完整藏文原文 · 德格版页 当前仅加载第 57 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་པར་ཡང་དག་པར་རྫོགས་པའི་སངས་རྒྱས་སོ་ཞེས་ཁས་འཆེ་བ་དེ་དག་དེ་བཞིན་གཤེགས་པའི་མི་འཇིགས་པ་འདིས་ཟིལ་གྱིས་ནོན་པར་འགྱུར་ཞིང་མེད་པར་ཡང་འགྲོ་བར་འགྱུར་ཏེ། འདི་ནི་དེ་བཞིན་གཤེགས་པའི་དེ་བཞིན་གཤེགས་པའི་འཕྲིན་ལས་བཅུ་གཅིག་པའོ། །
D147.057.0201b01.01དེ་ལ་འདི་སྐད་ཅེས་བྱའོ། །རང་བྱུང་གིས་ནི་ཆོས་རྣམས་ཀུན། །མཉམ་པ་ཉིད་དུ་རྗེས་རྟོགས་པས། །དེས་ན་ཡང་དག་རྫོགས་སངས་རྒྱས། །དེ་བཞིན་གཤེགས་པས་མཉམ་པར་གཟིགས། །སོ་སོའི་སྐྱེ་བོའི་ཆོས་རྣམས་དང་། །སློབ་དང་མི་སློབ་ཆོས་རྣམས་དང་། །རང་
D147.057.0201b02.01རྒྱལ་ཆོས་རྣམས་གང་ཡིན་པ། །དེ་དག་སངས་རྒྱས་ཆོས་དང་མཉམ། །འཇིག་རྟེན་པ་དང་དེ་བཞིན་དུ། །འཇིག་རྟེན་ལས་ནི་འདས་པ་དང་། །དགེ་དང་མི་དགེ་གང་ཡིན་པ། །མྱ་ངན་འདས་དང་མཚུངས་ཤིང་འདྲ། །སྟོང་པ་མཚན་མ་མེད་པ་དང་། །སྨོན་པ་རྣམ་པར་སྤངས་པ་
D147.057.0201b03.01དང་། །སྐྱེ་མེད་མངོན་པར་འདུ་མི་བྱེད། །ཐམས་ཅད་མཉམ་པ་ཉིད་དུ་གཟིགས། །དེ་དག་རྟོགས་ནས་ཐུགས་རྗེ་ཡིས། །སེམས་ཅན་རྣམས་ལ་རབ་སྟོན་ཏོ། །དེས་ན་སེམས་ཅན་རྣམ་པར་འགྲོལ། །འདི་ནི་ཐུབ་པའི་ལས་ཀྱི་མཆོག །རིགས་ཀྱི་བུ་གཞན་ཡང་དེ་བཞིན་
D147.057.0201b04.01གཤེགས་པས་ང་ཟག་པ་ཟད་དོ་ཞེས་བདག་ཉིད་ཞལ་གྱིས་འཆེ་བ་དེ་ལ་ལྷ་དང་བཅས་པའི་འཇིག་རྟེན་གང་གིས་ཀྱང་ཁྱོད་ཟག་པ་འདི་དག་མ་ཟད་དོ་ཞེས་ཆོས་དང་འཐུན་པས་དེ་བཞིན་གཤེགས་པ་ལ་རྒོལ་མི་ནུས་སོ། །དེ་ལ་དེ་བཞིན་གཤེགས་པའི་ཟག་པ་ཟད་པ་ནི་འདི་ཡིན་ཏེ།
D147.057.0201b05.01འདོད་པའི་ཟག་པ་རྣམས་ལས་དེ་བཞིན་གཤེགས་པའི་སེམས་རྣམ་པར་གྲོལ་བས་འདོད་ཆགས་ལ་སྤྱོད་པའི་བག་ཆགས་ཐམས་ཅད་ལེགས་པར་བཅོམ་མོ། །སྲིད་པའི་ཟག་པ་རྣམས་ལས་དེ་བཞིན་གཤེགས་པའི་སེམས་རྣམ་པར་གྲོལ་བས་ཞེ་སྡང་ལ་སྤྱོད་པའི་བག་ཆགས་
D147.057.0201b06.01ཐམས་ཅད་ལེགས་པར་བཅོམ་མོ། །མ་རིག་པའི་ཟག་པ་རྣམས་ལས་དེ་བཞིན་གཤེགས་པའི་སེམས་རྣམ་པར་གྲོལ་བས་གཏི་མུག་ལ་སྤྱོད་པའི་བག་ཆགས་ཐམས་ཅད་ལེགས་པར་བཅོམ་མོ། །ལྟ་བའི་ཟག་པ་རྣམས་ལས་དེ་བཞིན་གཤེགས་པའི་སེམས་རྣམ་པར་གྲོལ་
D147.057.0201b07.01