完整藏文原文 · 德格版页 当前仅加载第 59 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
བར་དུ་འདྲིའོ། །འདི་སྐད་ཅེས་ཀྱང་སྨྲས་ཏེ། སངས་རྒྱས་ཉིད་ཀྱི་ཕྱིར་ངས་བསྐལ་པ་མང་པོར་དཀའ་བ་བྱས་སོ། །དམ་པའི་ཆོས་བསྡུ་བའི་ཕྱིར་ལུས་གྲངས་མེད་པ་ཡོངས་སུ་བཏང་བ་བྱས་ཏེ། སྦྱིན་པ་མང་པོ་བྱིན་ནོ། །སྡུག་བསྔལ་ཤིན་ཏུ་མང་པོ་བྱང་ཆུབ་སེམས་དཔའ་གཞན་དག་གིས་
D168.059.0212b01.01མ་མྱོང་བ་དག་ཉམས་སུ་མྱོང་སྟེ། དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྗེས་སུ་ཐོབ་པར་གྱུར་ཏོ། །ད་ནི་ང་ཡོངས་སུ་མྱ་ངན་འདའ་བའི་དུས་དང་སྐབས་སུ་བབ་ནས། འཛམ་བུའི་གླིང་ཐམས་ཅད་ཀྱི་ཡུལ་རྣམས་ཡོངས་སུ་བསྐྱང་བའི་ཕྱིར་སྲུང་མ་རྣམས་ཀྱི་ལག་ཏུ་
D168.059.0212b02.01བྱིན་ནོ། །ལྷ་རྣམས་མྱ་ངན་ང་འདས་ནས། །ལོ་བརྒྱ་ལོན་པ་དེ་ཡི་ཚེ། །མིང་ནི་ལི་ཡུལ་ཞེས་བྱ་བ། །རབ་ཏུ་འབྱོར་པ་འབྱུང་བར་འགྱུར། །བསྐལ་པ་བཟང་པོའི་སངས་རྒྱས་དང་། །བྱང་ཆུབ་སེམས་དཔའ་སྐྱོབ་རྣམས་ཀྱི། །འདུལ་བའི་ཕྱིར་ནི་ཆད་ཀྱུ་སྟེ། །རྟོག་གེ་པ་དང་
D168.059.0212b03.01བྲལ་བ་ཡིན། །བསྐལ་པ་བཟང་པོའི་རྒྱལ་སྲས་རྣམས། །ལི་ཡུལ་འཁོར་གྱི་གྲོང་ཁྱེར་དེར། །སྐྱེ་བ་དག་ཀྱང་ལེན་འགྱུར་ཞིང་། །མིག་དང་འདྲ་བར་སྣང་བར་འགྱུར། །སེམས་ཅན་རྣམས་ནི་སྨིན་བྱ་དང་། །ཆོས་ཀྱང་མཉན་པར་བྱ་བའི་ཕྱིར། །བྱང་ཆུབ་སྤྱོད་པ་བཟང་
D168.059.0212b04.01པོ་དག །དེ་ཚེ་དེ་ཀུན་སྤྱོད་པར་འགྱུར། །སངས་རྒྱས་རྣམས་ཀྱིས་བདག་ལ་དགོངས། །ཉི་མའི་སྙིང་པོ་མདོ་སྡེ་ཆེ། །མདོ་སྡེ་མཆོག་ནི་བཤད་པ་ན། །སྙིང་རྗེས་ནོན་པའི་སེམས་ཀྱིས་སུ། །ཡུལ་དེར་བསྲུང་བར་བྱ་བའི་ཕྱིར། །གཟུངས་སྔགས་རྣམས་དང་འོད་ཟེར་དག །
D168.059.0212b05.01ཇི་ལྟར་སྔོན་ནི་སྐུར་བ་བཞིན། །སངས་རྒྱས་ཞིང་ནི་ཐམས་ཅད་ནས། །ཡུལ་འཁོར་འདིར་ནི་སྐྱེས་ཀྱི་རྣམས། །རྒྱལ་མཆོག་རྣམས་ཀྱིས་སྐུར་བར་མཛོད། །བསྟན་པ་བསྲུང་བར་བྱ་བའི་ཕྱིར། །བདག་ལ་དགྱེས་པས་སྐུར་བར་མཛོད། །སྐྱོབ་པ་ཤཱཀྱ་སེང་གེ་ཡིས། །འོད་ཟེར་
D168.059.0212b06.01དེ་དག་བཏང་བ་ན། །སངས་རྒྱས་ཞིང་རྣམས་སོང་ནས་ནི། །དེ་ཉིད་དུ་ནི་སླར་ཡང་འོངས། །དེ་ནས་དེ་མ་ཐག་ཏུ་སངས་རྒྱས་ཀྱི་ཞིང་ཐམས་ཅད་ན་བཞུགས་པའི་སངས་རྒྱས་བཅོམ་ལྡན་འདས་རྣམས་ཀྱིས། བཅོམ་ལྡན་འདས་ཤཱཀྱ་ཐུབ་པ་ལི་ཡུལ་ཡོངས་སུ་བསྐྱང་བར་བཞེད་པའི་
D168.059.0212b07.01