完整藏文原文 · 德格版页 当前仅加载第 57 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་རང་སངས་རྒྱས་ཉིད་འཐོབ་པར་འགྱུར་བ་དེ་ལ་དེའི་སྣང་བ་དང་། བདེན་པ་བསྒོམ་པ་གང་གིས་བྱང་ཆུབ་སེམས་དཔའི་བཟོད་པ་རབ་ཏུ་འཐོབ་པར་འགྱུར་བ་དེ་ལ་དེའི་སྣང་བ་དང་། བདེན་པ་བསྒོམ་པ་གང་གིས་སངས་རྒྱས་ཀྱི་བྱང་ཆུབ་མངོན་པར་རྫོགས་པར་
D147.057.0169a01.01འཚང་རྒྱ་བར་འགྱུར་བ་དེ་ལ་དེའི་སྣང་བ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་བདེན་པའི་སྣང་བ་ནི་བརྒྱད་པོ་འདི་དག་གོ །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་མངོན་པར་ཤེས་པའི་སྣང་བ་ནི་བརྒྱད་པོ་འདི་དག་སྟེ། བརྒྱད་གང་ཞེ་ན། འདི་ལྟ་སྟེ།
D147.057.0169a02.01ལྷའི་མིག་གིས་གཟུགས་ཐམས་ཅད་ཡང་དག་པར་མཐོང་བའི་ཕྱིར་གསལ་བའི་སྣང་བ་དང་། ལྷའི་རྣ་བས་སྒྲ་ཐམས་ཅད་ཐོས་པའི་ཕྱིར་ངེས་པར་རྟོགས་པའི་སྣང་བ་དང་། སྔོན་གྱི་གནས་བསྐལ་པ་གྲངས་མེད་པ་རྗེས་སུ་དྲན་པའི་ཕྱིར་རྗེས་སུ་དྲན་པའི་སྣང་བ་དང་། སེམས་ཅན་
D147.057.0169a03.01ཐམས་ཅད་ཀྱི་སེམས་ལ་ལྟ་བའི་ཕྱིར་རང་བཞིན་གྱིས་འོད་གསལ་བའི་སྣང་བ་དང་། སངས་རྒྱས་ཀྱི་ཞིང་མཐའ་ཡས་པར་རྫུ་འཕྲུལ་གྱིས་འགྲོ་བའི་ཕྱིར་ནམ་མཁའ་སྒྲིབ་པ་མེད་པའི་སྣང་བ་དང་། ཟག་པ་མེད་པའི་ཤེས་པ་ཡོངས་སུ་རྫོགས་པར་བྱེད་པའི་ཕྱིར་ཤེས་པའི་སྣང་
D147.057.0169a04.01བ་དང་། སེམས་ཅན་ཐམས་ཅད་ཉེ་བར་འཚོ་བའི་ཕྱིར་བསོད་ནམས་ཀྱི་ཚོགས་ཀྱི་སྣང་བ་དང་། སེམས་ཅན་ཐམས་ཅད་ཀྱི་དོགས་པ་གཅོད་པའི་ཕྱིར་ཡེ་ཤེས་ཀྱི་ཚོགས་ཀྱི་སྣང་བ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་མངོན་པར་ཤེས་པའི་སྣང་བ་ནི་བརྒྱད་པོ་
D147.057.0169a05.01འདི་དག་གོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་སྒྲུབ་པའི་སྣང་བ་ནི་དགུ་པོ་འདི་དག་སྟེ། དགུ་གང་ཞེ་ན། འདི་ལྟ་སྟེ། སྒྲུབ་པས་ཡེ་ཤེས་ཀྱི་སྣང་བ་དང་། སྒྲུབ་པས་ཤེས་རབ་ཀྱི་སྣང་བ་དང་། སྒྲུབ་པས་བློའི་སྣང་བ་དང་། སྒྲུབ་པས་ཡང་དག་པའི་ལྟ་བའི་
D147.057.0169a06.01སྣང་བ་དང་། སྒྲུབ་པས་ཞི་གནས་ཀྱི་སྣང་བ་དང་། སྒྲུབ་པས་ལྷག་མཐོང་གི་སྣང་བ་དང་། སྒྲུབ་པས་སེམས་ཅན་གྱི་བསམ་པའི་སྣང་བ་དང་། སྒྲུབ་པས་འཁྲུགས་པ་མེད་པར་སེམས་རྣམ་པར་གྲོལ་བའི་སྣང་བ་དང་། སྒྲུབ་པས་ཤིན་ཏུ་མཐར་ཐུག་པའི་སྣང་བ་སྣང་བ་
D147.057.0169a07.01