完整藏文原文 · 德格版页 当前仅加载第 54 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། །གང་གིས་བསྟན་པ་དེ་ཡང་མཆིས་མ་ལགས། །དེ་བཞིན་ཆོས་རྒྱལ་བ་ཡིས་ཤིན་ཏུ་བསྟན། །སྟོན་པ་དང་ནི་བརྗོད་པའང་མ་མཆིས་ཏེ། །མིང་དུ་བསྟན་པའང་དེ་བཞིན་མཆིས་མ་ལགས། །དེ་ལྟར་རྒྱལ་བའི་ཆོས་ཉིད་རྟོགས་པར་བགྱིད། །
D124.054.0274a01.01སྟོན་དང་བསྟན་པ་ཚོར་དང་ཚོར་བགྱིད་དང་། །འདྲེན་དང་འདྲེན་པ་ཞི་དང་ཞི་བགྱིད་པ། །ནམ་མཁའ་བར་སྣང་བྱ་ཡི་རྗེས་འདྲ་བར། །ཐུབ་པས་ཡང་དག་ཆོས་ཉིད་རབ་ཏུ་བསྟན། །དེ་བཞིན་ཆོས་ཉིད་ལ་ཡང་གང་རྟོགས་པ། །དེས་ནི་དེ་བཞིན་གཤེགས་པ་ཡང་མཐོང་
D124.054.0274a02.01ཞིང་། །དེ་ཡིས་མི་ཡི་གཙོ་བོར་བཀུར་སྟི་བགྱིས། །སངས་རྒྱས་ས་ལ་མཁས་ཤིང་རྣམ་པར་རྟོགས། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཆོས་བཤད་པ་འདི་རྣམས་སུས་ཤེས་པར་འགྱུར།
D124.054.0274a03.01གསོལ་པ། བཅོམ་ལྡན་འདས་མ་སྐྱེས་མ་འགགས་པས་ཆོས་བཤད་པ་འདི་རྣམས་འཚལ་བར་འགྱུར་རོ། །བཀའ་སྩལ་པ། འཇམ་དཔལ་གལ་ཏེ་མ་སྐྱེས་མ་འགགས་པས་ཤེས་པར་འགྱུར་ན་ཇི་ལྟར་ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་
D124.054.0274a04.01པར་རྫོགས་པར་སངས་རྒྱས་ནས་ཆོས་བཤད་པར་འགྱུར། །གསོལ་པ། བཅོམ་ལྡན་འདས་གལ་ཏེ་བདག་ཀྱང་གཞན་ལ། བྱང་ཆུབ་ཀྱང་གཞན་ན་ནི་བདག་བྱང་ཆུབ་མངོན་པར་རྫོགས་པར་འཚང་རྒྱ་ལགས་སོ། །བཀའ་སྩལ་པ། འཇམ་དཔལ་དེ་སྐད་དུ་བཤད་
D124.054.0274a05.01ན་བྱིས་པ་སོ་སོའི་སྐྱེ་བོ་རྣམས་སྐྲག་པར་འགྱུར་རོ། །གསོལ་པ། གལ་ཏེ་སྐྲག་པའི་ཆོས་འགའ་ཞིག་མཆིས་ན་ནི་དེ་ལ་སྐྲག་པར་ཡང་འགྱུར་ན་བཅོམ་ལྡན་འདས་ཆོས་ཐམས་ཅད་ལ་སྐྲག་པ་མ་མཆིས་ལགས་སོ། །བཀའ་སྩལ་པ། འཇམ་དཔལ་སྐྲག་ཅེས་བྱ་བ་དེ་
D124.054.0274a06.01ཆོས་གང་གི་ཚིག་{བླ་དགས་,བླ་དྭགས་}ཡིན། །གསོལ་པ། བཅོམ་ལྡན་འདས་སྐྲག་ཅེས་བགྱི་བ་དེ་ནི་ཕྱིན་ཅི་ལོག་གི་ཚིག་{བླ་དགས་,བླ་དྭགས་}ལགས་སོ། །བཀའ་སྩལ་པ། འཇམ་དཔལ་ཕྱིན་ཅི་ལོག་ཅེས་བྱ་བ་དེ་ནི་ཆོས་གང་གི་ཚིག་{བླ་དགས་,བླ་དྭགས་}ཡིན། གསོལ་པ། བཅོམ་ལྡན་
D124.054.0274a07.01