完整藏文原文 · 德格版页 当前仅加载第 54 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
སྙེད་ཀྱི་འཇིག་རྟེན་གྱི་ཁམས་རབ་འབྱམ་གྱི་རྒྱ་ཇི་ཙམ་པར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་ཐམས་ཅད་གྲུབ་པའི་བྱང་ཆུབ་ཀྱི་ཤིང་གི་རྒྱ་ཡང་དེ་ཙམ་མོ། །བྱང་ཆུབ་ཀྱི་ཤིང་དེ་ནི་རིན་པོ་ཆེ་སྣ་བདུན་ཏེ། འབྲས་བུ་ནི་ཡིད་བཞིན་གྱི་
D124.054.0220a01.01ནོར་བུའོ། །བྱང་ཆུབ་ཀྱི་ཤིང་དེའི་ཡལ་ག་ནི་ཐ་མའི་རྡུལ་ཕྲ་རབ་ཀྱི་རྡུལ་སྙེད་ཡོད་དོ། །ཡལ་ག་གཅིག་ཅིང་ཡང་ཐ་མའི་རྡུལ་ཕྲ་རབ་ཀྱི་རྡུལ་སྙེད་ཀྱི་ཡལ་ག་ཕྲེའུ་ཡོད་དེ། ཡལ་ག་ཕྲེའུ་གཅིག་ཅིང་ཡང་ཐ་མའི་རྡུལ་ཕྲ་རབ་ཀྱི་རྡུལ་སྙེད་ཀྱི་འབྲས་བུ་ཡོད་དོ། །འབྲས་བུ་རེ་རེ་ལ་ཡང་ཆ་ཤས་ནི་
D124.054.0220a02.01དཔག་ཏུ་མེད་དོ། །འཇམ་དཔལ་བྱང་ཆུབ་ཀྱི་ཤིང་དེ་ནི་དེ་བཞིན་གཤེགས་པ་དོན་ཐམས་ཅད་གྲུབ་པའི་ལེགས་པར་སྤྱད་པའི་འབྲས་བུར་གྲུབ་པ་སྟེ། དེ་ནི་མིག་ཡོངས་སུ་མ་སྦྱངས་པའི་སེམས་ཅན་རྣམས་ཀྱི་མིག་ལམ་དུ་སྣང་བར་མི་འགྱུར་རོ། །འཇམ་དཔལ་འདི་ལྟ་སྟེ། དཔེར་ན་བར་སྣང་
D124.054.0220a03.01གི་གནོད་སྦྱིན་རྣམས་ཀྱི་གཞལ་མེད་ཁང་དག་མི་རྣམས་ཀྱི་མིག་ལམ་དུ་སྣང་བར་མི་འགྱུར་བ་དེ་བཞིན་དུ་བྱང་ཆུབ་ཀྱི་ཤིང་དེ་ཡང་མིག་ཡོངས་སུ་མ་སྦྱངས་པའི་སེམས་ཅན་རྣམས་ཀྱི་མིག་ལམ་དུ་སྣང་བར་མི་འགྱུར་རོ། །འཇམ་དཔལ་བྱང་ཆུབ་ཀྱི་ཤིང་དེ་ལ་སེམས་ཅན་རྣམས་མི་ཐོགས་པར་
D124.054.0220a04.01འགྲོ་སྟེ། འཇམ་དཔལ་འདི་ལྟ་སྟེ། དཔེར་ན་བར་སྣང་གི་གནོད་སྦྱིན་དག་གི་གཞལ་མེད་ཁང་རྣམས་ལ་མི་ཐོགས་པར་འགྲོ་བ་དེ་བཞིན་དུ་འཇམ་དཔལ་བྱང་ཆུབ་ཀྱི་ཤིང་དེ་ལ་སེམས་ཅན་རྣམས་མི་ཐོགས་པར་འགྲོ་སྟེ། བྱང་ཆུབ་ཀྱི་ཤིང་དེ་ཡང་ཡོངས་སུ་དག་པའི་ལས་དང་ལྡན་པའི་སེམས་
D124.054.0220a05.01ཅན་རྣམས་ཀྱི་ལས་ཀྱི་རྣམ་པར་སྨིན་པས་ཡོངས་སུ་གྲུབ་པའི་ཕྱིར་རོ། །འཇམ་དཔལ་ཡང་དེ་བཞིན་གཤེགས་པ་དོན་ཐམས་ཅད་གྲུབ་པ་དེའི་འཇིག་རྟེན་གྱི་ཁམས་ནི་ཤར་ཕྱོགས་སུ་ཡང་ཐ་མའི་རྡུལ་ཕྲ་རབ་ཀྱི་རྡུལ་ཇི་སྙེད་པ་དེ་སྙེད་ཡོངས་སུ་དག་གོ། །ལྷོར་ཡང་དེ་སྙེད། ནུབ་ཏུ་ཡང་དེ་སྙེད། བྱང་
D124.054.0220a06.01དུ་ཡང་དེ་སྙེད། ཤར་ལྷོར་ཡང་དེ་སྙེད། ལྷོ་ནུབ་ཏུ་ཡང་དེ་སྙེད། ནུབ་བྱང་དུ་ཡང་དེ་སྙེད། བྱང་ཤར་དུ་ཡང་དེ་སྙེད། སྟེང་དང་འོག་གི་ཕྱོགས་སུ་ཡང་དེ་སྙེད་ཀྱི་འཇིག་རྟེན་གྱི་ཁམས་ཡོངས་སུ་དག་སྟེ། སངས་རྒྱས་ཀྱི་ཞིང་དེ་དེ་ཙམ་དུ་རྒྱ་ཆེར་ཡོངས་སུ་དག་གོ། །སྒྲིབ་པ་མེད་པའི་
D124.054.0220a07.01