完整藏文原文 · 德格版页 当前仅加载第 58 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་མ་མེད་པ་དང་། སྨོན་པ་མེད་པ་ལ་སྨོན་ལམ་ཤིན་ཏུ་བཏབ་པ། སྒྱུ་མ་དང་། རྨི་ལམ་དང་། མིག་ཡོར་དང་། བྲག་ཅ་དང་། སྨིག་རྒྱུ་དང་། ཆུ་ཟླ་ལྟ་བུའི་ཆོས་ཀྱི་ཚུལ་ལ་ཤིན་ཏུ་ཞུགས་པ། སངས་རྒྱས་དང་ཆོས་དང་དགེ་འདུན་གྱི་གདུང་རིགས་འཛིན་པ། ཆོས་
D156.058.0207a01.01ཀྱི་འཁོར་ལོ་རབ་ཏུ་སྐོར་བ་དགའ་བ་དང་མཆོག་ཏུ་དགའ་བ་དང་དང་བ་རབ་ཏུ་ཐོབ་པ་ཨུ་དུམ་བཱ་རའི་མེ་ཏོག་ལྟར་འབྱུང་བར་ཤིན་ཏུ་དཀའ་བ། རྩེ་གཅིག་ཏུ་བགྱིད་པ་ཡིད་ལ་བགྱིད་པ་མ་འདྲེས་པ་རྣམ་པའི་མཆོག་ཐམས་ཅད་དང་ལྡན་པའི་སེམས་ཅན་རྣམས་ཀྱི་ཆེད་དུ་བདག་དེ་བཞིན་གཤེགས་
D156.058.0207a02.01པ་ལ་ཡོངས་སུ་ཞུ་བར་འཚལ་ལོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བས་ཀྱང་ཁྱད་པར་དུ་འཕགས་པའི་ཆོས་ལ་རབ་ཏུ་ཞུགས་པ་རྣམས་དང་། སེམས་ཅན་རྣམས་ཀྱི་ཆེད་དུ་བདག་དེ་བཞིན་གཤེགས་པ་ལ་ཡོངས་སུ་ཞུ་བར་འཚལ་ན། བཅོམ་ལྡན་
D156.058.0207a03.01འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཆོས་ཀྱིས་རྣམ་པར་རྩེན་པ། རྡོ་རྗེ་ལྟ་བུའི་ཡོན་ཏན་ལ་འཇུག་པ། སྤྱོད་པ་ཟབ་མོ་དང་གཟུངས་ཀྱི་སྒོའི་དཀྱིལ་འཁོར་ལ་འཇུག་པ་བཤད་དུ་གསོལ། ཉན་ཐོས་གདུལ་བའི་སླད་དུ་བདེན་པ་བཞི་རྣམ་པར་གདོན་མི་འཚལ་
D156.058.0207a04.01བ་ལ་འཇུག་པ། ཤེས་པའི་སྒོ་ལ་འཇུག་པ། རང་སངས་རྒྱས་གདུལ་བའི་སླད་དུ་བརྟེན་པའི་ཆོས་ལ་འཇུག་པ། ཤེས་པའི་སྒོ་ལ་འཇུག་པ། ཐེག་པ་ཆེན་པོ་པ་གདུལ་བའི་སླད་དུ་ཆོས་ཐམས་ཅད་ལ་འཇུག་པ་ཤེས་པའི་སྒོ་ལ་འཇུག་པ། བདུད་ཀྱི་ཕྱོགས་ཚར་གཅོད་པ། ལྟ་བར་གྱུར་པ་
D156.058.0207a05.01ཐམས་ཅད་རྣམ་པར་འཇིག་པ་ཉོན་མོངས་པ་ཐམས་ཅད་དང་བྲལ་བ། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་རབ་ཏུ་ཤེས་པ། སོ་སོ་ཡང་དག་པར་རིག་པ་ལ་འཇུག་པ། ཆོས་ཐམས་ཅད་རབ་ཏུ་སྟོན་པ། ཇི་ལྟར་མོས་པ་བཞིན་ཆོས་ལས་རྣམ་པར་གྲོལ་བར་བགྱིད་པ་དེ་བྱང་ཆུབ་སེམས་དཔའ་
D156.058.0207a06.01རྣམས་ལ་ཕན་གདགས་པའི་སླད་དུ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བཤད་དུ་གསོལ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་ང་རྒྱལ་དང་། རྒྱགས་པ་དང་དྲེགས་པ་བཅོམ་པས་ཡེ་ཤེས་ཀྱི་སྟོབས་ཅན་རྣམས་
D156.058.0207a07.01