完整藏文原文 · 德格版页 当前仅加载第 57 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་སྒྲུབ་པ་གང་ཡིན་པ་དེ་ལ་ནི་སོགས་པའམ། མི་སོགས་པའམ། བླང་བའམ། དོར་བའམ། གཟུང་བའམ། སྤོང་བའི་ཆོས་གང་ཡང་མེད་དོ། །དེ་ཅིའི་ཕྱིར་ཞེ་ན། ཡང་དག་པར་ཞུགས་པ་ནི་གཉིས་ལ་བློ་མི་འཇུག་སྟེ། ཆོས་ཐམས་ཅད་གཉིས་སུ་མེད་
D147.057.0205a01.01པར་ཡང་དག་པ་ཇི་ལྟ་བ་བཞིན་དུ་ཡེ་ཤེས་ཀྱིས་མཐོང་བ་ནི་ངེས་པར་འབྱུང་བའི་ལམ་སྟེ། དེ་བཞིན་གཤེགས་པ་ངེས་པར་འབྱུང་བའི་ལམ་དེ་སེམས་ཅན་རྣམས་ལ་ཡང་དག་པར་སྟོན་ཏོ། །དེ་ལ་སྟེན་ན། དེ་བྱེད་པའི་སྡུག་བསྔལ་ཡང་དག་པར་ཟད་པར་འགྱུར་བའི་ཕྱིར་སེམས་ཅན་
D147.057.0205a02.01རྣམས་ངེས་པར་འབྱུང་སྟེ། འདི་ནི་དེ་བཞིན་གཤེགས་པའི་དེ་བཞིན་གཤེགས་པའི་འཕྲིན་ལས་བཅུ་བཞི་པའོ། །དེ་ལ་འདི་སྐད་ཅེས་བྱའོ། །གང་སྦྱངས་བདེ་བ་ཚད་མེད་འགྱུར་བ་དང་། གང་བསྟེན་པས་ན་མིས་ནི་ཞི་རིག་པ། །ཐམས་ཅད་རྒྱལ་བས་མཁྱེན་ཏེ་རང་ཐོས་ཤིང་། །མཁྱེན་
D147.057.0205a03.01ནས་འཆི་མེད་འགྲོ་བའི་ཆོས་སྟོན་ཏོ། །རྒྱལ་བས་བསྔགས་པ་དགེ་བ་བྱང་ཆུབ་ཕྱོགས། །དགེ་ཆོས་མང་པོ་ཇི་སྙེད་ཡོད་པ་དག །བློ་གྲོས་ཅན་གྱིས་བསྟེན་ན་མི་འགྲོལ་བའི། །གནས་མེད་ཅེས་ནི་བདེ་བར་གཤེགས་པས་བཤད། །ཡང་དག་ཆོས་ལ་མཁས་དང་ཡང་དག་ལྡན། །
D147.057.0205a04.01ཚུལ་བཞིན་གྱིས་ནི་ཉོན་མོངས་རྒྱ་ཆེན་ཞི། །ཆོས་མིན་མ་ཞེན་ཆོས་ལའང་མ་ཡིན་པ། །དེ་ནི་རྣམ་གྲོལ་ནད་མེད་ཞི་ལ་རེག །རྟེན་ལ་མཁས་པ་གང་ཞིག་ཆོས་རྣམས་ལ། །གསོབ་གསོག་ཡ་མ་བརླ་དང་མཁའ་འདྲ་དང་། །སྒྱུ་མའི་གཟུགས་མཚུངས་རྨི་ལམ་འདྲར་རྟོག་པ། །དེ་ནི་སྲིད་པའི་
D147.057.0205a05.01མཚོ་ལས་ཐར་བར་འགྱུར། །འདི་ནི་དྲང་སྲོང་རྒྱལ་པོ་ཐུབ་པའི་ལས། །སྙིང་རྗེ་བསྐྱེད་ནས་སྐྱེ་བོ་མྱོས་པ་དང་། །གང་ཕྱིར་སྲིད་པའི་འཁོར་ལོ་ལས་འགྲོལ་བ། །དེ་ཕྱིར་དེ་དག་འདྲེ་བ་མེད་པ་ཡིན། །རིགས་ཀྱི་བུ་གཞན་ཡང་གང་གི་ཕྱིར་དེའི་ལུས་འཁྲུལ་བས་བྱིས་པའམ། མཁས་པས་
D147.057.0205a06.01ཀྱང་རུང་སྟེ། ཆོས་དང་འཐུན་པས་རྒོལ་བར་འགྱུར་བའི་འཁྲུལ་པ་དེ་བཞིན་གཤེགས་པ་ལ་མེད་དོ། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་རྣམས་ནི་སྐུའི་འཕྲིན་ལས་འཁྲུལ་པ་མེད་པ་དང་ལྡན་པ་སྟེ། ཀུན་དུ་གཟིགས་པ་དང་། རྣམ་པར་གཟིགས་པ་དང་། བསྐུམ་
D147.057.0205a07.01