完整藏文原文 · 德格版页 当前仅加载第 57 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
ཆད་མེད་པར་རབ་བརྗོད་ཀྱང་། །ཡོན་ཏན་མཐའ་ནི་རྟོགས་པར་མི་ནུས་སོ།། །།བམ་པོ་གསུམ་པ། བཅོམ་ལྡན་འདས་ཀྱིས་གཞན་ཡང་བྱང་ཆུབ་སེམས་དཔའ་གཟུངས་ཀྱི་དབང་ཕྱུག་གི་རྒྱལ་པོ་ལ་བཀའ་སྩལ་པ། རིགས་ཀྱི་བུ་སྣང་བ་
D147.057.0167b01.01གང་དག་གིས་སྣང་བར་གྱུར་ན་བྱང་ཆུབ་སེམས་དཔའ་མུན་པ་མུན་ནག་དང་བྲལ་ཞིང་བྱང་ཆུབ་སེམས་དཔའི་སྤྱོད་པ་ཡོངས་སུ་དག་པ་སྤྱོད་པར་འགྱུར་བ་བྱང་ཆུབ་སེམས་དཔའ་རྣམས་ཀྱི་སྣང་བ་ནི་བརྒྱད་པོ་འདི་དག་གོ། །བརྒྱད་གང་ཞེ་ན། འདི་ལྟ་སྟེ། དྲན་པའི་
D147.057.0167b02.01སྣང་བ་དང་། བློ་གྲོས་ཀྱི་སྣང་བ་དང་། རྟོགས་པའི་སྣང་བ་དང་། ཆོས་ཀྱི་སྣང་བ་དང་། ཤེས་པའི་སྣང་བ་དང་། བདེན་པའི་སྣང་བ་དང་། མངོན་པར་ཤེས་པའི་སྣང་བ་དང་། སྒྲུབ་པའི་སྣང་བ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་སྣང་
D147.057.0167b03.01བ་ནི་བརྒྱད་པོ་འདི་དག་གོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམས་ཀྱི་དྲན་པའི་སྣང་བ་གང་ཞེ་ན། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་དྲན་པའི་སྣང་བ་ནི་བརྒྱད་པོ་འདི་དག་སྟེ། བརྒྱད་གང་ཞེ་ན། འདི་ལྟ་སྟེ། སྔོན་བྱས་པའི་དགེ་བའི་རྩ་བ་
D147.057.0167b04.01ཆུད་མི་གཟོན་པ་དང་། དགེ་བའི་རྩ་བ་མ་བྱས་པ་སོགས་པ་དང་། ཐོས་པའི་ཆོས་རྣམས་མི་བརྗེད་པ་དང་། དོན་རྣམ་པར་ངེས་པ་རྗེས་སུ་ཐོབ་པ་དང་། ཡུལ་དྲུག་གིས་མི་འཕྲོགས་པ་དང་། མི་དགེ་བའི་ཆོས་སྤང་ཞིང་དགེ་བའི་ཆོས་ཡོངས་སུ་རྫོགས་
D147.057.0167b05.01པར་བྱ་བའི་ཕྱིར་དྲན་པ་རྒྱ་ཆེན་པོ་ཕུན་སུམ་ཚོགས་པར་གྱུར་པ་དང་། དེ་དྲན་པ་ཕུན་སུམ་ཚོགས་པར་རིག་ནས་སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཀྱི་གྲོང་ཁྱེར་སྲུང་བར་འཇོག་པ་དང་། དྲན་པ་སྔོན་དུ་འགྲོ་བས་ཆོས་ཐམས་ཅད་ལ་སྣང་བ་ཐོབ་པ་ཡིན་ཏེ།
D147.057.0167b06.01རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་དྲན་པའི་སྣང་བ་ནི་བརྒྱད་པོ་འདི་དག་གོ། །རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་བློ་གྲོས་ཀྱི་སྣང་བ་ནི་བརྒྱད་པོ་འདི་དག་སྟེ། བརྒྱད་གང་ཞེ་ན། འདི་ལྟ་སྟེ། དོན་གྱི་བློ་གྲོས་ཡིན་གྱི་ཚིག་འབྲུའི་བློ་གྲོས་མ་ཡིན་
D147.057.0167b07.01