完整藏文原文 · 德格版页 当前仅加载第 58 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཐོབ་ཅེས་བྱ་བ་དེས་ནོར་བུ་རིན་པོ་ཆེའི་གདུགས་རིན་པོ་ཆེས་སྤྲས་པ་དེ་བཞིན་གཤེགས་པ་ལ་ཕུལ་ལོ། །ཕུལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེའི་ཚེ་དེའི་དུས་ན་བྱང་ཆུབ་སེམས་དཔའ་སྨོན་ལམ་ཁྱད་པར་འཕགས་ཞེས་
D156.058.0253a01.01བགྱི་བར་འགྱུར་བ་དེ་གང་ལགས། དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོའི་བུ་རྟག་ཏུ་དད་པ་ཐོབ་ཀྱི་ལྷག་པའི་བསམ་པ་མཁྱེན་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དེའི་ཚེ་དེའི་དུས་ན་བྱང་ཆུབ་སེམས་དཔའ་སྨོན་ལམ་ཁྱད་པར་
D156.058.0253a02.01འཕགས་ཞེས་བྱ་བར་འགྱུར་བ་དེ་གཞན་ཡིན་པ་སྙམ་དུ་ཁྱོད་སེམས་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ཀུན་དགའ་བོ་ཀླུའི་རྒྱལ་པོའི་བུ་རྟག་ཏུ་དད་པ་ཐོབ་པ་འདི་ཉིད་དེའི་ཚེ་དེའི་ཚེ་དུས་ན་བྱང་ཆུབ་སེམས་དཔའ་སྨོན་ལམ་ཁྱད་པར་འཕགས་ཞེས་བྱ་བར་འགྱུར་
D156.058.0253a03.01ཏེ། བཅོམ་ལྡན་འདས་མ་དྲོས་པ་དེའི་འོག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་དུ་སྣང་བ་ཞེས་བྱ་བ་འཇིག་རྟེན་དུ་འབྱུང་ངོ་། །བཅོམ་ལྡན་འདས་ཀྱིས་ཞུས་པ་ལུང་བསྟན་ཅིང་རྣམ་པར་དག་པའི་ལམ་གྱི་ཆོས་ཀྱི་རྣམ་གྲངས་
D156.058.0253a04.01འདི་མཐར་ཕྱིན་པའི་དུས་ཤེས་ནས་ཕྱོགས་བཅུ་ནས་འདུས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་
D156.058.0253a05.01ཅི་དང་། ལྟོ་འཕྱེ་ཆེན་པོ་རྣམས་ཚིམ་ཞིང་མགུ་ལ་ཡི་རངས་ཤིང་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས་མངོན་པར་དགའ་སྟེ་སྟན་ལས་ལངས་ནས། བཅོམ་ལྡན་འདས་ལ་ཚུལ་བཞིན་དུ་མཆོད་དེ། རང་རང་གི་སངས་རྒྱས་ཀྱི་ཞིང་དང་རང་རང་གི་གནས་སུ་དོང་ངོ་། །དེ་ནས་
D156.058.0253a06.01ཀླུའི་རྒྱལ་པོ་མ་དྲོས་པ་བུ་དང་བཅས། ཆུང་མ་དང་བཅས། གཉེན་དང་འཁོར་དུ་བཅས་ཏེ་ཀླུའི་རྒྱལ་པོ་ལྷ་སྲུང་དུ་མངོན་པར་སྤྲུལ་ནས་བཅོམ་ལྡན་འདས་ཀྱི་གཞལ་མེད་ཁང་རྣམ་པའི་མཆོག་ཐམས་ཅད་དང་ལྡན་པ་ཡང་མངོན་པར་སྤྲུལ་ཏེ། བཅོམ་ལྡན་འདས་དེར་བཞུགས་སུ་གསོལ་ནས།
D156.058.0253a07.01