完整藏文原文 · 德格版页 当前仅加载第 59 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཉིན་པར་ནི་ཁ་ཟས་མི་བཟའ་བར་ནང་པར་ཁྲུས་བྱས་ལ་གཟུངས་སྔགས་འདི་ཡང་བཟླས་བརྗོད་བྱས་ཏེ། རིའི་རྩེ་མོར་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་ལན་སྟོང་བཟླས་བརྗོད་བྱའོ། །པད་མ་སྟོང་གི་སྟེང་དུ་གསེར་གྱི་པད་མ་བདུན་བཞག་སྟེ། བྱང་ཆུབ་
D168.059.0247b01.01སེམས་དཔའི་མདུན་དུ་གུར་གུམ་གྱིས་དཀྱིལ་འཁོར་བྱས་ལ་རོ་དང་ལྡན་པའི་ཟས་སྣ་བརྒྱད་གུར་གུམ་གྱིས་བསྒོས་པ་དང་། གུར་གུམ་གྱི་ཆུས་བཀང་བའི་སྣོད་བཞི་བཞག་སྟེ། དེར་སྦྱིན་སྲེག་འདི་ཡང་བྱ་སྟེ། ཨ་ག་རུ་ནག་པོ་དང་། ཙན་དན་དཀར་པོ་དང་། ཙན་དན་དམར་པོ་
D168.059.0247b02.01དང་། ཙན་དན་སེར་པོ་རྣམས་ཀྱི་ཡམ་སྲེག་ཤིང་དང་། འབྲས་མ་དྲུས་པ་དང་། ཤ་རི་བ་རྣམས་བསྲེག་པར་བྱའོ། །ཆོ་ག་ནི་འདི་ལྟར་བྱ་སྟེ། དཀྱིལ་འཁོར་དུས་སུ་རྔ་ཡབ་སྟོང་ལ་ལན་རེ་བཟླས་བརྗོད་བྱ་སྟེ་སྦྱིན་སྲེག་བྱའོ། །ཨ་ག་རུ་དང་། རྒྱ་སྤོས་དང་། ཀ་ལི་ཡ་ཀ་དང་། ག་
D168.059.0247b03.01བུར་དང་། ཤི་ལི་ཡ་ཀ་དང་། གུར་གུམ་དང་། དུ་རུ་ཀ་རྣམས་ཀྱི་བདུག་པས་ཀྱང་དེར་བདུག་པར་བྱའོ། །དེའི་ཚེ་གཟུངས་སྔགས་འདི་ཡང་ཇི་ལྟར་རྟ་གནས་ཀྱི་རིག་སྔགས་བཤད་པའི་ཆོ་ག་རྒྱས་པ་བཞིན་དུ་བཟླས་བརྗོད་བྱའོ། །གནས་དེར་རི་ཡང་འདྲི་བར་བྱའོ། །ཡང་ན་
D168.059.0247b04.01རིའི་སྟེང་དུ་བཟླས་བརྗོད་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །དེའི་ཚེ་ཁྱོད་ཀྱིས་རབ་ངེས་དེ་ལ་དྲན་པར་གྱིས་ལ་ཆོ་ག་རྒྱས་པར་འདི་ཡང་ཤོད་ཅིག་དང་། སངས་རྒྱས་ཀྱི་བཀའ་བཞིན་
D168.059.0247b05.01དུ་བྱེད་པ་གང་ཡིན་པའི་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་། དབང་ཕྱུག་གི་ལྷ་དང་། ལྗོན་པའི་དབང་ཕྱུག་རྒྱལ་པོ་དང་། སྙིང་རྗེའི་དབང་ཕྱུག་དང་། སྤོང་བའི་འོད་ཀྱི་དབང་ཕྱུག་དང་། དྲི་ཟའི་དབང་ཕྱུག་དང་། ཚོགས་ཀྱི་དབང་ཕྱུག་དང་། འཇིག་
D168.059.0247b06.01རྟེན་དབང་ཕྱུག་དང་། འོད་ཀྱི་དབང་ཕྱུག་དང་། རིགས་ཀྱི་དབང་ཕྱུག་དང་། ཆོས་ཀྱི་དབང་ཕྱུག་དང་། བྱང་ཆུབ་སེམས་དཔའ་དེ་དག་དེར་འོང་བར་འགྱུར་རོ། །གསང་སྔགས་འདི་ཡང་བཤད་དེ། རབ་ངེས་གསང་སྔགས་འདི་རྗོད་ཅིག་ཅེས་ཟེར་རོ། །སངས་རྒྱས་ལ་ཕྱག་
D168.059.0247b07.01