完整藏文原文 · 德格版页 当前仅加载第 59 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུལ་ཡོངས་སུ་བསྐྱང་བའི་སླད་དུ་བདག་གིས་ཀྱང་བཀས་གཏད་པ་མནོད་པར་འཚལ་ལོ། །སངས་རྒྱས་བཅོམ་ལྡན་འདས་ཀྱིས་སྔར་གསུངས་པའི་འོད་ཟེར་བཏང་བ་རྣམས་གང་གི་ཚེ། བདག་གི་སྟེང་དུ་གནས་པར་འགྱུར་བ་ན། གཟུངས་གང་གིས་གཟུངས་
D168.059.0219a01.01ཐམས་ཅད་རྟོགས་པར་འགྱུར་བའི་གཟུངས་དེ་ཡང་བདག་གིས་བུད་མེད་ཀྱི་གཟུགས་ཀྱིས་ཐོབ་པར་གྱུར་ཅིག །གང་གི་ཚེ་ལི་ཡུལ་དུ་འཇིགས་པ་ཆེན་པོ་བྱུང་བར་གྱུར་པ་ན། དེའི་ཚེ་ཡུལ་ཡོངས་སུ་བསྲུང་བ་དང་། བསྟན་པ་ཡང་ཡུན་རིང་དུ་གནས་པར་བགྱི་བའི་སླད་དུ། བདག་
D168.059.0219a02.01ལ་སངས་རྒྱས་བཅོམ་ལྡན་འདས་རྣམས་ཀྱིས་དགོངས་པར་གྱུར་ཅིག །ཐབས་ཀྱང་སྟོན་པར་གྱུར་ཅིག །ལྷ་རྣམས་ཀྱང་དམ་པ་སྩོལ་བར་གྱུར་ཅིག །དེ་བཞིན་དུ་བདག་དེར་མིའི་བུད་མེད་གཞན་འདྲ་བར་བུད་མེད་དེ་ཐ་མལ་པའི་གཟུགས་སུ་སྣང་བར་གྱུར་ཅིག །སངས་རྒྱས་ཀྱི་
D168.059.0219a03.01འོད་ཟེར་དེ་དག་གི་སྟེང་དུ་གནས་པ་ཡང་ཐོབ་པར་གྱུར་ཅིག །སེམས་ཅན་གནོད་པས་ཉེན་པ་རྣམས་དང་། ནད་ཀྱིས་ཐེབས་པ་རྣམས་དང་། སྡུག་བསྔལ་བར་གྱུར་པ་དེ་དག་སྡུག་བསྔལ་ཐམས་ཅད་ལས་ཐར་བར་བགྱི་བའི་སླད་དུ་གཟུངས་སྔགས་དེ་དག་ཀྱང་ཐོབ་པར་གྱུར་ཅིག །
D168.059.0219a04.01གང་གི་ཚེ་རྒྱལ་པོ་ཆེན་པོ་དེ་དག་ཕན་ཚུན་འཐབ་པ་དང་། གང་གི་ཚེ་གདོང་དམར་གྱིས་ལི་ཡུལ་གྱི་ཡུལ་འཁོར་ཁྱེར་བ་ན་ཡང་དེར་བདག་བུད་མེད་ཀྱི་སྐྱེ་བ་ལེན་པར་གྱུར་ཅིག །སངས་རྒྱས་བཅོམ་ལྡན་འདས་རྣམས་ཀྱིས་ཐེག་པ་ཆེན་པོའི་མདོ་སྡེ་དམ་པའི་ཆོས་པད་མ་
D168.059.0219a05.01དཀར་པོ་གསུངས་པ་གང་ལགས་པ་དེ་ཡང་བདག་འཛིན་པར་གྱུར་ཅིག །མདོ་སྡེ་འདི་ལས་གཟུངས་སྔགས་འབྱུང་བ་རྣམས་ཀྱང་རྟོགས་པར་གྱུར་ཅིག །སེམས་ཅན་འདུལ་བའི་སླད་དུ་སྒྲ་ཐམས་ཅད་ལ་རྟོགས་པའི་ཏིང་ངེ་འཛིན་ཡང་རྟོགས་པར་གྱུར་ཅིག །དམ་
D168.059.0219a06.01པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་ཀྱིས་སེམས་ཅན་ཐམས་ཅད་ལ་ཕན་འདོགས་པར་གྱུར་ཅིག །ལི་ཡུལ་གྱི་སྲུང་མ་གང་ལགས་པའི་ལྷ་རྣམས་ལ་ཡང་ཆོས་ཀྱི་སྦྱིན་པ་དང་། མཆོད་པའི་ལས་བགྱིད་པར་གྱུར་ཅིག །ཐེག་པ་ཆེན་པོའི་མདོ་སྡེ་དམ་པའི་
D168.059.0219a07.01