完整藏文原文 · 德格版页 当前仅加载第 58 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་སྐྱེས་བུ་ངན་པ་རྣམས་ཀྱིས་རྣམ་པར་སྤངས་པའོ། །ལམ་འདི་ནི་སྐྱེས་བུ་དམ་པ་རྣམས་ཀྱིས་བསྟེན་པའོ། །ལམ་འདི་ནི་རྣལ་འབྱོར་སྤྱོད་པ་རྣམས་རྗེས་སུ་འདོང་བའོ། །ལམ་འདི་ནི་ཚུལ་བཞིན་ལ་བརྩོན་པ་རྣམས་ཀྱིས་བགྲོད་པར་བདེ་བའོ། །ལམ་
D156.058.0215a01.01འདི་ནི་ཡང་དག་པར་ལྟ་བ་ལ་ཡང་དག་པར་གནས་པ་རྣམས་ཀྱི་རྣལ་དུ་འཇུག་པའོ། །ལམ་འདི་ནི་བརྩོན་པ་རྣམས་ལ་མི་སྒྲིབ་པས་ཡངས་པའོ། །ལམ་འདི་ནི་ཡང་དག་པར་སོང་བ་དང་། ཡང་དག་པར་ཞུགས་པ་རྣམས་ལ་མི་སྒྲིབ་པའོ། །ལམ་འདི་ནི་འདོད་ཆགས་
D156.058.0215a02.01དང་། ཞེ་སྡང་དང་། གཏི་མུག་གི་ཉོན་མོངས་པ་རྣམས་ཀྱི་དྲི་མ་མེད་པའོ། །ལམ་འདི་ནི་ཤིན་ཏུ་ཀུན་ནས་ཉོན་མོངས་པ་ཅན་མ་ཡིན་པས་རྣམ་པར་དག་པ་སྟེ། དེའི་ཕྱིར་རྣམ་པར་དག་པའི་ལམ་ཞེས་བྱའོ། །ཀླུའི་བདག་པོ་གང་ལ་ལ་དག་རྣམ་པར་དག་པའི་ལམ་
D156.058.0215a03.01འདི་ལ་ཞུགས་པ་དང་། འཇུག་པ་དང་། འཇུག་པར་འགྱུར་བ་དེ་དག་ཐམས་ཅད་ནི་ཆོས་ཀྱི་དབྱིངས་རྣམ་པར་དག་པས་བདག་གི་དབྱིངས་རྣམ་པར་དག་པར་རྗེས་སུ་རྟོགས་སོ། །བདག་གི་དབྱིངས་རྣམ་པར་དག་པས་ཆོས་ཀྱི་དབྱིངས་རྣམ་པར་དག་པར་རྗེས་སུ་རྟོགས་སོ། །
D156.058.0215a04.01ཆོས་ཀྱི་དབྱིངས་རྣམ་པར་དག་པས་སེམས་ཅན་གྱི་ཁམས་ཐམས་ཅད་རྣམ་པར་དག་པར་རྗེས་སུ་རྟོགས་སོ། །སེམས་ཅན་གྱི་ཁམས་ཐམས་ཅད་རྣམ་པར་དག་པས་མིག་གི་ཁམས་རྣམ་པར་དག་པར་རྗེས་སུ་རྟོགས་པ་ནས་ཡིད་ཀྱི་ཁམས་ཀྱི་བར་དུ་རྣམ་པར་དག་པར་
D156.058.0215a05.01རྗེས་སུ་རྟོགས་སོ། །ཡིད་ཀྱི་ཁམས་རྣམ་པར་དག་པས་འདོད་པ་དང་། གཟུགས་དང་། གཟུགས་མེད་པའི་ཁམས་རྣམ་པར་དག་པར་རྗེས་སུ་རྟོགས་སོ། །འདོད་པ་དང་། གཟུགས་དང་། གཟུགས་མེད་པའི་ཁམས་རྣམ་པར་དག་པས་ནམ་མཁའི་ཁམས་རྣམ་
D156.058.0215a06.01པར་དག་པར་རྗེས་སུ་རྟོགས་སོ། །ནམ་མཁའི་ཁམས་རྣམ་པར་དག་པས་ཆོས་ཐམས་ཅད་རྣམ་པར་དག་པར་རྗེས་སུ་རྟོགས་ཏེ། འདི་ལྟར་ནམ་མཁའ་རྣམ་པར་དག་པའི་རྣམ་པར་དག་པ་འདིས་ཆོས་ཐམས་ཅད་མཉམ་མོ། །དེ་ལྟར་ནམ་མཁའ་རྣམ་པར་དག་པ་དང་།
D156.058.0215a07.01