完整藏文原文 · 德格版页 当前仅加载第 59 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པས་སངས་རྒྱས་ཀྱི་ཞིང་ཐམས་ཅད་ན་སངས་རྒྱས་བཅོམ་ལྡན་འདས་རྣམས་བཞུགས་པ་རྣམས་མཐོང་ཞིང་དེ་དག་གིས་ཆོས་བཤད་པ་ཡང་ཐོས་པར་འགྱུར་ལ། ལྷ་རྣམས་ཀྱང་དམ་པ་སྦྱིན་པར་འགྱུར་རོ། །དེ་ནས་སངས་རྒྱས་བཅོམ་ལྡན་འདས་སྔོན་འོད་ཟེར་གཏོང་བ་གང་
D168.059.0226b01.01ཡིན་པ་དེ་དག་ཐམས་ཅད་ཀྱིས་ལྷ་མོ་དྲི་མ་མེད་པའི་འོད་ལ་ལེགས་སོ་ཞེས་བྱ་བ་བྱིན་ཏེ། འདི་སྐད་ཅེས་གསུངས་སོ། །ཁྱོད་ཀྱིས་ཡོངས་སུ་བསྐྱང་བའི་ཕྱིར། །ལི་ཡུལ་མནོས་པ་གང་ཡིན་པ། །རྒྱལ་མཆོག་གིས་ནི་བཀའ་སྩལ་བཞིན། །ཤེས་རབ་ཆེན་པོས་དེ་བཞིན་བྱོས། །ས་
D168.059.0226b02.01སྟེང་གཞན་གྱིས་མི་ཚུགས་པའི། །གསང་སྔགས་ཀྱང་ནི་སྦྱིན་པར་བྱ། །གང་གི་ཚེ་ན་ལི་ཡུལ་དེར། །གནོད་འབྱུང་དུས་ལ་བབ་པ་ན། །དེ་ཚེ་ངེད་ཀྱིས་དགོངས་པར་བྱ། །དེ་འདྲའི་ཤེས་རབ་དག་ཀྱང་སྦྱིན། །དེ་ཚེ་ཚངས་པ་ལ་སོགས་ལྷ། །ས་སྟེང་དབང་ཕྱུག་སུམ་ཅུ་གཉིས། །
D168.059.0226b03.01མགྲིན་གཅིག་འཐུན་པར་སྨྲས་པ་ནི། །ཀླུ་རྣམས་དང་ནི་གནོད་སྦྱིན་དང་། །དེ་བཞིན་འབྱུང་པོ་ལྷ་མ་ཡིན། །མི་མ་ཡིན་དང་མི་རྣམས་ཀྱིས། །འཚེ་བར་མི་འགྱུར་གང་ཡིན་པའི། །གཟུངས་སྔགས་ངེད་ཀྱིས་སྦྱིན་པར་བྱ། །ཏདྱ་ཐཱ། ཨིན་དྲ་དད་ཏ་ཏྲི་ཤུ་ལ་ཧ་ཤ་སརྦ་པཱ་ཤ་བྷན་དྷ་ནེ།
D168.059.0226b04.01ནི་ཙིན་དཱ་ནེ། དྲ་དྲ་དྲ་དྲ། ཛ་ཛ་ཛ་ཛ། བུད་ཏཱི་ར། ནི་ཙིན་ན་དེ། ཏཱ་ལ་ཧི་ལི། ཨ་ཤྭ་སྠཱ་ནེ། ན་ནི་ནེ་ནི། པུ་པུ་པུ་པུ། ཨིན་དྲ་ཡུ་གི་ན། བི་ཤ་བི་ཤ་བི་ཤ་བི་ཤ་སྭཱ་ཧཱ། འདི་ནི་རྟ་གནས་ཞེས་བྱ་བའི་གཟུངས་སྔགས་ཡིན་ཏེ། གཟུངས་སྔགས་འདིས་ནི་རངས་བྱེད་ཀྱི་སྲིན་པོ་
D168.059.0226b05.01རྣམས་ཐུབ་ལ། སྲིད་སྒྲུབ་ཀྱིས་ཀྱང་སྒྲ་མི་སྙན་པ་རྣམས་ཐུབ་པར་གྱུར་ཏོ། །དེ་ནས་ཚངས་པ་ལ་སོགས་པ་ལྷ་རྣམས་དང་། འཁོར་དེ་དག་ཐམས་ཅད་ཀྱིས་འདི་སྐད་ཅེས་སྨྲས་སོ། །རིག་སྔགས་འདི་རྒྱལ་མཚན་གྱི་རྩེ་མོ་ལ་བཏགས་སམ། རྟའི་མགོ་ལ་བཏགས་སམ།
D168.059.0226b06.01རང་གི་མགུལ་དུ་བཏགས་ཀྱང་རུང་སྟེ། གང་དང་གང་དུ་གཡུལ་འགྱེད་དུ་འགྲོ་བ་དེ་གཞན་གྱིས་མི་ཐུབ་པར་འགྱུར་ཞིང་ཐམས་ཅད་དུ་རྒྱལ་བར་འགྱུར་ཏེ། ལྷ་ལ་བྱ་བ་བཞིན་དུ་གཙང་མས་བཅང་བར་བྱའོ། །ལི་ཡུལ་གྱི་བདག་པོ་རྒྱལ་པོ་དེས་ཀྱང་རས་ལ་འདུས་པ་ཆེན་པོའི་རི་མོ་བྲིས་
D168.059.0226b07.01