完整藏文原文 · 德格版页 当前仅加载第 58 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ལོག་པར་མི་ལྟུང་བའི་ཆོས་ཏེ་ཕྱིར་མི་ལྡོག་པ་ཞེས་བྱའོ། །ཀླུའི་བདག་པོ་ཉན་ཐོས་ཀྱི་སྐྱོན་མེད་པ་ལ་འཇུག་པ་ནི་མི་འདའ་བ་སྟེ། གདོན་མི་ཟ་བར་འབྲས་བུ་ཐོབ་པར་བྱེད་པའོ། །བྱང་ཆུབ་སེམས་དཔའི་སྐྱོན་མེད་པ་ལ་འཇུག་པ་ནི་འདའ་བ་སྟེ། ཉན་ཐོས་ཀྱི་
D156.058.0248b01.01འབྲས་བུ་ཐོབ་པར་མི་བྱེད་ཀྱི་བྱང་ཆུབ་ཀྱི་སྙིང་པོའི་འབྲས་བུ་དང་ཉེ་བར་བྱེད་པའོ། །དེའི་ཕྱིར་ཉན་ཐོས་ཀྱི་སྐྱོན་མེད་པ་ནི་ཚད་དུ་བྱ་བའོ། །བྱང་ཆུབ་སེམས་དཔའི་ནི་ཚད་དུ་བྱ་བ་མ་ཡིན་པའོ། །ཀླུའི་བདག་པོ་འདི་ལྟ་སྟེ། དཔེར་ན་སྐྱེས་བུ་གཉིས་ཤིག་གཡང་ས་ཆེན་
D156.058.0248b02.01པོར་ལྟུང་བ་ལས་དེ་ལ་སྐྱེས་བུ་གཅིག་ནི་འདི་འདྲ་བའི་སྟོབས་དང་། བརྩོན་འགྲུས་དང་། བརྟུལ་བ་དང་། ཐབས་དང་། སྔོན་གྱི་སྦྱོར་བ་དང་། རིགས་པ་དང་ལྡན་པར་གྱུར་པ་ཞིག་པས་ལྟུང་ཡང་བརྩོན་འགྲུས་ཆེན་པོའི་སྟོབས་ཀྱིས་གཡང་ས་ཆེན་པོ་དེ་ནས་དྲངས་
D156.058.0248b03.01ནས་སླར་གཡང་ས་ཆེན་པོ་དེའི་ཁར་ཕྱིན་ཏེ་གནས་སོ། །ཅིག་ཤོས་ནི་སྟོབས་བསྐྱེད་པ་ཆུང་ལ་ཐབས་ལ་མི་མཁས་པས་ལྟུང་བ་དེ་བཞིན་དུ། ཀླུའི་བདག་པོ་བྱང་ཆུབ་སེམས་དཔའ་ཡང་ཤེས་རབ་ཀྱི་སྟོབས་བསྐྱེད་པས་ཆོས་ཐམས་ཅད་སྟོང་པ་ཉིད་དང་། མཚན་མ་
D156.058.0248b04.01མེད་པ་དང་། སྨོན་པ་མེད་པ་དང་། མངོན་པར་འདུ་བྱེད་པ་མེད་པར་རྣམ་པར་ལྟ་ཞིང་ཉེ་བར་རྟོག་ལ་སེམས་ཅན་ཐམས་ཅད་ལ་དམིགས་པའི་སྙིང་རྗེ་ཆེན་པོས་ཡང་དག་པར་བཏང་བའི་ཐབས་ལ་མཁས་པས་ཡང་ཐམས་ཅད་མཁྱེན་པའི་སེམས་ལ་གནས་སོ། །ཉན་
D156.058.0248b05.01ཐོས་ཀྱི་ཐེག་པ་ཅན་ནི་ཆོས་ལ་སོ་སོར་བརྟགས་ནས་འབྲས་བུ་མངོན་དུ་བྱེད་དོ། །ཀླུའི་བདག་པོ་གཡང་ས་ཆེན་པོ་ཞེས་བྱ་བ་དེ་ནི་འདུས་མ་བྱས་ཀྱི་ཆོས་ཀྱི་ཚིག་{བླ་དགས་,བླ་དྭགས་}སོ། །བརྩོན་འགྲུས་ཀྱི་སྟོབས་དང་ལྡན་པའི་སྐྱེས་བུ་ཞེས་བྱ་བ་དེ་ནི་བྱང་ཆུབ་སེམས་དཔའི་ཚིག་{བླ་དགས་,བླ་དྭགས་}
D156.058.0248b06.01སོ། །གཡང་དུ་ལྷུང་ནས་སླར་བཟློག་མ་ནུས་པ་ཞེས་བྱ་བ་དེ་ནི་ཉན་ཐོས་ཀྱི་ཐེག་པ་ཅན་གྱི་ཚིག་{བླ་དགས་,བླ་དྭགས་}སོ། །ཀླུའི་བདག་པོ་གང་དག་སྐྱོན་མེད་པ་འདི་ཐོས་པ་དེ་དག་ནི་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འབྱུང་ཞིང་བྱང་ཆུབ་སེམས་དཔའི་
D156.058.0248b07.01