཅོམ་ལྡན་འདས་ཤཱཀྱ་ཐུབ་པའི་ཕྱག་མཚན་ལིའི་ཡུལ་འཁོར་དེར་མི་ཇི་སྙེད་སྐྱེ་བར་འགྱུར་བ་དེ་དག་ཐམས་ཅད་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་པ་དང་། ཕྱིར་མི་ལྡོག་པ་ཤ་སྟག་སྟེ། དེར་རྒན་པོ་དང་། བྱིས་པ་རྣམས་
D168.059.0249b01.01ཀྱིས་བསོད་ནམས་ཇི་སྙེད་བྱེད་པ་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་དོ། །དེ་ལ་ལིའི་ཡུལ་འཁོར་དེ་ཅིའི་ཕྱིར་ཡང་དང་ཡང་དུ་གཞིག་པར་འདོད་ལ། གཞིག་ནུས་པར་ཡང་མི་འགྱུར། ཞེས་ཐེ་ཙོམ་འབྱུང་སྟེ། དེ་ནས་
D168.059.0249b02.01སངས་རྒྱས་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པའི་བྱང་ཆུབ་སེམས་དཔའ་ལྔ་བརྒྱ་སངས་རྒྱས་ཀྱི་བསྟན་པ་ཇི་སྲིད་གནས་ཀྱི་བར་དུ་རྟག་ཏུ་ཡུལ་དེར་སྐྱེ་བ་ལེན་པར་འགྱུར་ཏེ། སུམ་བརྒྱ་ནི་དགེ་སློང་དང་དགེ་སློང་མའི་ཚུལ་དུ་གནས་སོ། །
D168.059.0249b03.01ཉིས་བརྒྱ་ནི་དགེ་བསྙེན་དང་། དགེ་བསྙེན་མ་དང་། རྒྱལ་པོའི་འཁོར་དང་། སྐྱེས་པ་དང་། བུད་མེད་དང་། རྒན་པོ་དང་། བྱིས་པའི་ཚུལ་དུ་གནས་ཏེ་བྱང་ཆུབ་སེམས་དཔའ་དེ་དག་ལི་ཡུལ་འཁོར་དེར་སེམས་ཅན་ལ་ཕན་པ་དང་། བསྟན་པ་ཡོངས་སུ་བསྲུང་བའི་ཕྱིར་ལི་
D168.059.0249b04.01ཡུལ་དུ་གནས་སོ། །གང་གིས་བཅོམ་ལྡན་འདས་ལ་ཐེག་པ་ཆེན་པོའི་མདོ་སྡེ་ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་ཞུ་བར་བྱེད་པའི་གནས་བརྟན་རབ་འབྱོར་འདི་ནི་དགེ་སློང་བརྩོན་འགྲུས་ལས་བྱུང་བ་དེ་ཡིན་པར་རིག་པར་བྱའོ། །དེའི་ཚེ་ཅིའི་ཕྱིར་ལི་ཡུལ་དེ་འཇིག་པར་མི་འགྱུར་ཞེ་ན། དེ་
D168.059.0249b05.01བཞིན་གཤེགས་པ་ཤཱཀྱ་ཐུབ་པ་དང་། དེ་བཞིན་གཤེགས་པ་ཆོས་ཀྱི་འབྱུང་གནས་དེ་དག་དང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཅི་ནས་དེར་བདག་ཅག་སུམ་པ་རྣམས་ཀྱིས་མཆོད་རྟེན་དང་། དྲི་གཙང་ཁང་དང་། དགེ་འདུན་གྱི་ཀུན་དགའ་ར་བ་
D168.059.0249b06.01རྣམས་འཇིག་པར་མི་འགྱུར་བར་ཡུལ་དེ་བྱིན་གྱིས་བརླབས་པའི་ཕྱིར་རོ། །དེ་བཞིན་གཤེགས་པ་ཤཱཀྱ་ཐུབ་པས་ཀ་པི་ལ་ནའི་མཆོད་རྟེན་ལ་བཞུགས་པའི་དེ་བཞིན་གཤེགས་པ་དྲི་མ་མེད་པའི་དཔལ་ཙན་དན་གྱི་སྙིང་པོ་དང་ཐབས་ཅིག་ཏུ་སངས་རྒྱས་ཀྱི་ཕྲིན་ལས་མཛད་དོ་ཞེས་དེ་ལྟར་
D168.059.0249b07.01