完整藏文原文 · 德格版页 当前仅加载第 58 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྦྱོར་བ་དང་། རྗེས་སུ་བསྟན་པ་ལ་འཐུན་པར་འཛིན་པ་དང་། གསོ་སླ་ཞིང་དགང་སླ་བ་དང་། དམིགས་པ་མེད་པའི་སེམས་ཀྱིས་བསྟི་སྟང་དུ་བྱས་ཏེ། ཉེ་བར་འགྲོ་བ་དང་། འཁོར་བ་ལ་སྐྱོ་བའི་སེམས་དང་། མྱ་ངན་ལས་འདས་པ་ལ་ཡོན་ཏན་དང་
D156.058.0234b01.01ཕན་ཡོན་དུ་ལྟ་བ་དང་། དམ་པའི་ཆོས་ཡོངས་སུ་ཚོལ་བ་ལ་བརྩོན་པ་དང་། དེ་བཞིན་གཤེགས་པའི་བསྟན་པ་ལ་ཁྱིམ་ནས་འབྱུང་བའི་སེམས་དང་། ཚངས་པར་སྤྱོད་པར་གནས་པ་ལ་ཆོག་མི་ཤེས་པ་དང་། ཕ་རོལ་རྗེས་སུ་བཟུང་བར་བྱེད་པས་ངེས་པར་
D156.058.0234b02.01སྦྱིན་པ་དང་། བྱས་པ་གཟོ་བ་དང་། བྱས་པ་ཤེས་པ་དང་། བྱས་པ་ལ་རེ་བ་མེད་པ་དང་། བདག་གི་འཐོབ་པས་རློམ་སེམས་སུ་མི་བྱེད་པ་དང་། ཕ་རོལ་གྱི་འཐོབ་པ་ལ་ཕྲག་དོག་མེད་པ་དང་། བཟོད་པ་དང་། དེས་པ་དང་། ཁ་ན་མ་ཐོ་བ་ལ་
D156.058.0234b03.01ཉེས་པར་ལྟ་བ་དང་། ལྟུང་བ་བྱུང་བ་ལ་མི་གླེང་བ་དང་། དབང་པོའི་སྒོ་སྲུང་བ་དང་། མལ་ཆ་སྤོང་ཞིང་གཏོང་བ་དང་། དགོན་པ་ལ་ཕྱོགས་པ་ཡིད་ལ་བྱེད་པ་དང་མ་བྲལ་བས་རྟག་པར་རྒྱུན་དུ་དབེན་པ་ལ་གཞོལ་བ་དང་། ཡང་དག་པར་དགའ་བར་འགྱུར་
D156.058.0234b04.01བའི་ཆོས་རྣམས་ལ་འཛིན་པ་མེད་པའི་སེམས་དང་། རྩོད་པ་མེད་པ་དང་། ང་རྒྱལ་ལས་ཀྱང་ང་རྒྱལ་རྣམ་པར་སྤོང་བ་དང་། བདག་གི་ཉེས་པ་ལ་ལྟ་བ་དང་། ཕ་རོལ་གྱི་ཉེས་པ་བཟོད་པར་བྱེད་པ་དང་། ཚུལ་ཁྲིམས་ཀྱི་ཚོགས་ཡོངས་སུ་ཚོལ་བ་དང་།
D156.058.0234b05.01ཏིང་ངེ་འཛིན་གྱི་ཚོགས་སྒྲུབ་པ་དང་། ལམ་གྱི་ཚོགས་ལ་བརྩོན་པ་འདི་ནི་བཞིན་{བཟངས་,བཟང་}དག་འཇིག་རྟེན་པའི་དད་པ་ཞེས་བྱ་སྟེ། བཞིན་{བཟངས་,བཟང་}དག་གང་འཇིག་རྟེན་པའི་དད་པ་འབྱུང་བ་ནི་སངས་རྒྱས་འབྱུང་བ་ཞེས་བྱའོ། །དེ་ལ་འཇིག་རྟེན་ལས་འདས་པའི་དད་
D156.058.0234b06.01པ་གང་ཞེ་ན། དད་པ་གང་གིས་ཆོས་ཐམས་ཅད་སྟོང་པར་ཡིད་ཆེས་པ་དང་། ལྟ་བར་སོང་བ་ཐམས་ཅད་དང་། བྲལ་བ་དང་། ཆོས་ཐམས་ཅད་མཚན་མ་མེད་པ་དང་། སྨོན་པ་མེད་པར་ཡིད་ཆེས་པ་དང་། ཆོས་ཐམས་ཅད་མངོན་པར་འདུས་མ་བྱས་པ་སྟེ།
D156.058.0234b07.01