'phags pa de bzhin gshegs pa'i snying rje chen po nges par bstan pa zhes bya ba theg pa chen po'i mdo/
当前为德格木刻版 203b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 203b
- 可引用原文
- 7 行
- 全文规模
- 全经 1414 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 57 函 · 德格 203b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文པར་འགྱུར་རོ་ཞེས་དེ་བཞིན་གཤེགས་པ་དེ་བཞིན་དུ་ཡང་དག་པ་ཇི་ལྟ་བ་བཞིན་དུ་སྟོན་ཏེ། འདི་དག་ནི་བར་དུ་གཅོད་པར་འགྱུར་བའི་ཆོས་རྣམས་སོ། །བར་དུ་གཅོད་པར་འགྱུར་བའི་ཆོས་དེ་དག་ཞི་བར་བྱ་བ་དང་། ཉེ་བར་ཞི་བར་བྱ་བ་དང་། སྤང་བར་བྱ་བའི་ཕྱིར། དེ་བཞིན་གཤེགས་པས་ཆོས་སྟོན་ཏེ། འདི་ནི་དེ་བཞིན་གཤེགས་པའི་དེ་བཞིན་གཤེགས་པའི་འཕྲིན་ལས་བཅུ་གསུམ་པའོ། །དེ་ལ་འདི་སྐད་ཅེས་བྱའོ། །རྒྱལ་བ་ཡིས་ནི་ཆོས་གང་རྗེས་རྟོགས་པ། །དེ་དག་བསྟེན་ན་རྣམ་པར་གྲོལ་མི་འཐོབ། །གང་ལ་དད་པ་སྤང་བ་ཡོད་པ་
དང་། །གང་ལ་ངོ་ཚ་ཁྲེལ་ལྟས་{ཆུང་ཟད་,ཅུང་ཟད་}མེད། །དེ་བཞིན་ལུས་དང་ངག་དང་སེམས་སྡོམ་པ། །གང་དག་ལ་ནི་ནམ་ཡང་མེད་པ་དང་། །འདུན་པ་དང་ནི་ཞེ་སྡང་གཏི་མུག་ནས། །སྲོག་གཅོད་གཞན་གྱི་ལོངས་སྤྱོད་འཇིག་པའི་བདག །གཞན་གྱི་ཆུང་མ་{བརྫུན་,རྫུན་}སྨྲ་དེ་བཞིན་ཆང་། །མ་གུས་དྲུག་པོ་དག་དང་ང་རྒྱལ་བདུན། །ལོག་པ་བརྒྱད་ནི་གང་ཡིན་དེ་དག་ཀྱང་། །ཐམས་ཅད་རྣམ་པར་གྲོལ་བའི་ལམ་གྱི་བགེགས། །ཀུན་ནས་མནར་སེམས་དངོས་པོ་དགུར་གསུངས་དང་། །མི་དགེ་བཅུ་པོའི་ལས་ཀྱི་ལམ་རྣམས་དང་། །གང་ཡང་ཚུལ་བཞིན་མི་ལྡན་དེ་དག་ལ། །
མངོན་པར་ཤེས་དང་ཐར་པ་ནམ་ཡང་མེད། །དེ་དག་ཕྱིན་ཅི་ལོག་དང་ལྡན་པ་དང་། །མཐར་ཞེན་ཡང་དག་མ་ཡིན་ཆགས་རིག་ནས། །ཆོས་རྣམས་འདི་དག་རྣམ་པར་སྤང་བའི་ཕྱིར། །རྒྱལ་བ་དབང་པོ་བྱམས་པས་འཆད་པ་མཛད། །རིགས་ཀྱི་བུ་གཞན་ཡང་དེ་བཞིན་གཤེགས་པས་འཕགས་པའི་ངེས་པར་འབྱུང་བའི་ལམ་ནི་དེ་བྱེད་པའི་སྡུག་བསྔལ་ཡང་དག་པར་ཟད་པར་འགྱུར་བའི་འཕགས་པའི་ངེས་པར་འབྱུང་བའི་ལམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏེ། དེ་ལ་བསྟེན་ན་སེམས་ཅན་རྣམས་ངེས་པར་འབྱུང་བ་དེ་ལ་ལྷ་དང་བཅས་པའི་འཇིག་རྟེན་
གང་གིས་ཀྱང་འདི་ངེས་པར་འབྱུང་བའི་ལམ་མ་ཡིན་ནོ་ཞེས་ཆོས་དང་འཐུན་པས་དེ་བཞིན་གཤེགས་པ་ལ་རྒོལ་མི་ནུས་སོ། །ངེས་པར་འབྱུང་བའི་ལམ་གང་ཞེ་ན། འདི་ལྟ་སྟེ། སེམས་ཅན་རྣམས་རྣམ་པར་དག་པར་འགྱུར་བའི་བགྲོད་པ་གཅིག་པུའི་ལམ་མོ། །ངེས་པར་འབྱུང་བའི་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D147
- 德格版页
- 203b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0147 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。