完整藏文原文 · 德格版页 当前仅加载第 57 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
བ་མཐའ་ཡས་པའི་གཟུངས་ཤེས་པའོ། །མཐའ་ཞེས་བྱ་བ་ནི་ལེན་པ་དང་འདོར་བའོ། །འཁྱིལ་བ་ཞེས་བྱ་བ་ནི་མི་ལེན་མི་འདོར་བའོ། །མཐའ་ཞེས་བྱ་བ་ནི་སྐྱེ་བ་དང་འགགས་པའོ། །འཁྱིལ་བ་ཞེས་བྱ་བ་ནི་སྐྱེ་བ་མེད་པ་དང་འགགས་པ་མེད་པའོ། །མཐའ་ཞེས་བྱ་བ་ནི་ཀུན་
D147.057.0224b01.01ནས་ཉོན་མོངས་པ་དང་རྣམ་པར་བྱང་བའོ། །འཁྱིལ་བ་ཞེས་བྱ་བ་ནི་རང་བཞིན་གྱིས་རྣམ་པར་དག་པའོ། །མཐའ་ཞེས་བྱ་བ་ནི་མཚན་མ་དང་སྤྲོས་པའོ། །འཁྱིལ་བ་ཞེས་བྱ་བ་ནི་ཀུན་དུ་འབྱུང་བ་མེད་པའོ། །མཐའ་ཞེས་བྱ་བ་ནི་རྟོག་པ་དང་རྣམ་པར་རྟོག་པའོ། །འཁྱིལ་བ་ཞེས་
D147.057.0224b02.01བྱ་བ་ནི་རྟོག་པ་མེད་པ་དང་། རྣམ་པར་རྟོག་པ་མེད་པའོ། །མཐའ་ཞེས་བྱ་བ་ནི་རྒྱུ་དང་ལྟ་བའོ། །འཁྱིལ་བ་ཞེས་བྱ་བ་ནི་རྒྱུ་དང་ལྟ་བ་ཡོངས་སུ་ཤེས་པའོ། །མཐའ་ཞེས་བྱ་བ་ནི་མིང་དང་གཟུགས་སོ། །འཁྱིལ་བ་ཞེས་བྱ་བ་ནི་རྣམ་པར་རིག་བྱེད་མ་ཡིན་པའོ། །མཐའ་ཞེས་བྱ་བ་ནི་
D147.057.0224b03.01འདུས་བྱས་དང་འདུས་མ་བྱས་པའོ། །འཁྱིལ་བ་ཞེས་བྱ་བ་ནི་འཁོར་གསུམ་ཡོངས་སུ་དག་པའོ། །མཐའ་ཞེས་བྱ་བ་ནི་ནང་དང་ཕྱིའོ། །འཁྱིལ་བ་ཞེས་བྱ་བ་ནི་རྣམ་པར་ཤེས་པ་མི་གནས་པའོ། །མཐའ་ཞེས་བྱ་བ་ནི་ལས་དང་རྣམ་པར་སྨིན་པའོ། །འཁྱིལ་བ་ཞེས་བྱ་བ་ནི་
D147.057.0224b04.01ལས་མེད་པ་དང་རྣམ་པར་སྨིན་པ་མེད་པའོ། །མཐའ་ཞེས་བྱ་བ་ནི་དགེ་བ་དང་མི་དགེ་བའོ། །འཁྱིལ་བ་ཞེས་བྱ་བ་ནི་མངོན་པར་འདུ་བྱེད་པ་མེད་པའོ། །མཐའ་ཞེས་བྱ་བ་ནི་ཁ་ན་མ་ཐོ་བ་དང་བཅས་པ་དང་ཁ་ན་མ་ཐོ་བ་མེད་པའོ། །འཁྱིལ་བ་ཞེས་བྱ་བ་ནི་གཉིས་སུ་མེད་པའོ། །
D147.057.0224b05.01མཐའ་ཞེས་བྱ་བ་ནི་ལས་དང་ཉོན་མོངས་པ་རྣམས་སོ། །འཁྱིལ་བ་ཞེས་བྱ་བ་ནི་རང་བཞིན་གྱིས་འོད་གསལ་བའོ། །མཐའ་ཞེས་བྱ་བ་ནི་བདག་དང་བདག་མེད་པའོ། །འཁྱིལ་བ་ཞེས་བྱ་བ་ནི་ཤིན་ཏུ་རྣམ་པར་དག་པའོ། །མཐའ་ཞེས་བྱ་བ་ནི་འཁོར་བ་དང་མྱ་ངན་ལས་འདས་པའོ། །
D147.057.0224b06.01འཁྱིལ་བ་ཞེས་བྱ་བ་ནི་ཆོས་ཐམས་ཅད་རང་བཞིན་གྱིས་ཡོངས་སུ་མྱ་ངན་ལས་འདས་པའོ། །རིགས་ཀྱི་བུ་དེ་ལྟར་མཐའ་ཡས་པ་བསྟན་པ་ཚད་མེད་དོ། །འཁྱིལ་བ་བསྟན་པ་ཚད་མེད་དོ། །འཁྱིལ་བ་མཐའ་ཡས་པའི་གཟུངས་འདི་ལ་རབ་ཏུ་གནས་པའི་བྱང་ཆུབ་སེམས་དཔའ་ནི་
D147.057.0224b07.01