完整藏文原文 · 德格版页 当前仅加载第 57 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་དེ་བཞིན་གཤེགས་པའི་འཕྲིན་ལས་ཉི་ཤུ་རྩ་དྲུག་པའོ། །དེ་ལ་འདི་སྐད་ཅེས་བྱའོ། །ཉན་ཐོས་རྣམས་ཀྱི་རྣམ་གྲོལ་སྒྲ་རྗེས་འགྲོ། །རང་སངས་རྒྱས་ཀྱི་བརྟེན་ནས་སྐྱེས་པའོ། །སངས་རྒྱས་མ་སྨད་རྣམས་ཀྱི་རྣམ་གྲོལ་ནི། །ཆགས་ལས་རབ་འདས་
D147.057.0211a01.01དྲི་མེད་ནམ་མཁའ་འདྲ། །སེམས་ནི་སྔོན་ནས་བཅིངས་པར་མ་གྱུར་ཏེ། །སེམས་རྒྱུན་འདི་དག་རང་བཞིན་རྣམ་པར་གྲོལ། །ཇི་ལྟར་རྣམ་གྲོལ་དེ་ལྟར་ཡང་དག་ཤེས། །ཤེས་ནས་རྣམ་གྲོལ་ཉམས་པ་གང་ཡང་མེད། །རིགས་ཀྱི་བུ་གཞན་ཡང་དེ་བཞིན་གཤེགས་པའི་ལུས་ཀྱི་ལས་
D147.057.0211a02.01ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བའོ། །དེ་བཞིན་གཤེགས་པ་ལུས་ཀྱི་ལས་དེ་དང་ལྡན་པས་ལྟ་བས་ཀྱང་སེམས་ཅན་རྣམས་འདུལ། སྨྲ་བས་ཀྱང་སེམས་ཅན་རྣམས་འདུལ། ཅང་མི་སྨྲ་བས་ཀྱང་སེམས་ཅན་རྣམས་འདུལ། ཟ་བས་ཀྱང་སེམས་ཅན་
D147.057.0211a03.01རྣམས་འདུལ། སྤྱོད་ལམ་གྱིས་ཀྱང་སེམས་ཅན་རྣམས་འདུལ། མཚན་དག་གིས་ཀྱང་སེམས་ཅན་རྣམས་འདུལ། དཔེ་བྱད་བཟང་པོ་དག་གིས་ཀྱང་སེམས་ཅན་རྣམས་འདུལ། སྤྱི་གཙུག་བལྟར་མི་སྣང་བས་ཀྱང་སེམས་ཅན་རྣམས་འདུལ། བལྟས་པ་ཙམ་གྱིས་ཀྱང་སེམས་ཅན་
D147.057.0211a04.01རྣམས་འདུལ། འོད་གཏོང་བས་ཀྱང་སེམས་ཅན་རྣམས་འདུལ། གོམ་པ་འདོར་བས་ཀྱང་སེམས་ཅན་རྣམས་འདུལ། གྲོང་ཁྱེར་དུ་འཇུག་པ་དང་འབྱུང་བས་ཀྱང་སེམས་ཅན་རྣམས་འདུལ་ཏེ། སངས་རྒྱས་བཅོམ་ལྡན་འདས་རྣམས་ཀྱི་སྤྱོད་ལམ་གང་སེམས་ཅན་འདུལ་བར་མི་འགྱུར་བ་དེ་
D147.057.0211a05.01གང་ཡང་མེད་དོ། །དེའི་ཕྱིར་དེ་བཞིན་གཤེགས་པའི་ལུས་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་ཞེས་བྱའོ། །འདི་ནི་དེ་བཞིན་གཤེགས་པའི་དེ་བཞིན་གཤེགས་པའི་འཕྲིན་ལས་ཉི་ཤུ་རྩ་བདུན་པའོ། །དེ་ལ་འདི་སྐད་ཅེས་བྱའོ། །འདྲེན་པ་རྣམས་
D147.057.0211a06.01ཀྱི་སྤྱོད་ལམ་སྟོན་པ་དང་། །འགྲོ་དང་འཇུག་དང་དེ་བཞིན་འབྱུང་བ་དང་། །དཔེ་བྱད་བཟང་དང་མཚན་དང་སྤྱི་གཙུག་གིས། །སངས་རྒྱས་དག་ནི་སེམས་ཅན་འདུལ་བར་སྦྱོར། །རྣམ་པར་འདྲེན་པ་གང་ཚེ་འོད་གཏོང་བ། །དེ་ཚེ་སྐྱེ་བོ་དུ་མ་བདེ་བར་གྱུར། །འོད་ཀྱིས་རེག་ནས་འདུལ་བར་
D147.057.0211a07.01