完整藏文原文 · 德格版页 当前仅加载第 58 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ལེགས་སོ་ཞེས་གསོལ་ཏེ་ཀླུའི་རྒྱལ་པོའི་བུ་དེ་དག་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ། །བཞིན་{བཟངས་,བཟང་}དག་དད་པ་འབྱུང་བ་ནི་བྱང་ཆུབ་སེམས་དཔའི་སངས་རྒྱས་
D156.058.0234a01.01འབྱུང་བའོ། །དད་པ་དད་པ་ཞེས་བྱ་བ་དེ་གང་ཞེ་ན། འཇིག་རྟེན་པ་དང་འཇིག་རྟེན་ལས་འདས་པའོ། །དེ་ལ་འཇིག་རྟེན་པའི་དད་པ་གང་ཞེ་ན། དད་པ་གང་གིས་དགེ་བའི་ཆོས་རྣམས་ཀྱི་སྔོན་དུ་འགྲོ་བ་དང་། ལས་ཀྱི་རྣམ་པར་སྨིན་པ་ལ་རྟོན་པ་དང་།
D156.058.0234a02.01ལས་དང་མི་འགལ་བ་དང་། འཕགས་པ་རྣམས་ལ་སྟེན་པ་དང་། བསྟི་སྟང་དུ་བྱས་ཏེ་དད་པར་གནས་པས་གདུང་བ་མེད་པ་དང་། བསྟི་སྟང་དུ་བྱས་ཏེ་ཆོས་ཉན་པ་དང་། སྒྲིབ་པ་སེལ་བ་དང་། བྱང་ཆུབ་ཀྱི་ཡན་ལག་སྒོམ་པ་དང་། ཆོས་ཡོངས་སུ་
D156.058.0234a03.01ཚོལ་བ་དང་། ལོངས་སྤྱོད་སྦྱིན་ཞིང་བགེད་པ་དང་། ངང་ཚུལ་ངན་པ་ཚུལ་ཁྲིམས་ལ་འགོད་པ་དང་། ཡང་དག་པ་ལ་སྦྱོར་བ་དང་། གཤེ་བ་དང་སྡང་བ་རྣམས་དང་བར་བྱེད་པ་དང་། ཐམས་ཅད་མཁྱེན་པའི་སེམས་ལས་མི་འགོང་བ་དང་། སངས་རྒྱས་
D156.058.0234a04.01ལ་དད་པ་མི་ཕྱེད་པ་དང་། ཆོས་ལ་དད་ཅིང་མི་སྤོང་བ་དང་། དགེ་འདུན་ལ་ཡང་དག་པར་དད་པ་དང་། ང་རྒྱལ་ལས་ཀྱང་ང་རྒྱལ་རྣམ་པར་སྤངས་ནས་སེམས་མཚུངས་པ་དང་། ཡུལ་ལ་ཡེ་ཤེས་ཆགས་པ་མེད་པ་དང་། ལུས་དང་སྲོག་གི་ཕྱིར་ཡང་སྡིག་པའི་
D156.058.0234a05.01ལས་མི་སྤྱོད་པ་དང་། ཇི་སྐད་སྨྲས་པ་དེ་བཞིན་བྱེད་པ་དང་། བདུད་ཀྱི་ཡུལ་ལས་ཤིན་ཏུ་འདས་པ་དང་། འཕགས་པས་གནང་བའི་ལུས་དང་། ངག་དང་། ཡིད་ཀྱི་ལས་ཁ་ན་མ་ཐོ་བ་མེད་པ་དང་། ཆོག་ཤེས་པས་འཚོ་བ་རྣམ་པར་དག་པ་དང་། ཤེས་
D156.058.0234a06.01པས་ཡང་དག་པར་འཇུག་པས་ཤེས་རབ་ཀྱི་ཕུང་པོའི་རྩ་བ་ཡོངས་སུ་ཚོལ་བ་དང་། ནོར་བདུན་ཡང་དག་པར་འདུ་བ་དང་། སྟོབས་ཀྱི་སྔོན་དུ་དབང་པོ་འགྲོ་བ་དང་། ལོག་པར་ལྟ་བ་ལ་ཁ་ན་མ་ཐོ་བར་འདུ་ཤེས་པ་དང་། ཡང་དག་པར་ལྟ་བ་ལ་ཡང་དག་
D156.058.0234a07.01