完整藏文原文 · 德格版页 当前仅加载第 59 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། སྔོན་རྡོ་རྗེ་སྡེ་ལས་གྱུར་པའི་ལྷ་གང་ཡིན་པ་དེ་དང་། སྔོན་དྲི་མ་མེད་པའི་འོད་ལས་གྱུར་པའི་ལྷ་མོ་གང་ཡིན་པ་དེ་དང་། གྲོགས་མོར་གྱུར་པས་ཐོབ་པ་གང་དང་ལྷན་ཅིག་ཏུ་སྨོན་ལམ་བཏབ་པར་གྱུར་པ་གང་ཡིན་པ་དེ་ལ་ལྷ་དེ་དག་གིས་བསྐུལ་ཏེ། ལྷའི་སྐྱེ་བ་བོར་ལ་མིའི་
D168.059.0238b01.01སྐྱེ་བ་ལོང་ཤིག་ཅེས་ཐམས་ཅད་ལ་དྲན་པར་བྱེད་དོ། །རྒྱལ་པོ་མ་སྐྱེས་དགྲའི་གྲོང་ཁྱེར་སྐྱོང་བར་གྱུར་པ་གང་ཡིན་པ་དེ་དང་། གྲོང་ཁྱེར་སྐྱོང་བ་དེའི་བུར་གྱུར་པ་ལ་ཡང་ལྷའི་འཇིག་རྟེན་ནས་ལྷ་རྣམས་ཀྱིས་སྐུལ་བར་བྱེད་དོ། །ཕ་དང་མར་གྱུར་པ་གང་ཡིན་པ་དང་ལྷན་ཅིག་ཏུ་
D168.059.0238b02.01སྨོན་ལམ་འདེབས་འདེབས་པ་གང་ཡིན་པ་རྣམས་ལ་ཡང་དེའི་ཚེ་ལྷ་རྣམས་ཀྱིས་བསྐུལ་ཏེ། སངས་རྒྱས་ཀྱིས་བཀའ་སྩལ་པ་གང་ཡིན་པ་དང་། སྨོན་ལམ་བཏབ་པ་གང་ཡིན་པ་རྣམས་ཀྱི་དུས་ནི་ད་བབ་ཀྱིས། ལི་ཡུལ་དུ་སྐྱེ་བ་ལོང་ཤིག་ཅེས་དྲན་པར་བྱེད་དོ། །དེ་ལ་བྱང་
D168.059.0238b03.01ཆུབ་སེམས་དཔའ་རྡོ་རྗེ་སྡེ་ཞེས་བྱ་བའི་ལྷ་གང་ཡིན་པ་དེ་ནི་ལི་ཡུལ་གྱི་རྒྱལ་པོར་འགྱུར་རོ། །ས་ཐོབ་པའི་རིགས་ཀྱི་བུད་མེད་གང་ཡིན་པ་དེ་ནི་ཚེ་རབས་ལྔའི་བར་དུ་ལི་ཡུལ་གྱི་རྒྱལ་མོར་འགྱུར་རོ། །ལི་ཡུལ་དུ་ནི་ཚེ་རབས་དྲུག་ཏུ་སྐྱེ་བ་ལེན་ཏེ། རྒྱལ་པོ་བྱང་ཆུབ་སེམས་
D168.059.0238b04.01དཔའི་བཙུན་མོར་འགྱུར་རོ། །གང་གི་ཚེ་འཕགས་སྐྱེས་པོའི་ཕྱོགས་བྱས་པའི་ལས་དེའི་དུས་ལ་བབ་པ་ན་དེའི་རྒྱུད་དུ་གྱུར་པ་ཇི་སྙེད་པ་རྣམས་སུམ་པར་འགྱུར་རོ། །གང་གི་ཚེ་ལི་ཡུལ་དུ་ཐོག་མར་སུམ་པ་འོངས་པ་དེའི་ཚེ་ལྷ་མོ་འདི་ལྷའི་ནང་ནས་ཤི་འཕོས་ནས་སྐར་རྡོའི་རྒྱལ་
D168.059.0238b05.01པོའི་བུ་མོར་འགྱུར་རོ། །གང་གི་ཚེ་འ་ཞ་དང་སུམ་པ་འོང་བའི་དུས་ལ་བབ་པ་དེའི་ཚེ་ལྷ་མོ་དྲི་མ་མེད་པའི་འོད་འདིས་རྒྱལ་པོ་མ་སྐྱེས་དགྲའི་གྲོང་ཁྱེར་སྐྱོང་བ་ཁྱིམ་ཐབ་ཏུ་གྱུར་པ་འདི་ཁྲིད་ནས་གསེར་གྱི་ཡུལ་དུ་ཁྲིད་དེ་འོང་བར་འགྱུར་རོ། །དེའི་ཚེ་དེར་དམག་གི་དཔུང་དེ་དག་འོངས་
D168.059.0238b06.01ནས་དེའི་ཕ་སྐར་རྡོའི་རྒྱལ་པོ་དེ་དང་། མིང་པོ་རབ་གཉིས་གཡུལ་དེར་འཆི་བར་གྱུར་ཏེ། དེའི་ཚེ་དྲི་མ་མེད་པའི་འོད་མྱ་ངན་གྱིས་གཟིར་ནས་མྱ་ངན་གྱི་ཁང་བུར་ཞུགས་ཏེ། གཞན་ལ་དྲི་མི་དགོས་པར་མི་གཙང་བའི་ཏིང་ངེ་འཛིན་ཐོབ་པར་འགྱུར་རོ། །གང་གི་ཚེ་གདོང་དམར་
D168.059.0238b07.01