完整藏文原文 · 德格版页 当前仅加载第 57 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞེས་བྱ་བ། ཤིན་ཏུ་གནས་པའི་གླིང་བཞི་པ་ན་གནས་པ་འཁོར་དེ་ཉིད་དུ་འདུག་ནས་བྱང་ཆུབ་སེམས་དཔའ་ཆོས་ཐམས་ཅད་རྣམ་པར་འཕྲུལ་པའི་རྒྱལ་པོ་ལ་འདི་སྐད་ཅེས་སྨྲས་སོ། །རིགས་ཀྱི་བུ་སྣོད་གང་གིས་བཀོད་པ་འདི་རྙིངས་པར་གྱུར་གྱི་བར་དུ་འཛིན་པའི་
D147.057.0218a01.01ཁྱོད་ཀྱི་སྣོད་དེ་ཇི་ཙམ་ཞིག །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ཆོས་ཐམས་ཅད་རྣམ་པར་འཕྲུལ་པའི་རྒྱལ་པོས་བདུད་རྣམ་པར་འཕྲུལ་པ་ལ་འདི་སྐད་ཅེས་སྨྲས་སོ། །རིགས་ཀྱི་བུ་སྣོད་ཇི་སྙེད་པ་དེ་དག་ཐམས་ཅད་ནི་འཆགས་པར་འགྱུར་བ། བར་དུ་གཅོད་པ་དང་
D147.057.0218a02.01བཅས་པ་དག་གོ། །ནམ་མཁའ་ནི་མི་ཤིགས་པ། བར་དུ་གཅོད་པ་མེད་པ་སྟེ་སྣོད་དེ་ཐམས་ཅད་ཀྱི་མཆོག་ཡིན་ནོ། །གྲོགས་པོ་མིག་མ་འཛུམས་པར་ངའི་ལུས་ལ་ལྟོས་ཤིག་དང་། སྣོད་ཆེན་པོ་མཐོང་བར་འགྱུར་རོ། །དེ་ནས་བདུད་རྣམ་པར་འཕྲུལ་པས་བྱང་ཆུབ་སེམས་དཔའ་
D147.057.0218a03.01ཆོས་ཐམས་ཅད་རྣམ་པར་འཕྲུལ་པའི་ལུས་ལ་མིག་མི་འཛུམས་པར་བལྟས་པ་དང་། དེས་བྱང་ཆུབ་སེམས་དཔའ་ཆོས་ཐམས་ཅད་རྣམ་པར་འཕྲུལ་པའི་ལུས་ཀྱི་དཀྱིལ་ལྟེ་བའི་དཀྱིལ་འཁོར་ན་ཆུའི་རྒྱལ་པོར་སྣང་བ་ཞེས་བྱ་བའི་འཇིག་རྟེན་གྱི་ཁམས་མཐོང་ངོ་། །ཅིའི་ཕྱིར་
D147.057.0218a04.01ཆུའི་རྒྱལ་པོར་སྣང་བ་ཞེས་བྱ་ཞེ་ན། འཇིག་རྟེན་གྱི་ཁམས་དེ་ཆུས་རབ་ཏུ་གང་སྟེ་རྒྱ་མཚོ་གཅིག་པ་ལྟར་སྣང་ངོ་། །དེ་ན་དེ་བཞིན་གཤེགས་པ་རིན་ཆེན་ཨུད་པ་ལའི་དཔལ་ཞེས་བྱ་བ་བཞུགས་སོ། །འཚོའོ། །གཞེས་སོ། །བྱང་ཆུབ་སེམས་དཔའ་ཉི་ཚེ་ལ་ཆོས་ཀྱང་སྟོན་ཏོ། །ཆུའི་
D147.057.0218a05.01ཕུང་པོ་དེ་ལས་རིན་པོ་ཆེ་བཀོད་པའི་པད་མ་མངོན་པར་འཕགས་ཏེ། དེ་ལ་བཅོམ་ལྡན་འདས་དེ་དང་བྱང་ཆུབ་སེམས་དཔའ་དེ་དག་བཞུགས་སོ། །དེ་ནས་བདུད་རྣམ་པར་འཕྲུལ་པས་ཐལ་མོ་སྦྱར་ཏེ་བྱང་ཆུབ་སེམས་དཔའ་ཆོས་ཐམས་ཅད་རྣམ་པར་འཕྲུལ་པའི་རྒྱལ་པོ་ལ་ཕྱག་
D147.057.0218a06.01འཚལ་ཏོ། །དེ་ནས་བྱང་ཆུབ་སེམས་དཔའ་ཆོས་ཐམས་ཅད་རྣམ་པར་འཕྲུལ་པའི་རྒྱལ་པོས། བདུད་རྣམ་པར་འཕྲུལ་པ་ལ་འདི་སྐད་ཅེས་སྨྲས་སོ། །གྲོགས་པོ་ཁྱོད་ཀྱིས་བྱང་ཆུབ་སེམས་དཔའ་རྣམས་ཀྱི་སྣོད་མཐོང་ངམ། སྨྲས་པ་མཐོང་ངོ་། །སྐྱེས་བུ་དམ་པ་ཁྱོད་
D147.057.0218a07.01