完整藏文原文 · 德格版页 当前仅加载第 59 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་གིས། །ཅི་ནས་གཟུང་བའི་ཐབས་འཚལ་བར། །བཅོམ་ལྡན་བདག་ཅག་དམ་པ་གསོལ། །དེ་ལ་བཅོམ་ལྡན་གསུངས་པ་ནི། །དམ་པའི་མཆོག་ནི་སྦྱིན་པར་བྱས། །གནོད་སྦྱིན་དབང་པོ་དུས་ཀུན་ཏུ། །ཡུལ་ནི་ཡོངས་སུ་བསྲུང་བའི་ཕྱིར། །བྱང་
D168.059.0212a01.01ཆུབ་སེམས་དཔའི་གནས་བཟང་འདི། །ང་ཡི་ཚིག་གིས་གཟུང་བར་གྱིས། །ཡུལ་དེ་འབྱུང་བར་འགྱུར་བ་ནི། །ལྷ་ཡི་སྐྱེད་མོས་ཚལ་མཆོག་བཞིན། །དགེ་འདུན་ཀུན་དགའ་ར་བས་རྒྱས། །དྲི་གཙང་ཁང་གིས་མཛེས་པར་བྱས། །དེར་ནི་དགོན་པའི་གནས་རྣམས་ཀྱང་། །
D168.059.0212a02.01བདེ་བ་ཅན་དང་འདྲ་བར་འགྱུར། །དགེ་སློང་དགེ་སློང་མ་ཡིས་གང་། །དེ་དག་ཐེག་པ་མཆོག་ཀྱང་སྟོན། །བྱང་ཆུབ་སེམས་དཔའི་གནས་བཟང་དེར། །མི་རྣམས་སྐྱེས་པ་གང་ཡིན་པ། །དགེ་བ་ཡི་ནི་ལས་བྱེད་ཅིང་། །བྱང་ཆུབ་ཕྱིར་ནི་སྔོ་བར་བྱེད། །ཅི་སྲིད་ཐུབ་པའི་དབང་པོ་
D168.059.0212a03.01ཡིས། །བསྟན་པ་ཡུལ་དེར་གནས་པ་དང་། །མཆོད་པར་བྱེད་པ་དེ་སྲིད་དུ། །ཡུལ་དག་ཀྱང་ནི་གནས་པར་འགྱུར། །བསྟན་པ་དག་ལ་མ་མཆོད་ན། །སྲུང་མ་རྣམས་ནི་འཁྲུག་པར་འགྱུར། །ཡུལ་ཡང་ཡལ་བར་འདོར་བ་དང་། །འཁྲུག་པའི་སེམས་ཀྱིས་འགྲོ་བར་
D168.059.0212a04.01འགྱུར། །སྲུང་མ་དག་ནི་སོང་བ་དང་། །ཡུལ་འདི་ལྷ་ཡིས་བོར་བ་དེར། །ནད་དང་མུ་གེས་ཉེན་པ་དང་། །རྒྱལ་པོ་དག་ཀྱང་ཚེ་ཐུང་འགྱུར། །སྲུང་མ་ཀུན་ཏུ་ཁྲོས་པ་ཡིས། །དཔུང་རྣམས་ཀྱང་ནི་མེད་པར་བྱེད། །རྒྱལ་བ་དམ་པ་མཆོག་གིས་ལྷ་རྣམས་ལ་དེ་སྐད་ཅེས་བཀའ་
D168.059.0212a05.01སྩལ་ནས། དེའི་འོག་ཏུ་བཅོམ་ལྡན་འདས་དཔལ་འོད་ཟེར་ལྟ་བུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྨིན་མཚམས་ཀྱི་གསེབ་ནས་དེ་བཞིན་གཤེགས་པའི་རྣམ་པ་ཞེས་བྱ་བའི་འོད་ཟེར་རྣམས་བྱུང་ངོ་། །འོད་ཟེར་དེ་དག་ལས་ཀྱང་འོད་ཟེར་ཚད་མེད་གྲངས་མེད་པ་བྱུང་བར་
D168.059.0212a06.01གྱུར་ཏེ། སངས་རྒྱས་ཀྱི་ཞིང་ཐམས་ཅད་དུ་སོང་ནས་སངས་རྒྱས་ཀྱི་ཞིང་གང་དང་གང་ན་སངས་རྒྱས་བཅོམ་ལྡན་འདས་བཞུགས་པ་དེར་ཚིག་ཏུ་བརྗོད་པ་འདི་སྐད་ཅེས་འབྱུང་སྟེ། །ལྷའི་ལྷ་སངས་རྒྱས་བཅོམ་ལྡན་འདས་ཤཱཀྱ་ཐུབ་པས་གནོད་པ་ཉུང་ངམ། བསྐྱོད་པ་ཡང་ངམ་ཞེས་བྱ་བའི་
D168.059.0212a07.01