完整藏文原文 · 德格版页 当前仅加载第 54 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
པས་བདག་གིས་ཀྱང་། །བདེ་གཤེགས་བྱེ་བ་ཁྲག་ཁྲིག་མང་པོ་རྣམས། །སེམས་ཅན་ཁྲག་ཁྲིག་བཏུལ་ཏེ་མཛད་པ་མཛད། །བདེ་གཤེགས་དད་པས་བསྒྲལ་ཕྱིར་བཞུགས་པ་མཐོང་། །དྲི་མེད་ཚུལ་ཁྲིམས་གནས་པས་བདག་གིས་ཀྱང་། །བདེ་
D124.054.0228a01.01གཤེགས་བྱེ་བ་ཁྲག་ཁྲིག་མང་པོ་རྣམས། །འགྲོ་བའི་དོན་ཆེན་མཛད་པ་མཛད་ནས་སུ། །ཡང་འབྱུང་མེད་པར་མྱ་ངན་འདའ་བ་མཐོང་། །དྲི་མེད་ཚུལ་ཁྲིམས་གནས་པས་བདག་གིས་ཀྱང་། །བདེ་གཤེགས་བྱེ་བ་ཁྲག་ཁྲིག་མང་པོ་རྣམས། །མྱ་ངན་འདས་ནས་རིང་བསྲེལ་
D124.054.0228a02.01རབ་རྒྱས་ཤིང་། །སྐྱེ་བོ་བདེ་བས་མངོན་དུ་ཚིམ་མཛད་མཐོང་། །དེ་རིང་སློབ་དཔོན་ཁྱོད་ཀྱི་གསུང་ཐོས་ནས། །བདག་གི་མིག་ཀྱང་བསམ་མི་ཁྱབ་པར་དག །དེ་ཕྱིར་ཕྱོགས་བཅུ་དག་གི་རྒྱལ་བ་རྣམས། །སྒྲིབ་པ་མེད་པའི་མིག་གི་སྟོབས་ཀྱིས་མཐོང་། །བདག་གི་
D124.054.0228a03.01མཚུངས་མེད་ཚུལ་ཁྲིམས་ཡོངས་དག་པས། །དེ་ལས་བདག་གི་སྒྲིབ་མེད་མིག་འདི་སྐྱེས། །ཚུལ་ཁྲིམས་ཕུང་པོ་ཡོངས་སུ་སྦྱངས་པ་ལས། །སྒྲིབ་པ་མེད་པའི་མིག་ནི་བདག་གིས་ཐོབ། །འདི་ལྟར་ཐལ་སྦྱར་སློབ་དཔོན་མཆོག་ཁྱོད་ལ། །གང་གི་མཐུ་ཆེ་བ་ནི་དེ་འདྲ་
D124.054.0228a04.01བ། །དེ་ལ་ཐལ་མོ་མངོན་སྦྱར་ཕྱག་འཚལ་ཅིང་། །མཚུངས་མེད་རྡུལ་བྲལ་བྱང་ཆུབ་རེག་པར་བགྱི། །དེ་ནས་རྒྱལ་པོ་སྡེ་མི་ཕམ་པས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་ལྡན་པའི་དགེ་བའི་རྩ་བའི་ཤུགས་དེ་རྙེད་པས་དེ་བཞིན་གཤེགས་པ་དེ་དག་ཐམས་ཅད་ཀྱིས་རབ་ཏུ་
D124.054.0228a05.01བསྔགས་པར་གྱུར་ཏོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་ལྡན་པའི་དགེ་བའི་རྩ་བའི་ཤུགས་རྙེད་པས་ཕྱོགས་བཅུ་མུན་པ་མེད་པར་གྱུར་ཏོ། །སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་མཐོང་སྟེ། གང་སངས་རྒྱས་བཅོམ་ལྡན་འདས་དེ་དག་གིས་ཆོས་བསྟན་
D124.054.0228a06.01པ་དེ་དག་ཐམས་ཅད་ཀྱང་ལེན་ཅིང་འཛིན་ཏོ། །དེ་ཚུན་ཆད་ནམས་ཀྱང་དྲན་པ་ཉམས་པར་མ་གྱུར་ཏེ། བསྐལ་པ་བརྗོད་དུ་མེད་པའི་བར་དུ་དུས་ཐམས་ཅད་དུའང་ཐོས་པ་འཛིན་པར་གྱུར་ཏོ། །དེ་ལ་ཆོས་ཀྱི་སྒོ་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་པ་མངོན་དུ་གྱུར་ཏོ། །འདི་
D124.054.0228a07.01