完整藏文原文 · 德格版页 当前仅加载第 57 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དཔྱོད་པ་ནི་ཤེས་རབ་ཀྱི་རྩ་བའོ། །གང་དཔྱད་པ་གཞན་དག་ལ་ཉེ་བར་སྟོན་པ་འདི་ནི་ཤེས་རབ་ཀྱི་ལས་སོ། །ཚུལ་བཞིན་སོ་སོར་རྟོག་པ་ནི་ཤེས་རབ་ཀྱི་རྩ་བའོ། །སེམས་ཅན་རྣམས་ཚུལ་བཞིན་ལ་རབ་ཏུ་དགོད་པ་འདི་ནི་ཤེས་རབ་ཀྱི་ལས་སོ། །
D147.057.0234a01.01ཡང་དག་པར་སྦྱོར་བ་ནི་ཤེས་རབ་ཀྱི་རྩ་བའོ། །ཡང་དག་པར་སྒྲུབ་པ་ནི་ཤེས་རབ་ཀྱི་ལས་སོ། །སེམས་ལ་ངེས་པར་སེམས་པ་ནི་ཤེས་རབ་ཀྱི་རྩ་བའོ། །སེམས་ལ་ངེས་པར་སེམས་པ་ཡང་དག་པར་སྟོན་པ་ནི་ཤེས་རབ་ཀྱི་ལས་སོ། །རབ་ཏུ་དབེན་པར་གནས་པ་ནི་ཤེས་
D147.057.0234a02.01རབ་ཀྱི་རྩ་བའོ། །ལུས་དང་སེམས་དབེན་པར་ཤེས་པ་ནི་ཤེས་རབ་ཀྱི་ལས་སོ། །གཅིག་པུར་དགའ་བ་ནི་ཤེས་རབ་ཀྱི་རྩ་བའོ། །གཅིག་པུར་བགྲོད་པའི་ལམ་སྒྲུབ་པ་ནི་ཤེས་རབ་ཀྱི་ལས་སོ། །ཞི་གནས་དང་ལྷག་མཐོང་སྒོམ་པ་ནི་ཤེས་རབ་ཀྱི་རྩ་བའོ། །རིག་
D147.057.0234a03.01པ་དང་རྣམ་པར་གྲོལ་བ་འཐོབ་པ་ནི་ཤེས་རབ་ཀྱི་ལས་སོ། །རྣམ་པར་ཐར་པ་གསུམ་སྒོམ་པ་ནི་ཤེས་རབ་ཀྱི་རྩ་བའོ། །རིག་པ་གསུམ་མངོན་སུམ་དུ་བྱེད་པ་ནི་ཤེས་རབ་ཀྱི་ལས་སོ། །དྲན་པ་ཉེ་བར་གཞག་པ་སྒོམ་པ་ནི་ཤེས་རབ་ཀྱི་རྩ་བའོ། །དྲན་པ་མེད་ཅིང་ཡིད་ལ་
D147.057.0234a04.01བྱེད་པ་མེད་པ་ནི་ཤེས་རབ་ཀྱི་ལས་སོ། །ཡང་དག་པར་སྤོང་བ་སྒོམ་པ་ནི་ཤེས་རབ་ཀྱི་རྩ་བའོ། །ཆོས་ཐམས་ཅད་རང་བཞིན་གྱིས་སྤངས་པར་རབ་ཏུ་ཤེས་པ་ནི་ཤེས་རབ་ཀྱི་ལས་སོ། །རྫུ་འཕྲུལ་གྱི་རྐང་པ་སྒོམ་པ་ནི་ཤེས་རབ་ཀྱི་རྩ་བའོ། །མངོན་པར་འདུ་བྱ་བ་མེད་པ་
D147.057.0234a05.01རྫུ་འཕྲུལ་ཐོབ་པ་ནི་ཤེས་རབ་ཀྱི་ལས་སོ། །དད་པས་མོས་ཏེ་ཡིད་ཆེས་པ་ནི་ཤེས་རབ་ཀྱི་རྩ་བའོ། །ཆགས་པ་ཐམས་ཅད་ལས་ཡང་དག་པར་འདའ་བ་ནི་ཤེས་རབ་ཀྱི་ལས་སོ། །སེམས་མི་འཇུམ་པ་ནི་ཤེས་རབ་ཀྱི་རྩ་བའོ། །ལུས་དང་སེམས་ཤིན་ཏུ་སྦྱངས་པ་ནི་ཤེས་རབ་
D147.057.0234a06.01ཀྱི་ལས་སོ། །དྲན་པ་དང་ཤེས་བཞིན་ནི་ཤེས་རབ་ཀྱི་རྩ་བའོ། །དྲན་པར་བྱ་བ་རྗེས་སུ་དྲན་པ་ནི་ཤེས་རབ་ཀྱི་ལས་སོ། །ཏིང་ངེ་འཛིན་རིམ་གྱིས་རྗེས་སུ་རྟོགས་པར་བྱེད་པ་ནི་ཤེས་རབ་ཀྱི་རྩ་བའོ། །རྟག་ཏུ་མཉམ་པར་བཞག་པར་གནས་པ་འཐོབ་པ་ནི་ཤེས་རབ་ཀྱི་
D147.057.0234a07.01