完整藏文原文 · 德格版页 当前仅加载第 58 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་སྦྱོར་བ་ལ་སྦྱོར་བ་མ་ཡིན་པ་དང་། སྦྱོར་བ་མ་ཡིན་པ་ལ་སྦྱོར་བར་མཐོང་བ་དེ་ཡང་བྱང་ཆུབ་སེམས་དཔའི་ཚུལ་བཞིན་ལ་སྦྱོར་བའོ། །དེ་ནས་ཚེ་དང་ལྡན་པ་རབ་འབྱོར་གྱིས་ཀླུའི་རྒྱལ་པོའི་བུ་རྣམ་པར་འཕྲུལ་པ་ལ་འདི་སྐད་ཅེས་སྨྲས་སོ། །རིགས་
D156.058.0250a01.01ཀྱི་བུ་བྱང་ཆུབ་སེམས་དཔའི་སྦྱོར་བ་ལ་སྦྱོར་བ་མ་ཡིན་པ་དང་། སྦྱོར་བ་མ་ཡིན་པ་ལ་སྦྱོར་བར་མཐོང་བ་ཇི་ལྟ་བུ། སྨྲས་པ། བཙུན་པ་རབ་འབྱོར་ཆོས་ཀྱི་དབྱིངས་གཉིས་སུ་མེད་པའི་ཚུལ་གྱིས་གང་མིག་དང་། གཟུགས་ནས་ཡིད་དང་ཆོས་ཀྱི་བར་དེ་དག་ནི་སྦྱོར་བ་
D156.058.0250a02.01མ་ཡིན་པར་བལྟའོ། །སྦྱོར་བ་མ་ཡིན་པ་ཞེས་བྱ་བ་ནི་ཁམས་གསུམ་དུ་ཉིང་མཚམས་མི་སྦྱོར་བ་སྟེ། དེ་ལ་བྱང་ཆུབ་སེམས་དཔའ་ཐབས་ཀྱིས་ཉིང་མཚམས་སྦྱོར་བ་དེ་ནི་སྦྱོར་བ་ཞེས་བྱའོ། །བཙུན་པ་རབ་འབྱོར་དེ་ལྟར་རབ་ཏུ་བརྩོན་པའི་བྱང་ཆུབ་སེམས་དཔའ་ནི་ཚུལ་
D156.058.0250a03.01བཞིན་ལ་རབ་ཏུ་བརྩོན་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོའི་བུ་དེ་ལ་ལེགས་སོ་ཞེས་བྱ་བ་གནང་སྟེ། སྐྱེས་བུ་དམ་པ་ཁྱོད་ཀྱིས་ཇི་ལྟར་སངས་རྒྱས་ཀྱི་མཐུས་བྱང་ཆུབ་སེམས་དཔའི་ཚུལ་བཞིན་ལ་སྦྱོར་བ་འདི་དེ་ལྟར་བསྟན་པ་ནི་ལེགས་སོ་ལེགས་
D156.058.0250a04.01སོ། །བྱང་ཆུབ་སེམས་དཔའ་གང་དག་ཐེག་པ་ཆེན་པོ་འདི་ལ་ཚུལ་བཞིན་དེ་ལྟ་བུ་ལ་རབ་ཏུ་བརྩོན་པ་དེ་དག་ནི་ཐམས་ཅད་མཁྱེན་པ་ཉིད་དུ་ངེས་པ་ཡིན་པར་བལྟའོ། །དེ་ནས་བཅོམ་ལྡན་འདས་ལ་ཀླུའི་རྒྱལ་པོའི་བུ་རྣམ་པར་འཕྲུལ་པས་འདི་སྐད་ཅེས་གསོལ་ཏོ། །
D156.058.0250a05.01བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཟང་ཟིང་མ་མཆིས་པའི་སེམས་ཀྱིས་སངས་རྒྱས་དང་། ཆོས་དང་། དགེ་འདུན་ལ་སྐྱབས་སུ་མཆིས་པ་ལགས། བཀའ་སྩལ་པ། རིགས་ཀྱི་བུ་གང་གི་ཕྱིར་བྱང་ཆུབ་སེམས་དཔས་ཆོས་
D156.058.0250a06.01ཐམས་ཅད་བདག་མེད་པ་དང་། སེམས་ཅན་མེད་པ་དང་། སྲོག་མེད་པ་དང་། གང་ཟག་མེད་པར་ཤེས་ནས་གཟུགས་སུ་མ་ཡིན། མཚན་དུ་མ་ཡིན། ཆོས་སུ་མ་ཡིན་པར་དེ་བཞིན་གཤེགས་པ་ཡང་དག་པར་རྗེས་སུ་མཐོང་བ་དེ་ལྟ་བུ་ནི་ཟང་ཟིང་མེད་པའི་སེམས་
D156.058.0250a07.01