完整藏文原文 · 德格版页 当前仅加载第 58 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོམ་པ་འདི་མཉན་ཏེ་ཐོས་ནས་མི་དངང་ཞིང་ཁོང་དུ་ཆུད་པར་བྱེད་ལ་འཛིན་པ་དེ་དག་ནི་དེ་བཞིན་གཤེགས་པའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཛིན་པར་འགྱུར་རོ། །དེ་དག་ནི་དེ་བཞིན་གཤེགས་པས་བསྐོར་བའི་ཆོས་ཀྱི་འཁོར་ལོ་རྗེས་སུ་སྐོར་བར་འགྱུར་རོ། །
D156.058.0218b01.01དེ་དག་ནི་དེ་བཞིན་གཤེགས་པའི་དམ་པའི་ཆོས་དཀོན་མཆོག་རྗེས་སུ་སྲུང་བར་འགྱུར་རོ། །དེ་དག་ནི་སེང་གེའི་ཁྲི་ལ་འདུག་ཅིང་ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ད་ལྟར་བསྒྲགས་པ་དེ་བཞིན་དུ་སེང་གེའི་སྒྲ་སྒྲོགས་པར་
D156.058.0218b02.01འགྱུར་རོ། །དེ་དག་ནི་བདུད་ཀྱི་དཀྱིལ་འཁོར་ཕམ་པར་བྱེད་པར་འགྱུར་རོ། །དེ་དག་ནི་ཕ་རོལ་རྒོལ་བ་ཐམས་ཅད་ཚར་ཆོད་པར་འགྱུར་རོ། །དེ་དག་ནི་ཆོས་ཀྱི་ཏོག་སྒྲེང་བར་འགྱུར་རོ། །དེ་དག་ནི་ཆོས་ཀྱི་སྒྲོན་མེ་འབར་བར་བྱེད་པར་འགྱུར་རོ། །དེ་དག་ནི་ཆོས་ཀྱི་
D156.058.0218b03.01དུང་རབ་ཏུ་འབུད་པར་འགྱུར་རོ། །དེ་དག་ནི་ཆོས་ཀྱི་རྔ་རྡུང་བར་འགྱུར་རོ། །དེ་དག་ནི་ཆོས་ཀྱི་ཆར་འབེབས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཀླུ་དེ་དག་དང་། འཁོར་བཞི་པོ་དེ་དག་གིས་ལེགས་པར་སྨྲས་པ་ལ་རྗེས་སུ་ཡི་རང་བ་མཛད་ནས། ཀླུའི་རྒྱལ་པོ་
D156.058.0218b04.01མ་དྲོས་པ་ལ་ཚིགས་སུ་བཅད་དེ་བཀའ་སྩལ་པ། དངོས་པོར་འདུ་ཤེས་གང་གིས་ཀྱང་། །ལམ་བསྒོམ་ནུས་པ་མ་ཡིན་ཏེ། །ལམ་འདི་ལ་ནི་འདི་ལྟ་བུར། །དངོས་པོར་འདུ་ཤེས་ཡོད་མ་ཡིན། །དངོས་པོ་དངོས་པོར་བྱེད་པས་མིན། །དངོས་མེད་དངོས་པོ་མེད་
D156.058.0218b05.01བྱེད་པས། །ནམ་མཁའ་རྣམ་དག་གང་འདྲ་བའི། །ལམ་བསྒོམ་ནུས་པ་མ་ཡིན་ནོ། །གང་ཞིག་ལམ་ནི་དངོས་བྱེད་མིན། །དངོས་མེད་དངོས་པོ་མེད་བྱེད་མིན། །དངོས་དང་དངོས་མེད་བྲལ་བ་དེ། །མཆོག་གི་ལམ་ནི་སྒོམ་པའོ། །བདག་ཏུ་ལམ་སྒོམ་མ་ཡིན་
D156.058.0218b06.01ལ། །བདག་མེད་སྒོམ་པས་མ་ཡིན་ཏེ། །འདི་ལྟར་གཉིས་སུ་མེད་པའི་ལམ། །གྲུབ་ཅིང་བདེ་བ་བླ་ན་མེད། །དེ་བཞིན་སྲོག་དང་གསོ་བ་དང་། །གང་ཟག་ཀྱང་ནི་དེ་བཞིན་ཏེ། །གང་ཟག་མེད་པའི་ལམ་འདི་ནི། །སྲོག་མེད་རབ་ཏུ་གནས་པ་མེད། །སྟོང་པ་
D156.058.0218b07.01