完整藏文原文 · 德格版页 当前仅加载第 59 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
བཟླས་བརྗོད་བྱས་ཏེ་མིག་བཀྲུ་བར་བྱའོ། །ཏདྱ་ཐཱ། བ་རད་ཙེ། བི་རད་ཙེ། ཀུ་ཐ་ལེ། མིག་ཏྲེ་ལེ། ཨཻ་ལཻ་མཻ་ལཻ། ཊད་གཱ་ཊད་གུ་ལེ་སྭཱ་ཧཱ། གཟུངས་སྔགས་འདི་ནི་སངས་རྒྱས་རྗེས་སུ་དྲན་པར་བྱ་བ་ཡིན་ནོ། །བསྒྲུབ་པའི་ཐབས་ནི་འདི་ཡིན་ཏེ། བསླབ་
D168.059.0243a01.01པ་འཛིན་པ་དང་། གཙང་མས་སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་ལན་དགུ་བརྒྱ་བཟླས་བརྗོད་བྱས་ཏེ། བདུག་པ་སྦྱར་བ་སྲེག་ཅིང་དྲི་ཞིམ་པོས་བསྒོས་པའི་འབྲུ་མར་གྱི་མར་མེ་དང་། པོག་ཕོར་དང་། དྲི་ཞིམ་པོས་བསྒོས་པའི་ཆུ་དང་། རོ་སྣ་གཅིག་གཞག་པར་བྱ་སྟེ།
D168.059.0243a02.01མར་ལ་བཟླས་བརྗོད་བྱས་ནས་མགོ་བོ་དང་ཁར་བསྐུས་ན་མགོ་བོའི་ནད་ཐམས་ཅད་ལས་ཐར་བར་འགྱུར་རོ། །འཐུངས་ན་དྲན་པ་སྐྱེ་བར་འགྱུར་རོ། །ཆོས་སློབ་པར་འདོད་པས་མར་དེ་འཐུངས་ན་དབང་པོ་རྣོན་པོར་འགྱུར་རོ། །གཟུངས་སྔགས་གང་བསྒྲུབས་ཀྱང་རུང་སྟེ།
D168.059.0243a03.01འདི་ལས་སྨོས་པ་བཞིན་དུ་ཡོངས་སུ་རྫོགས་པར་བཟླས་བརྗོད་བྱས་ཏེ། གཟུངས་སྔགས་ཐམས་ཅད་དང་། སངས་རྒྱས་ཀྱི་མཚན་རྣམས་ཕྱོགས་བཅུའི་ཕྱོགས་རེ་རེར་ལན་སུམ་ཅུ་རྩ་གསུམ་གསུམ་བརྗོད་པར་བྱའོ། །གང་གི་ཚེ་གཟུངས་སྔགས་བརྗོད་པ་ན་ཉིན་ལན་གསུམ་མཚན་
D168.059.0243a04.01ལན་གསུམ་དུ་ཕྱོགས་བཅུར་ཚེ་དཔག་མེད་ཀྱི་སྙིང་པོའི་གཟུངས་སྔགས་བརྗོད་པར་བྱའོ། །སངས་རྒྱས་བཅོམ་ལྡན་འདས་དེ་དག་གི་མཚན་ཕྱོགས་རེ་རེར་བརྗོད་པར་བྱའོ། །སངས་རྒྱས་ཐམས་ཅད་ཀྱི་སྙིང་པོ་ཞེས་བྱ་བའི་གཟུངས་སྔགས་འདི་དག་ནི་ཡིད་བཞིན་གྱི་ནོར་བུ་རིན་
D168.059.0243a05.01པོ་ཆེ་ཇི་ལྟར་ཆོས་དང་ལྡན་པའི་དམ་པ་ཇི་ལྟ་བུར་འདོད་པ་བཞིན་དུ་ཐམས་ཅད་ཐོབ་པར་བྱེད་པ་དེ་བཞིན་དུ་སུས་བརྗོད་པ་དེས། སངས་རྒྱས་ཉིད་ཀྱང་འཐོབ་པར་འགྱུར་ལ་སྡུག་བསྔལ་ཐམས་ཅད་ལས་ཐར་བར་འགྱུར་རོ། །དེས་འདི་སྐད་དུ་བདག་གིས་གང་གི་ཚེ་སངས་
D168.059.0243a06.01རྒྱས་ཀྱི་བྱང་ཆུབ་ཐོབ་ནས་དགྲོལ་བར་བྱའོ་ཞེས་བྱས་སོ། །དེའི་ཚེ་ལྷ་མོ་དྲི་མ་མེད་པའི་འོད་ཀྱིས་འདི་སྐད་དུ་ཇི་ལྟར་བདག་གིས་གཟུངས་སྔགས་འདི་དག་གིས་མིང་པོ་ཐར་བར་བྱས་པ་དེ་བཞིན་དུ་སེམས་ཅན་ཐམས་ཅད་ཀྱང་གཟུངས་སྔགས་འདི་དག་གིས་ཡོངས་སུ་ཐར་བར་བྱེད་པར་
D168.059.0243a07.01