完整藏文原文 · 德格版页 当前仅加载第 58 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱང་ཆུབ་པར་བགྱི་བའི་སླད་དུ་གོ་ཆ་འཚལ་བ་དེ་དག་ཤིན་ཏུ་ཡོངས་སུ་བསྲུང་བར་བགྱིས་ཏེ། སྐྱེས་བུ་དམ་པ་དེ་དག་ཤིན་ཏུ་ཡོངས་སུ་བཟུང་ན་ཐེག་པ་ཆེན་པོ་འདིར་ངེས་པར་འབྱུང་བར་འགྱུར་རོ། །དེ་དག་བྱུང་བར་གྱུར་ན་ཆོས་ཀྱི་འཁོར་ལོ་
D156.058.0240a01.01སྐོར་བར་འགྱུར་ཏེ། དམ་པའི་ཆོས་ཡོངས་སུ་འབར་བར་འགྱུར་རོ། །བཅོམ་ལྡན་འདས་དེ་ལྟ་བས་ན་གང་འདི་ཆོས་སྨྲ་བ་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ཡོངས་སུ་འཛིན་པ་དང་། སྲུང་བ་དང་། སྐྱོབ་པ་དང་། སྦེད་པ་དང་། རིམ་གྲོ་བགྱིད་
D156.058.0240a02.01པ་དང་། བླ་མའི་ཡོངས་སུ་སྤྱད་པ་བགྱིད་པ་དེ་ནི་དམ་པའི་ཆོས་ཡང་དག་ཕུལ་ཡོངས་སུ་འཛིན་པ་ལགས་སོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་མ་དྲོས་པའི་བུ་མྱ་ངན་མེད་པ་ལ་ལེགས་སོ་ཞེས་བྱ་བ་གནང་སྟེ། མྱ་ངན་མེད་པ་ལེགས་སོ་ལེགས་
D156.058.0240a03.01སོ། །གང་འདི་ཆོས་སྨྲ་བ་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ཡོངས་སུ་འཛིན་པ་དང་། ཀུན་ཏུ་སྲུང་བ་འདི་ནི་དམ་པའི་ཆོས་ཡོངས་སུ་འཛིན་པ་ཡིན་ནོ། །ཆོས་སྨྲ་བ་ཡོངས་སུ་བཟུང་བས་དམ་པའི་ཆོས་ཡོངས་སུ་བཟུང་བ་ཡིན་ཀྱི། འོན་ཀྱང་
D156.058.0240a04.01མྱ་ངན་མེད་པ་དམ་པའི་ཆོས་ཡོངས་སུ་འཛིན་པ་བཅུ་སྟེ། བཅུ་གང་ཞེ་ན། ཁེངས་པ་མེད་པ་དང་། ལྷག་པའི་ང་རྒྱལ་མེད་པ་དང་། གཡོ་བ་མེད་པ་དང་། ཆོས་དོན་དུ་གཉེར་བ་དང་། ཆོས་འདོད་པ་དང་། ཆོས་ཡོངས་སུ་ཚོལ་བ་དང་། ཆོས་ལ་སོ་
D156.058.0240a05.01སོར་རྟོག་པ་དང་། ཆོས་སྟོན་པ་དང་། ཆོས་ལ་ནན་ཏན་བྱེད་པ་དང་། ཆོས་སྒྲུབ་པར་གནས་ཤིང་མོས་ལ་རྣམ་པར་གྲོལ་བ་སྟེ། བཅུ་པོ་དེ་དག་ནི་དམ་པའི་ཆོས་ཡོངས་སུ་འཛིན་པའོ། །གཞན་ཡང་དམ་པའི་ཆོས་ཡོངས་སུ་འཛིན་པ་བཅུ་སྟེ། བཅུ་གང་ཞེ་
D156.058.0240a06.01ན། མྱ་ངན་མེད་པ་འདི་ལ་རིགས་ཀྱི་བུའམ། རིགས་ཀྱི་བུ་མོས་ཆོས་སྨྲ་བ་ཞིག་ཡོད་པར་ཐོས་ན་ཕྱོགས་དེར་ཕྱག་འཚལ་བ་དང་། མཐོང་བར་དགའ་བ་དང་། འོངས་ནས་མགུ་བར་བྱེད་པ་དང་། སྟན་འདིང་ཞིང་གོས་དང་ཟས་སྦྱོར་བ་དང་། ཀུན་ཏུ་སྲུང་བར་བྱེད་
D156.058.0240a07.01