完整藏文原文 · 德格版页 当前仅加载第 59 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཉིད་ནི་གང་དུ་གོ་མ་ས་ལ་གན་དྷའི་མཆོད་རྟེན་གྱི་ཆོས་ཀྱི་འཁོར་ལོ་འབྱུང་བར་འགྱུར་བ་དེའི་བར་སྣང་ལ་བཞུགས་སོ། །བྱང་ཆུབ་སེམས་དཔའ་རྣམས་ནི་གང་དང་གང་དག་ཏུ་དགེ་འདུན་གྱི་ཀུན་དགའ་ར་བ་དང་། དགོན་པའི་གནས་དང་། དྲི་གཙང་ཁང་དང་། མཆོད་རྟེན་
D168.059.0222b01.01ཆེན་པོ་རྣམས་འབྱུང་བར་འགྱུར་བའི་ཆུའི་ནང་གི་པད་མའི་སྟེང་དེ་དང་དེ་དག་ལ་འཁོད་དོ། །དེ་ནས་དེར་སངས་རྒྱས་བཅོམ་ལྡན་འདས་ཀྱིས་གཟུངས་སྔགས་གང་གིས་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཐམས་ཅད་ཐུགས་སུ་ཆུད་པར་འགྱུར་བའི་གཟུངས་སྔགས་ཆོས་
D168.059.0222b02.01ཀྱི་སྤྱི་བོ་ཞེས་བྱ་བ་འདི་བཤད་དོ། །ཏདྱ་ཐཱ། བ་བ་ར། པྲ་ཏྱ་བ་བ་ར། པྲཛྙཱབ་བ་ར། བུད་དྷ་བ་བ་ར། སད་དྷརྨ་བ་བ་ར། ཤུ་རཱ་བ་བ་ར། སརྦ་དྷརྨ་སྐན་དྷ་བ་བ་ར། བཛྲ་པཱ་ཎི་བ་བ་ར། ཏིཥྛ་ཏ་བ་བ་ར་སྭཱ་ཧཱ། གང་གི་ཚེ་སངས་རྒྱས་བཅོམ་ལྡན་འདས་ཀྱིས་གཟུངས་
D168.059.0222b03.01སྔགས་འདི་བཤད་པ་དེའི་ཚེ་བྱ་རྒོད་ཀྱི་ཕུང་པོའི་རི་ལ་གནས་པའི་འཁོར་ཐམས་ཅད་ཀྱིས་ཐོས་སོ། །རི་གླང་རུའི་ཟོམ་ན་བཅོམ་ལྡན་འདས་བྱང་ཆུབ་སེམས་དཔའ་ཐམས་ཅད་ཀྱི་ཚོགས་དང་ཐབས་ཅིག་ཏུ་བཞུགས་པ་ཡང་མཐོང་ངོ་། །དེ་ནས་བཅོམ་ལྡན་འདས་ཀྱིས་ལྷ་མོ་དྲི་མ་
D168.059.0222b04.01མེད་པའི་འོད་དང་། གཞོན་ནུ་རྡོ་རྗེ་སྡེ་ལ་བཀའ་སྩལ་པ། ཁྱོད་ཀྱིས་གཟུངས་སྔགས་འདིས་ངའི་ལས་གྱིས་ལ། ལི་ཡུལ་གྱི་ཡུལ་འཁོར་ཁྱོད་ལ་གཏད་པས། ཡོངས་སུ་བསྲུང་བར་གྱིས་ཤིག །དེའི་ཚེ་ལྷ་མོ་དྲི་མ་མེད་པའི་འོད་དང་། བྱང་ཆུབ་སེམས་དཔའ་རྡོ་རྗེ་སྡེས་འདི་སྐད་
D168.059.0222b05.01ཅེས་གསོལ་ཏོ། །བཅོམ་ལྡན་འདས་ལི་ཡུལ་གཏད་པ་འདི་བདག་ཅག་གིས་མནོད་པར་འཚལ་ལོ།། །།དྲི་མ་མེད་པའི་འོད་ཀྱིས་ཞུས་པ། བམ་པོ་གཉིས་པ། དེའི་ཚེ་བཅོམ་ལྡན་འདས་ཀྱིས་དྲི་མ་མེད་པའི་འོད་དང་། གཞོན་ནུ་རྡོ་རྗེ་སྡེའི་དོན་གྱི་ཕྱིར་
D168.059.0222b06.01གཟུངས་སྔགས་གཞན་བཤད་པ། ཏདྱ་ཐཱ། ནི་རྫི་ཏེ། བརྫི་ཏེ། བརྫི་ཏེ། བྷ་ཋི་ཏེ་དྷརྨ་སྐན་དྷ་ཨ་བ་ར་ཛི་ཏེ། ཨིན་དྲ་བརྫི་ཏེ། ཕུ་སྭཱ་ཧཱ། དེའི་ཚེ་སངས་རྒྱས་བཅོམ་ལྡན་འདས་རིན་ཆེན་སྙིང་པོ་ལ་སོགས་པ་གང་དག་ལ་ལྷ་མོ་དྲི་མ་མེད་པའི་འོད་ཀྱི་སྔོན་སངས་རྒྱས་ཉིད་དུ་ཐོག་མ་སེམས་
D168.059.0222b07.01