完整藏文原文 · 德格版页 当前仅加载第 58 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་འདུ་མི་བྱེད། །ལུས་དང་སེམས་ནི་གཡེལ་མི་གཏོང་། །བདག་དང་སེམས་ཅན་རྡུལ་སེལ་ཅིང་། །འདོད་ཆགས་མེད་པའི་ཆོས་ལ་དད། །དད་པ་དེ་བཞིན་ཉིད་ལ་གནས། །ལམ་གྱི་འགྲོ་བ་ཁོང་དུ་ཆུད། །ཡང་དག་མཐའ་ནི་མཐའ་
D156.058.0237a01.01མིན་ཞིང་། །དེ་ནི་ནམ་མཁའི་མཐའ་འདྲ་བར། །ཆོས་རྣམས་ཀུན་ལ་ཡིད་ཆེས་ཏེ། །ཡེ་ཤེས་དབྱིངས་ལ་མཉམ་པར་གཞག །ཆོས་ཀུན་ཟག་པ་ཡོད་མིན་ཞིང་། །དུས་གསུམ་ལས་ནི་ཤིན་ཏུ་འདས། །སྲིད་དང་ལས་དང་མ་རིག་དང་། །ལྟ་བ་དད་ལྡན་
D156.058.0237a02.01མི་འཛིན་ཏོ། །ཆོས་རྣམས་ཐམས་ཅད་འོད་གསལ་ཞིང་། །ཉོན་མོངས་ཅན་མིན་རང་བཞིན་དག །ཤེས་ནས་ཉོན་མོངས་གློ་བུར་གྱིས། །སེམས་ནི་འབྱུང་བར་བྱེད་མ་ཡིན། །ཆོས་རྣམས་ཐམས་ཅད་ལྟོས་མེད་ཅིང་། །དེ་དག་ལ་ནི་རྒྱུ་བ་མེད། །བཏང་
D156.058.0237a03.01སྙོམས་གྱུར་ཅིང་གཡོ་བ་མེད། །དེ་ནི་ཉེས་པ་མི་འཛིན་ཏོ། །བླང་བ་མེད་ཅིང་དོར་བ་མེད། །གཟུང་བ་མེད་ཅིང་གྲོལ་བ་མེད། །བཅངས་པས་བྱིས་པ་བྲིད་འདྲ་བས། །ཆོས་རྣམས་གསོག་ཏུ་ཡིད་ཀྱང་ཆེས། །གསོབ་དང་གདེག་པ་མེད་པ་དང་། །སྙིང་པོ་
D156.058.0237a04.01མེད་དེ་ཆུ་ཤིང་འདྲ། །རང་བཞིན་གྱིས་ནི་སླུ་བ་སྟེ། །གནས་མེད་ཅིང་ནི་དངོས་པོ་མེད། །ཆོས་ཀུན་ཅི་ཡང་མེད་པ་སྟེ། །དོན་ནི་ཅུང་ཟད་མེད་པར་ཤེས། །ཆོས་རྣམས་ནམ་མཁའ་མཚུངས་པ་དང་། །འདྲ་བར་གྱུར་པས་འདུས་མ་བྱས། །ཆོས་རྣམས་མྱ་ངན་
D156.058.0237a05.01འདས་འདྲ་ཞིང་། །རང་བཞིན་གྱིས་ནི་ཞི་བར་དད། །དད་པར་དེ་ལའང་དད་བྱེད་དེ། །ནམ་མཁར་འཕངས་པའི་རྡོ་བ་བཞིན། །བྱང་ཆུབ་སེམས་དཔའ་གང་ཞིག་ལ། །དད་པ་འདི་འདྲ་འདི་ཡོད་པ། །དེ་ལ་སངས་རྒྱས་རྣམས་འབྱུང་སྟེ། །བསྙེན་བཀུར་བྱ་བའང་དེ་བཞིན་
D156.058.0237a06.01ནོ། །གཟུགས་འབྱུང་བ་ནི་སངས་རྒྱས་དག །འབྱུང་བར་བསྟན་པ་མ་ཡིན་ནོ། །འགོག་པས་མ་ཡིན་ལྡང་བས་མིན། །འགྲོ་བས་མ་ཡིན་འོང་བས་མིན། །གཟུགས་ཀྱི་སྐྱེ་མེད་གང་ཡིན་དང་། །འགོག་པ་མིན་དང་གནས་མིན་དང་། །འོང་བ་མེད་ཅིང་འགྲོ་
D156.058.0237a07.01