完整藏文原文 · 德格版页 当前仅加载第 59 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་ཏུ་དབང་བསྐུར་བར་བགྱིའོ། །གང་གི་ཚེ་གདོང་དམར་དང་རྒྱ་འཐབ་པར་འགྱུར་བ་དེའི་ཚེ། ཅི་ནས་ལི་ཡུལ་འཇིག་པར་མི་འགྱུར་བ་དང་། གང་གི་ཚེ་ཡུལ་གཞན་ནས་ལི་ཡུལ་དུ་རབ་ཏུ་བྱུང་བ་རྣམས་འོངས་པ་ན་དེར་ཅི་ནས་རིམ་གྲོ་མེད་པར་མི་འགྱུར་བ་དང་། ཡུལ་གཞན་ནས་
D168.059.0257b01.01དེར་སེམས་ཅན་བྲོས་པ་དེ་དག་དེར་གནས་འཐོབ་པར་འགྱུར་ཞིང་གདོང་དམར་གྱིས་བསྲེགས་པ་གང་ཡིན་པའི་མཆོད་རྟེན་ཆེན་པོ་དེ་དག་དང་། དགེ་འདུན་གྱི་ཀུན་དགའ་ར་བ་དེ་དག་འཆོས་པའི་གྲོགས་བྱེད་པར་འགྱུར་བར་བྱ་བའི་ཕྱིར་ལི་ཡུལ་གྱི་གླུད་འཇལ་བ་དང་། རྒྱ་དང་ཕན་ཚུན་དུ་བག་
D168.059.0257b02.01མ་གཏོང་བ་དང་ལེན་པར་བྱེད་དོ། །དེ་ནས་སངས་རྒྱས་བཅོམ་ལྡན་འདས་ཀྱིས་དེའི་ཚེ་ལྷ་མོ་དྲི་མ་མེད་པའི་འོད་དང་། གཞོན་ནུ་རྡོ་རྗེ་སྡེ་གཉིས་ལ་ལི་ཡུལ་གཏད་ནས། དེའི་ཚེ་སངས་རྒྱས་བཅོམ་ལྡན་འདས་ཀྱིས་གཞོན་ནུ་རྡོ་རྗེ་སྡེ་ལ་འདི་སྐད་ཅེས་བཀའ་སྩལ་ཏོ། །ཁྱོད་ལི་ཡུལ་གྱི་རྒྱལ་པོ་
D168.059.0257b03.01བྱེད་པ་དང་། ལྷ་མོ་དྲི་མ་མེད་པའི་འོད་ཀྱིས་གྲོགས་བྱེད་པར་འགྱུར་གྱིས། མདོ་འདི་ལས་ཇི་སྐད་བཤད་པ་བཞིན་དུ་ཁྱོད་ཀྱིས་ཐམས་ཅད་གྱིས་ཤིག །གང་གི་ཚེ་ཁྱོད་གསེར་གྱི་རིགས་ཀྱི་ཡུལ་དུ་ཕྱིར་ལོག་པ་དེའི་ཚེ་རྒྱའི་དམག་ལི་ཡུལ་དུ་འོངས་སོ་ཞེས་དེ་སྐད་ཐོས་པ་དང་། ཐེ་ཚོམ་མ་
D168.059.0257b04.01བྱེད་པར་ལི་ཡུལ་དུ་སོང་ལ་དེར་ཕོ་ཉ་བཏང་ན་དེར་འོང་བར་མི་འགྱུར་ཏེ། ལི་ཡུལ་དང་གུ་ཟན་གྱི་ཡུལ་དུ་འགྲོ་བར་འགྱུར་རོ། །དེ་ལ་ཕྲིན་ཡིག་ནི་ང་དང་གཉེན་དུ་བྱོས་ལ་ཡུལ་ང་ལ་བྱིན་ཅིག་ཅེས་སྤྲིངས་ཤིག །དེ་ནས་དེའི་ཚེ་ཁྱོད་ནི་ལི་ཡུལ་གྱི་རྒྱལ་པོར་འགྱུར་རོ། །དབང་པོའི་གོ་ཆ་ནི་
D168.059.0257b05.01སྐར་རྡོའི་རྒྱལ་པོ་བྱེད་པར་འགྱུར་ཏེ། དེ་ཡང་ཁྱོད་ཅི་ནས་ལི་ཡུལ་གྱི་རྒྱལ་པོར་འགྱུར་བའི་གྲོགས་བྱེད་པར་འགྱུར་རོ། །སྐར་རྡོའི་ཡུལ་དུ་གནོད་པ་འབྱུང་བ་དེའི་ཚེ་ཁྱོད་ཀྱིས་ཇི་ནས་ཀྱང་གནོད་པ་བྱེད་དུ་མ་གཞུག་ཅིག །དབང་པོའི་གོ་ཆ་དང་ཡང་ཐོག་མར་དུམ་པར་གྱིས་ཤིག །ལས་འདི་དག་
D168.059.0257b06.01བྱེད་པའི་གྲོགས་སུ་འགྱུར་རོ། །སྐར་རྡོ་བ་ཇི་སྙེད་ཡོད་པ་ཐམས་ཅད་ཀྱང་གྲོགས་བྱེད་པར་འགྱུར་རོ། །ཨ་ཀུ་ན་ཞེས་བྱ་བ་དཔའ་བོ་ཞིག་ཡོད་དེ། དེ་སྔོན་ཡེ་ཤེས་གྲགས་པ་ཞེས་བྱ་བར་གྱུར་པ་ན་དེས་དར་མ་ཏི་ར་ཞེས་བྱ་བའི་གཙུག་ལག་ཁང་བྱས་སོ། །དེ་བས་ན་ཁྱོད་ཀྱིས་ཨ་ཀུན་ཚོལ་
D168.059.0257b07.01