完整藏文原文 · 德格版页 当前仅加载第 57 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་བསྟོད་དོ། །ཀུན་དུ་སྣང་བ་ཀུན་ནས་འོད་ཟེར་ཅན། །དོན་རྣམས་མ་ལུས་སྟོན་པ་ཀུན་ནས་སྤྱན། །རང་བྱུང་ཆོས་ཀྱི་ངོ་བོ་ཉིད་ལ་མཁས། །བསམ་གྱིས་མི་ཁྱབ་ཡོན་ཏན་ཀུན་དང་ལྡན། །སྐྱེས་བུ་ཁྱུ་མཆོག་གིས་ནི་འོད་ཟེར་ཕྱུང་། །ཞལ་
D147.057.0158a01.01ཡང་རྣམ་པར་སྦྱོང་ཞིང་འོད་མཛད་པ། །འདྲེན་པ་དེ་ནི་བདག་གི་ལུས་ལ་ཡང་། །ལན་བརྒྱར་བསྐོར་བ་བགྱིས་ནས་སྤྱི་བོར་ཞི། །མི་ཡི་འདྲེན་པའི་འོད་ཀྱིས་རེག་པས་ན། །གང་དག་བདག་གིས་སྔོན་ཐོབ་དྲན་པ་དང་། །བློ་གྲོས་སྤོབས་པ་སྣང་བ་དེ་བཞིན་གཟུངས། །རྣམ་
D147.057.0158a02.01པ་སྟོང་དུ་ཁྱད་པར་འཕགས་པར་གྱུར། །བདག་ལུས་རབ་སིམ་སེམས་ནི་རྣམ་པར་དག །བདག་གི་བློ་གྲོས་དགའ་མགུ་མཉམ་པར་གྱུར། །གཞན་ཡང་སངས་རྒྱས་མཁྱེན་པ་མཐའ་ཡས་དང་། །སྤོབས་པ་བདག་གི་ལུས་ལ་རབ་ཏུ་ཞུགས། །སངས་རྒྱས་མཐུ་ཆེན་བསྙེན་
D147.057.0158a03.01པར་དཀའ་བ་ལ། །ཉམ་ཆུང་དག་གིས་མཉེས་པར་བགྱིད་མི་ནུས། །སངས་རྒྱས་གནང་ནས་འགྲོ་ཀུན་ཕན་སླད་དུ། །སངས་རྒྱས་ལ་ནི་ཞུ་བ་ཞུ་བར་འཚལ། །རྫོགས་པའི་བྱང་ཆུབ་སེམས་དཔའི་སྤྱོད་འཇུག་དང་། །འཇིག་རྟེན་རྣམ་འདྲེན་དག་གི་འབྱུང་བ་དང་། །སྣང་
D147.057.0158a04.01དང་ངེས་འབྱུང་རྣམ་པར་སྤྲུལ་པ་དང་། །དབང་བསྐུར་ཡེ་ཤེས་ཡོངས་སུ་ཞུ་བར་འཚལ། །ཐེག་མཆོག་དམ་པ་རྟོགས་པར་ཁོང་ཆུད་ཅིང་། །མཐའ་ཡས་རྒྱ་ཆེ་བ་ཡི་འཁོར་ལྷགས་དང་། །གང་དག་རྒྱ་ཆེན་ཆོས་དོན་གཉེར་བ་དག །དེ་དག་ཕན་སླད་སངས་རྒྱས་ལ་ཡང་
D147.057.0158a05.01ཞུ། །བདུད་ཀྱི་དཀྱིལ་འཁོར་ཤིན་ཏུ་ཚར་གཅད་ཅིང་། །སངས་རྒྱས་བསྟན་པ་འདི་ནི་ཤིན་ཏུ་གཟུང་། །བཅོམ་ལྡན་ཕུང་པོ་མ་མཆིས་དམ་ཆོས་མཛོད། །ལུས་ཅན་རྣམས་ལ་བཤད་པའི་དུས་འདི་ལགས། །སྐྱེས་བུ་ཁྱུ་མཆོག་མཁྱེན་པ་མཐའ་ཡས་པས། །
D147.057.0158a06.01བཅོམ་ལྡན་དེ་ལ་བདག་གི་བློ་མི་ཆུད། །བདེ་གཤེགས་མཁྱེན་པ་ཤེས་པས་མི་དཔོགས་པས། །མཁས་པ་ཡངས་པ་བདག་ནི་ཞུ་བར་འཚལ། །ཇི་ལྟར་བཅོམ་ལྡན་འདས་ཀྱི་མཁྱེན་འཇུག་དང་། །ཇི་ལྟར་ཡུན་རིང་ནས་ནི་བསླབས་པ་དང་། །ཆོས་ཀྱི་དབང་ཕྱུག་
D147.057.0158a07.01