完整藏文原文 · 德格版页 当前仅加载第 58 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
དང་མཚུངས་ཤིང་རང་བཞིན་གྱིས་ཉེ་བར་ཞི་བར་ཡིད་ཆེས་པ་འདི་ནི་བཞིན་{བཟངས་,བཟང་}དག་འཇིག་རྟེན་ལས་འདས་པའི་དད་པ་ཞེས་བྱ་སྟེ། བཞིན་{བཟངས་,བཟང་}དག་གང་འཇིག་རྟེན་ལས་འདས་པའི་དད་པ་འབྱུང་བ་དེ་ནི་སངས་རྒྱས་འབྱུང་བ་ཞེས་བྱའོ། །བཞིན་{བཟངས་,བཟང་}དག་
D156.058.0235b01.01སངས་རྒྱས་འབྱུང་བ་ཞེས་བྱ་བ་དེ་ནི་ཆོས་ཐམས་ཅད་སྐྱེ་བ་མེད་པ་ལ་བྱའོ། །བཞིན་{བཟངས་,བཟང་}དག་ཆོས་ཐམས་ཅད་སྐྱེ་བ་མེད་པ་ཞེས་བྱ་བ་དེ་ནི་མཉམ་པ་ཉིད་ཀྱི་ཚིག་{བླ་དགས་,བླ་དྭགས་}སོ། །དེ་ཅིའི་ཕྱིར་ཞེ་ན། འདི་ལྟར་གཟུགས་འབྱུང་བ་ནི་སངས་རྒྱས་འབྱུང་བ་མ་ཡིན་
D156.058.0235b02.01ནོ། །སངས་རྒྱས་འབྱུང་བ་ནི་གཟུགས་སྐྱེ་བ་མེད་པས་རབ་ཏུ་ཕྱེ་བ་ཡང་མ་ཡིན་ནོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འབྱུང་བ་ནི་སངས་རྒྱས་འབྱུང་བ་མ་ཡིན་ནོ། །སངས་རྒྱས་འབྱུང་བ་ནི་རྣམ་པར་ཤེས་པ་སྐྱེ་
D156.058.0235b03.01བ་མེད་པས་རབ་ཏུ་ཕྱེ་བ་ཡང་མ་ཡིན་ནོ། །ཕུང་པོ་དང་། ཁམས་དང་། སྐྱེ་མཆེད་འབྱུང་བ་ནི་སངས་རྒྱས་འབྱུང་བ་མ་ཡིན་ནོ། །སངས་རྒྱས་འབྱུང་བ་ནི་ཕུང་པོ་དང་། ཁམས་དང་། སྐྱེ་མཆེད་སྐྱེ་བ་མེད་པས་རབ་ཏུ་ཕྱེ་བ་ཡང་མ་ཡིན་ནོ། །རིག་པ་འབྱུང་
D156.058.0235b04.01བ་དང་། མ་རིག་པ་འབྱུང་བ་ནི་སངས་རྒྱས་འབྱུང་བ་མ་ཡིན་ནོ། །སངས་རྒྱས་འབྱུང་བ་ནི་རིག་པ་དང་མ་རིག་པ་སྐྱེ་བ་མེད་པས་རབ་ཏུ་ཕྱེ་བ་ཡང་མ་ཡིན་ནོ། །རྒ་ཤིའི་བར་དུ་འབྱུང་བ་ནི་སངས་རྒྱས་འབྱུང་བ་མ་ཡིན་ནོ། །སངས་རྒྱས་འབྱུང་བ་ནི་རྒ་ཤི་སྐྱེ་བ་
D156.058.0235b05.01མེད་པས་རབ་ཏུ་ཕྱེ་བ་ཡང་མ་ཡིན་ནོ། །སྐྱེ་བ་སྐྱེ་བ་དང་། མི་སྐྱེ་བ་སྐྱེ་བ་ནི་སངས་རྒྱས་འབྱུང་བ་མ་ཡིན་ནོ། །སངས་རྒྱས་འབྱུང་བ་ནི་སྐྱེ་བ་དང་མི་སྐྱེ་བས་རབ་ཏུ་ཕྱེ་བ་ཡང་མ་ཡིན་ནོ། །དྲན་པ་ཉེ་བར་གཞག་པ་འབྱུང་བ་ནི་སངས་རྒྱས་འབྱུང་བ་མ་ཡིན་ནོ། །
D156.058.0235b06.01སངས་རྒྱས་འབྱུང་བ་ནི་དྲན་པ་མེད་ཅིང་ཡིད་ལ་བྱེད་པ་མེད་པས་རབ་ཏུ་ཕྱེ་བ་ཡང་མ་ཡིན་ནོ། །དེ་བཞིན་དུ་བསྡུས་ཏེ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ནས་ལམ་གྱི་བར་དུ་འབྱུང་བ་ནི་སངས་རྒྱས་འབྱུང་བ་མ་ཡིན་ནོ། །སངས་རྒྱས་འབྱུང་བ་ནི་
D156.058.0235b07.01