完整藏文原文 · 德格版页 当前仅加载第 57 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུངས་ཀྱི་མཆོག་རྣམས་རབ་ཏུ་ཐོབ་གྱུར་པ། །དེ་ལ་རྒྱགས་པ་མེད་ཅིང་གཡོ་མེད་ང་རྒྱལ་མེད། །དྲན་ལྡན་བློ་གྲོས་ལྡན་ཞིང་བློ་ལྡན་རྟོགས་དང་ལྡན། །ཡེ་ཤེས་མཐའ་ཡས་སྤྱོད་ཡུལ་ནམ་མཁའ་བཞིན་དུ་འགྱུར། །གང་གིས་གཟུངས་ཀྱི་མཆོག་རྣམས་རབ་ཏུ་ཐོབ་གྱུར་པ། །དེ་ཡི་
D147.057.0229b01.01འདུས་བྱས་ཉེས་པ་ཐམས་ཅད་རབ་ཏུ་ཆད། །ཤེས་རབ་ཡེ་ཤེས་ཐབས་དང་ཟུང་དུ་འབྲེལ་བར་འགྱུར། །བྱམས་དང་སྙིང་རྗེ་དག་ཀྱང་ཟུང་དུ་འབྲེལ་བར་འགྱུར། །གང་གིས་གཟུངས་ཀྱི་མཆོག་རྣམས་རབ་ཏུ་ཐོབ་གྱུར་པ། །དེ་ནི་སྨྲ་ཚེ་འཁྲུལ་པ་{ཆུང་ཟད་,ཅུང་ཟད་}མི་དམིགས་ཏེ། །བདག་
D147.057.0229b02.01ཉིད་ཆེ་དེ་སེམས་ཅན་རྣམས་ཀྱི་སྒྲ་སྐད་ཤེས། །སྤྱོད་དང་དབང་པོ་དང་ནི་མོས་པ་ཐམས་ཅད་ཤེས། །གང་གིས་གཟུངས་ཀྱི་མཆོག་རྣམས་རབ་ཏུ་ཐོབ་གྱུར་པ། །དེས་ནི་ཆོས་ལ་ལྷག་མཐོང་དགེ་དང་དྲན་པ་དང་། །རྫུ་འཕྲུལ་དང་ནི་སྤང་དང་དབང་པོ་སྟོབས་ལྔ་དང་། །བྱང་ཆུབ་ཡན་
D147.057.0229b03.01ལག་དེ་བཞིན་ལམ་མཆོག་ཞི་གནས་འཐོབ། །གང་གིས་གཟུངས་ཀྱི་མཆོག་རྣམས་རབ་ཏུ་ཐོབ་གྱུར་པ། །དེ་ནི་བདེ་གཤེགས་རྣམས་ཀྱི་སྤྱོད་ཡུལ་རང་གིས་རྟོགས། །ཕ་རོལ་ཕྱིན་པ་དག་ནི་ཀུན་གྱི་ཕ་རོལ་སོན། །བསྡུ་བའི་དངོས་པོ་ཀུན་ལ་མཁས་ཤིང་བློ་གྲོས་ལྡན། །གང་
D147.057.0229b04.01གིས་གཟུངས་ཀྱི་མཆོག་རྣམས་རབ་ཏུ་ཐོབ་གྱུར་པ། །དེ་ལ་ནམ་ཡང་འཁྲུལ་པ་{ཆུང་ཟད་,ཅུང་ཟད་}མི་དམིགས་ཏེ། །ངེས་པ་དེ་ནི་ཞི་ཞིང་ཉེར་ཞི་མྱོས་པ་མེད། །དེ་ནི་སྤྱོད་ལ་རབ་ཏུ་གནས་གྱུར་ཤིན་ཏུ་དུལ། །གང་གིས་གཟུངས་ཀྱི་མཆོག་རྣམས་རབ་ཏུ་ཐོབ་གྱུར་པ། །དེ་ནི་བདེ་གཤེགས་
D147.057.0229b05.01སྤྱན་སྔར་པད་མའི་སྟེང་ན་འདུག །དེ་ཡི་ལུས་ནི་ཆོས་ཀྱི་རྒྱུས་བྱུང་རྡུལ་དང་བྲལ། །དེ་ཡི་ལུས་ལ་མངལ་གྱི་དྲི་མས་གོས་མི་འགྱུར། །གང་གིས་གཟུངས་ཀྱི་མཆོག་རྣམས་རབ་ཏུ་ཐོབ་གྱུར་པ། །དེ་ནི་རྒྱལ་བ་ཀུན་གྱིས་བྱིན་བརླབས་ཆོས་སྨྲ་སྟེ། །དེ་ནི་ལུས་དང་ངག་ཡིད་ལས་
D147.057.0229b06.01རྣམས་གང་བྱེད་པ། །ཐམས་ཅད་ཤེས་པས་བྱས་ཏེ་སྐྱེ་བོ་ཕན་པར་བྱེད། །གང་གིས་གཟུངས་ཀྱི་མཆོག་རྣམས་རབ་ཏུ་ཐོབ་གྱུར་པ། །དེ་ནི་སྨྲ་ཚེ་བསྔགས་པ་ཟད་པར་མི་འགྱུར་ཏེ། །སེམས་ཅན་ཐམས་ཅད་འདྲེན་པ་ཤེས་རབ་ཆེར་གྱུར་ཀྱང་། །དེ་ཡི་བསྔགས་པ་བསྐལ་པ་
D147.057.0229b07.01